“Përderisa ne të gjithë kemi ardhur nga një grua, emrin tonë e kemi marrur nga një grua, dhe lodrat tona nga një grua, e pyes veten se pse ne marrim nga një grua, pse ne e dhunojmë një grua – a i urrejmë ne gratë tona?
Mendoj që është koha të vdesim për gratë tona, të jemi të vërtetë ndaj grave tona, të tentojmë ti shërojmë gratë tona, sepse nëse nuk e bëjmë do të kemi pastaj një racë fëmijësh që do ti urrejnë zonjat, të cilat i bëjnë fëmijët.
Dhe përderisa burri nuk mund të bëjë fëmijë, ai nuk e ka asnjë të drejtë ti tregojë gruas se ku dhe kur duhet ta bëjë atë.”
27 vjet pas vdekjes, legjenda e hip-hop-it, Tupac mori yllin e tij në Hollywood Walk of Fame.
Zbulimi do të bëhet më 7 qershor, teksa motra e tij, Sekyiëa “Set” Shakur, do të marrë nderimin në emër të tij.
Ylli do t’i jepet reperit legjendar për kategorinë “Regjistrimi”. “Tupac Shakur ishte një reper, aktor, aktivist, poet dhe revolucionar”, tha në një deklaratë producentja e Hollywood Walk of Fame, Ana Martinez.
“Ky artist ikonë ka vazhduar të jetë pjesë e zeitgeist për dekada pas vdekjes së tij dhe do të vazhdojë të jetë një figurë e rëndësishme kulturore për shumë vite në vijim”, shtoi ajo.
Tupac Shakur u vra në vitin 1996, në moshën 25-vjeçare. Ai u bë një nga emrat më të mëdhenj në historinë e muzikës hip hop dhe një ndikim të madh në artistët që pasuan.
Ndër artistët që u dhanë pas vdekjes një yll në Hollyëood Walk of Fame ishin Paul Walker dhe Carrie Fisher./ KultPlus.com
Sot shënohen gjithsej 26 vite nga vrasja e reperit amerikan, Tupac Amaru Shakur, shkruan KultPlus.
Përderisa ne të gjithë kemi ardhur nga një grua, emrin tonë e kemi marrur nga një grua, dhe lodrat tona nga një grua, e pyes veten se pse ne marrim nga një grua, pse ne e dhunojmë një grua – a i urrejmë ne gratë tona?
Mendoj që është koha të vdesim për gratë tona, të jemi të vërtetë ndaj grave tona, të tentojmë ti shërojmë gratë tona, sepse nëse nuk e bëjmë do të kemi pastaj një racë fëmijësh që do ti urrejnë zonjat, të cilat i bëjnë fëmijët.
Dhe përderisa burri nuk mund të bëjë fëmijë, ai nuk e ka asnjë të drejtë ti tregojë gruas se ku dhe kur duhet ta bëjë atë.
Tekstet e shkruara me dorë të Tupac Shakur prej këngëve klasike si “California Love” dhe “Dear Mama” së bashku me fotot që i bëjnë homazhe nënës së tij të ndjerë janë ndër karakteristikat e një ekspozite masive në një muze.
Shakur Estate njoftoi se “Tupac Shakur. Wake Me When I’m Free” do të hapet më 21 janar në Los Angeles. Një nga figurat më pjellore të hip-hop-it, vdiq në vitin 1996 nga plagët e shkaktuara me armë zjarri, në moshën 25 vjecare. Kurse ekspozita do të jetë e hapur për gjashtë muaj në Los Anxhelos me shpresën për të vazhduar edhe në qytete tjera.
“Ka mijëra copa letre, copa letre të shkruara me dorë – që janë gjithçka, nga tekstet e tij deri te të gjitha këngët dhe poezitë që ju i dini, e deri te një listë ushqimore për një festë ditëlindjeje,” tha Arron Saxe, kryetar i Kinfolk Management + Media, e cila po punon me pasurinë e Shakurit.
Ekspozita prej 20,000 metrash katrorë do të shfaqë muzikën, poezinë, veshjet, udhëtimin e aktivizmit dhe sende të tjera të Shakurit, shkruan AP.
