Një grup turoperatorësh francezë do të udhëtojnë në fillim të vitit të ardhëm në Shqipëri.

Lajmi u bë i ditur nga ministrja e Turizmit dhe Mjedisit, Mirela Kumbaro, e cila priti sot në takim Pierre Creuse, drejtues i “3B Voyages” dhe turoperatorëve të rajonit të Bordosë dhe gjithë jugut të Francës.

Kumbaro tha se “turoperatorëve francezë përveçse do të shohin nga afër gjithë destinacionet shqiptare për përgatitjen e paketave turistike, do t’u krijojmë edhe një agjendë të dedikuar me B2B për të ndërtuar bashkëpunime sa më të shpejta me turoperatorët shqiptarë”.

Ministrja Kumbaro u shpreh se “67 mijë mijë turistë francezë vizituan Shqipërinë deri në shtator të këtij viti, gati dyfish krahasuar me vitin e kaluar dhe s’ka diskutim se është një treg edhe me më shumë potencial”. / atsh / KultPlus.com