UNICEF, shkurtesa në anglisht për United National International Children´s Emergency Fund (Fondi i Emergjencës i Kombeve të Bashkuara për Fëmijet) është themeluar pikërisht më 11 dhjetor në vitin 1946, shkruan KultPlus.
Fillimisht për të lehtësuar pasojat e luftës. Tani merret me mirëqenien e fëmijëve në vendet ne zhvillim.
UNICEF ka marrë mandatin e Asamblesë së Përgjithshme të Kombeve të Bashkuara që të mbrojë të drejtat e fëmijëve, të ndihmojë për përmbushjen e nevojave të tyre bazë dhe zgjerojë mundësinë e tyre për të arritur potencialin tyre të plotë, duke zbutur kështu një nga problemet sociale më të rënda të ditëve të sotme.
Qendra kryesore është në qytetin e New Yorkut, derisa UNICEF-i përmes programeve të shumta është aktiv edhe në Kosovë e Shqipëri. /KultPlus.com
Rreth 90% e vajzave adoleshente dhe vajzave të reja nuk përdorin internetin në vendet me të ardhura të ulëta, ndërsa bashkëmoshatarët e tyre meshkuj kanë dy herë më shumë gjasa të jenë ”online”, sipas Unicef.
“Mbyllja e ndarjes dixhitale midis vajzave dhe djemve nuk ka të bëjë vetëm me aksesin në internet dhe teknologji. Ka të bëjë me fuqizimin e vajzave për t’u bërë novatore, krijuese dhe lidere,” tha drejtori i Arsimit i Unicef, Robert Jenkins.
”Ekzistojnë hendeqe gjinore në tregun e punës, veçanërisht në shkencë, teknologji, inxhinieri dhe matematikë. Ne duhet të fillojmë tani duke ndihmuar të rinjtë, veçanërisht vajzat, të fitojnë aftësi dixhitale”, shton ai.
Sipas raportit të Unicef-it, vajzat kanë më pak gjasa të kenë mundësi të zhvillojnë aftësitë e nevojshme për të mësuar dhe punësuar.
Mesatarisht në 32 vende dhe territore, gratë e reja kanë 35% më pak gjasa se bashkëmoshatarët e tyre meshkuj që të kenë aftësi dixhitale, duke përfshirë detyra të thjeshta si kopjimi ose ngjitja e skedarëve ose dosjeve, dërgimi i postës elektronike ose transferimi i skedarëve.
Unicef u bën thirrje qeverive dhe partnerëve “të mbyllin hendekun gjinor dhe të sigurojnë që vajzat të kenë mundësinë të kenë sukses në një botë dixhitale”./KultPlus.com
Uji i ndotur dhe mungesa e infrastrukturës sanitare rrezikojnë jetën e gati 200 milionë fëmijëve në mbarë botën, tha sot Fondi i Kombeve të Bashkuara për Fëmijët (UNICEF).
Çdo ditë, më shumë se 1000 fëmijë nën moshën 5 vjeç vdesin nga sëmundjet e shkaktuara nga pirja e ujit të kontaminuar, mungesa e pastrimit të ujit dhe të kanalizimeve, raporton UNICEF.
Një total prej 190 milionë të miturve në 10 vende afrikane janë në rrezik, sipas analizave të agjencisë së OKB-së për fëmijë.
Situata është më alarmante në shtetet e Afrikës Perëndimore dhe Qendrore, më konkretisht në Benin, Burkina Faso, Kamerun, Çad, Bregun e Fildishtë, Guine, Mali, Niger, Nigeri dhe Somali, sqaron ai.
Shumë nga këto vende janë të rrënuara nga paqëndrueshmëria dhe konflikti i armatosur, duke e komplikuar më tej aksesin e fëmijëve në ujë të pastër.
Pasnesër, e mërkurë 22 mars, është Dita Ndërkombëtare e Ujit, është gjithashtu dita kur fillon Konferenca e Ujit e Kombeve të Bashkuara në Nju Jork. Qëllimi është të ekzaminohet shkalla në të cilën mund të arrihen objektivat e rënë dakord, në veçanti Objektivi i Zhvillimit të Qëndrueshëm (SDG) për të siguruar akses në ujë të pijshëm të pastër për të gjithë deri në vitin 2030.