“I gjithë qëllimi i kësaj ekspozite ishte që jo vetëm të tregonte natyrën kaleidoskopike të Tupac, por edhe të tregonte se si ai është i afërt. Ka pjesë të pabesueshme veshjesh. Kjo ekspozitë është gjithashtu një përzierje e artit bashkëkohor dhe teknologjisë gjithashtu. Shumë nga artefaktet nuk janë parë kurrë më parë.” vazhdoi Saxe.
Një nga galeritë do t’i kushtohet nënës së ndjerë të reperit, Afeni Shakur, që vdiq në vitin 2016. Saxe tha se nëna e Shakurit është “drita udhëzuese” e ekspozitës./KultPlus.com
Jada Pinkett Smith ka shpërndarë një poemë të papublikuar ndonjëherë të shkruar nga ish-miku i saj më i mirë, Tupac Shakur.
Aktorja 49-vjeçare ka shpërndarë në rrjetet sociale një video ku shihet poema e shkruar nga duart e Tupacit, për të shënuar edhe 50-vjetorin e lindjes së reperit amerikan.
“Siç e dini shumica, sot do të ishte ditëlindja e Tupacit. Ai do të mbushte 50 vjet këtë vit. Dhe sigurisht se për këtë arsye i jam kthyer disa kujtimeve nga ai”, ka thënë Pinkett Smith në videon e publikuar.
Fansat shumë herë kanë hedhur dyshime për ndonjë lidhje të mundshme mes Tupac Shakur dhe bashkëshortes së Will Smith, Jada Pinkett Smith, gjë të cilën kjo e fundit nuk është se e ka mohuar ndonjëherë, duke deklaruar se ka pasur kimi mes tyre.
Ata thuhet se ishin njoftuar shumë të rinj, kur po ndiqnin shkollën e mesme.
Në videon e publikuar të mërkurën, ajo thotë se bëhet fjalë për një poemë të cilën Tupaci ia kishte kushtuar asaj dhe e cila titullohej “Lost Soulz”, titull ky i njëjtë i njërës prej këngëve të tij. / KultPlus.com
Makina BMW 750Li në të cilën më 7 shtator 1996 u vra reperi legjendar Tupac është në shitje për madje 1,75 milionë dollarë. Në derën e automobilit ka mbetur vendi i dukshëm ku ka goditur plumbi.
Ajo shërben si kujtesë e asaj që ka ndodhur në të vërtetë në këtë automobil.
Sulmi ndaj Tupac ndodhi në Las Vegas menjëherë pas meçit të boksit të Bruce Seldon kundër Mike Tyson.
Derisa ky automobil po qëndronte në semafor, nga ana e djathtë u afrua një Cadillac i bardhë nga i cili vrasësi i qëlloi disa të shtëna në drejtim të udhëtarit të përparmë. Tupac u qëllua në gjoks, krah dhe kofshë. Ai vdiq gjashtë ditë më vonë si pasojë e plagëve, në moshën 25-vjeçare.
Deri më tani nuk është sqaruar se kush e urdhëroi vrasjen dhe kush e tërhoqi këmbëzën.
Për shkak të kësaj, të gjitha gjërat në lidhje me këtë reper po ngjallin interes të madh në ankande.
Ky automobil ishte në pronësi të disa pronarëve pas vrasjes, ndërsa i fundit e rindërtoi plotësisht. Pronari i ri i veturës gjithashtu do të pajiset me dokumentacionin që e dëshmon historinë e makinës.
Vetura është ende e zbukuruar me lëkurë të zezë nga brenda, motorin origjinal 5.4-litërsh dhe marsh automatik. BMW tani po shitet nga Celebrity Cars Las Vegas. Depozita për të gjithë blerësit e interesuar është 20.000 dollarë.
Është interesante që ky automobil u paraqit në emisionin “Pawn Stars” në vitin 2018 dhe atëherë u vlerësua me 1.5 milionë dollarë.
T’ju rikujtojmë, Tupac konsiderohet një nga reperët më me ndikim të të gjitha kohërave.
Deri më tani ai i ka shitur më shumë se 75 milionë pllaka./koha.net/ KultPlus.com