Sipas OKB-së, 2 miliardë njerëz në mbarë botën, ose me fjalë të tjera, një në katër aktualisht nuk kanë qasje në ujë të pijshëm të pastër./ KultPlus.com
UNICEF thekson se gjatë tre viteve të fundit, më shumë se 1 milion vajza afgane kanë humbur mundësinë për të ndjekur shkollën e mesme. Në vitin 2023, nëse arsimi i mesëm mbetet i mbyllur, rreth 215,000 vajza që ndoqën klasën e gjashtë vitin e kaluar do t’u mohohet sërish e drejta për të mësuar.
Megjithatë, UNICEF thekson se “ka disa shenja pozitive pasi rreth 200,000 vajza vazhdojnë të ndjekin shkollat e mesme në rreth 12 provinca”.Gjithashtu, në vitin e fundit, numri i orëve të arsimit me bazë komunitare që zhvillohen në shtëpi private/lokale është dyfishuar nga 10,000 në 20,000.
“Numrat janë alarmante. Më shumë se 1 milion vajza që duhet të kishin ndjekur shkollën e mesme, kanë humbur mësimin për 3 vjet. Filliisht për shkak të Covid-19 dhe më pas, nga shtatori 2021, për shkak të ndalimit për të ndjekur shkollën e mesme”, tha zëvendësdrejtori i përgjithshëm i UNICEF, Omar Abdi.
“Me njoftimin e fundit, më 20 dhjetor, që i ndalon gratë nga universitetet dhe qendrat arsimore, shpresat e vajzave dhe grave afgane për të mësuar dhe për të punuar janë shtypur përsëri. Ne jemi shumë të shqetësuar për zhvillimin e vajzave dhe grave, dhe veçanërisht shëndetin e tyre mendor.”/abcnews.al / KultPlus.com
UNICEF, shkurtesa në anglisht për United National International Children´s Emergency Fund (Fondi i Emergjencës i Kombeve të Bashkuara për Fëmijet) është themeluar pikërisht më 11 dhjetor në vitin 1946, shkruan KultPlus.
Fillimisht për të lehtësuar pasojat e luftës. Tani merret me mirëqenien e fëmijëve në vendet ne zhvillim.
UNICEF ka marrë mandatin e Asamblesë së Përgjithshme të Kombeve të Bashkuara që të mbrojë të drejtat e fëmijëve, të ndihmojë për përmbushjen e nevojave të tyre bazë dhe zgjerojë mundësinë e tyre për të arritur potencialin tyre të plotë, duke zbutur kështu një nga problemet sociale më të rënda të ditëve të sotme.
Qendra kryesore është në qytetin e New Yorkut, derisa UNICEF-i përmes programeve të shumta është aktiv edhe në Kosovë e Shqipëri. /KultPlus.com
Rita Ora u kthye në Shqipëri të hënën për të takuar ‘fëmijët më të rrezikuar’ në një qendër komunitare në Tiranë, thuhet në postimin e Daily Mail.
Ambasadorja e UNICEF-it, 31 vjeç, e lindur në Kosovë, vizitoi Shtëpinë e Ngjyrave e cila ofron një gamë të tërë shërbimesh për fëmijët dhe familjet e tyre, duke përfshirë një strehimore emergjente.
Këngëtarja i kënaqi banorët teksa ndau kohë nga programi i saj i ngjeshur – duke treguar aftësitë e saj në pjekje dhe duke i bërë duart me ngjyrë, që të marrë pjesë në arte dhe zanate të tjera, transmeton KultPlus.
Ambasadorja krenare kishte veshur një bluzë të UNICEF-it teksa po bënte një xhiro nëpër rezidencë.
Duke vizituar edhe një strehimore, Rita mori kohë për të folur me banorët dhe më vonë pozoi me vullnetarët.
Krijuesja e shumë hiteve botëror mbajti edhe një leksion në liceun artistik “Jordan Misja” dhe ka takuar disa nga studentët. /KultPlus.com
Në anën tjetër, sonte me fillim nga ora 20:00 do të fillojë edhe koncerti i saj në sheshin “Skënderbej”. /KultPlus.com
Trafikimi i qenieve njerëzore, përfshirë fëmijët, vazhdon të jetë shqetësim në Shqipëri, megjithë uljen e numrit të personave të trafikuar dhe shtimin e masave për parandalimin e fenomenit. Sipas ekspertes së UNICEF-it për programin e antitrafikimit, Sonila Pema, në të gjithë vendin janë evidentuar rreth 13 mijë persona të trafikuar ose në rrezik për t’u trafikuar. Kjo ka shtyrë UNICEF-in për të ngritur katër grupe pune me ekspertë në 6 prej qarqeve të vendit, për të identifikuar situatën e trafikimit në Shqipëri.
“Kemi ngritur katër ekipe lëvizëse për identifikimin e viktimave të mundshme apo viktimave të trafikimit në Shqipëri dhe, që nga fillimi deri në momentin që jemi duke folur, përfshirë Shkodrën, janë identifikuar 144 viktima të mundshme apo viktima të trafikimit në Shqipëri”.
Pjesa më e rrezikuar për trafikim janë fëmijët, një pjesë e tyre trafikohen drejt Anglisë apo vendeve të tjera të BE nga vetë prindërit. Të dhënat e INSTAT-it tregojnë se, vetëm gjatë vitit të kaluar, u regjistruan 109 fëmijë si viktima të mundshme të trafikimit, tre fëmijë të tjerë të trafikuar, ndërsa 67 fëmijë kërkuan azil në vendet e BE.
Këta persona, thotë ekspertja e UNICEF-it për programin e antitrafikimit, Sonila Pema, kalojnë në një proces referimi, në mekanizmin kombëtar të referimit, për të fituar ose jo statusin e viktimës së trafikimit, gjë që u mundëson mbështetje në procesin e riintegrimit.
“Janë rreth 300 persona që kanë marrë mbështetje të drejtpërdrejtë si viktima të mundshme apo viktima të trafikimit. Pa harruar edhe fëmijët e tyre, të cilët janë mbështetur nga shërbimet drejtpërdrejtë. Kjo për të kuptuar që në vend ka organizata, ka edhe institucione shtetërore, që mbështesin dhe japin shërbime për integrimin e tyre”.
Shkodra është një nga 6 qarqet e Shqipërisë ku UNICEF-i po punon për identifikimin e viktimave të trafikimit. Drejtuesja e komitetit rajonal për luftën kundër trafikimit, Majlinda Angoni, thotë se janë një numër strukturash dhe organizatash që po bashkëpunojnë për ndërgjegjësimin e komunitetit si dhe evidentimin e viktimave, ose viktimave të mundshme të trafikimit. Ajo shton se edhe në Qarkun e Shkodrës janë evidentuar raste të trafikimit.
“Që nga viti i kaluar kemi trajtimin e 9 rasteve të viktimave të trafikimit ose viktimave të mundshme të trafikimit që, së bashku me disa organizata joqeveritare, po bëhet trajtimi dhe rehabilitimi i këtyre viktimave. Themi se rastet janë në ulje”.
Për momentin, shton zonja Angoni, shqetësues mbetet situata në dy pikat kufitare me Malin e Zi, ku grumbullohen një numër i madh qytetarësh të komunitetit rom dhe egjyptian, duke krijuar një situatë të rrezikshme për trafikim. Drejtuesja e komunitetit rajonal për luftën kundër trafikimit thotë se janë evidentuar edhe kategoritë e personave të trafikuar ose në rrezik për trafikim.
“Vijnë nga familje me probleme të theksuara jo vetëm ekonomike, vijnë nga martesa të hershme, vijnë nga kushte sociale jo të mira. Pra, që gjithmonë janë në risk për këtë fenomen”.
Sipas ekspertëve të UNICEF-it, vazhdon të jetë shqetësues numri i ulët i trafikantëve të arrestuar dhe dënuar nga drejtësia shqiptare. Ndërkohë, ekspertja për programin antitrafik në UNICEF, Sonila Pema, thotë se kjo organizatë i është drejtuar qeverisë shqiptare me kërkesën për hartimin e një ligji të veçantë për integrimin e viktimave të trafikimit, pasi një ligj i tillë mungon deri tani./VOA / KultPlus.com
Të paktën 100 fëmijë kanë humbur jetën si pasojë e luftës në Ukrainë në harkun kohor prej një muaji.
“Me çdo ditë që pason, gjithnjë e më shumë fëmijë të Ukrainës ekspozohen ndaj horroreve të kësaj lufte. Vetëm në muajin që shkoi, OKB ka verifikuar që thuajse 100 fëmijë janë vrarë dhe ne besojmë se shifrat e vërteta mund të jenë akoma më të larta.”
Deklarata e mësipërme u bë nga drejtori ekzekutiv i UNICEF, Omar Abdi gjatë një mbledhjeje e Këshillit të Sigurisë në Ukrainë.
“Të paktën 15 nga 89 shkolla të mbështetura nga UNICEF në lindje janë dëmtuar ose janë shkatërruar që në fillim të luftës. Me qindra shkolla rreth e qark vendit thuhet se janë goditur nga artileri e rëndë dhe sulme ajrore në zonat e populluara….Kjo situatë ka një impakt afatgjatë tek fëmijët dhe mundësisë që ata kanë për t’iu rikthyer edukimit,” thuhet më tej. /abcnews/ KultPlus.com
Zëvendësministri i Kulturës, Rinisë dhe Sportit, Sejnur Veshall, ka pritur sot në takim shefen e Zyrës së UNICEF-it për Kosovë, Nona Zicherman, dhe Laurat Raça, zyrtar në këtë organizatë.
Në takim, u bisedua për bashkëpunimin mes MKRS-së dhe UNICEF-it për avancimin e politikave të rinisë në vendin tonë, në kuadër të programit UPSHIFT që ka kjo organizatë e Kombeve të Bashkuara, për përfshirjen dhe angazhimin sa më të madh të të rinjve dhe adoleshentëve të Kosovës.
Po ashtu, ndër temat që u diskutuan në këtë takim, ishte edhe çështja e vullnetarizmit, për të fuqizuar rrjetëzimin për vullnetarizëm.
U bisedua, edhe për inkuadrimin e grupeve të margjinalizuara në programin UPSHIFT.Shefja e UNICEF-it, Zicherman, u shpreh se si organizatë janë të gatshëm të ndihmojnë me ekspertizat e tyre të mundshme në arritjen e përmbushjes sa më të madhe të programit në përfshirjen e të rinjve.
Ndërkaq, zëvendësministri Veshall, mirëpriti konkretizimin dhe fuqizimin e bashkëpunimit mes ministrisë dhe zyrës së UNICEF-it në Kosovë. /KultPlus.com
Këngëtarja me famë botërore, Dua Lipa, duket se ka tejkaluar të gjitha problemet e saj me fyt dhe pati një performancë briliante së fundmi në mbrëmjen gala të organizuar nga Luisa Via Roma në bashkëpunim me UNICEF, përcjell KultPlus.
Këngët e saj ritmike të përcjellura nga lëvizjet skenike, dëshmojnë se sa e magjishme është Lipa kur performon.
26 vjeçarja u pa duke kërcyer me shumë energji dhe gjithashtu me shumë pasion në këtë mbrëmje gala, edhe pse fillimisht nuk dihej në qoftë se do të jetë e pranishme aty.
Me këngët e albumit të fundit “Future Nostalgia”, Lipa, arriti që të krijonte një atmosferë fantastike në këtë mbrëmje. /KultPlus.com
Korporata “LuisaViaRoma” ka një partneritet të vazhdueshëm me UNICEF-in dhe ishte pjesë në 4 raste gala bamirësie të organizuara në ishujt Sardenja dhe Capri të Italisë. Kurse tani, korporata është duke pritur në internet një përsëritje të formatit të Amerikës së Veriut më 29 dhjetor në resortin me pesë yje të St. Barth’s “Eden Rock”, ku edhe është bërë e ditur se do të performojë ylli botëror, Dua Lipa, përcjell KultPlus.
Një nga ofertat vendimtare të parashikuara për M&A brenda tregtisë së stilit milanez ka ndodhur së fundi.
Firma italiane e kapitalit privat “Style Capital” investoi 130 milionë euro për të grumbulluar 40% të aksioneve në kompaninë multibrandale elektronike me pakicë me bazë në Firence, “LuisaViaRoma”, një nga shumë 4 pikat kryesore të blerjeve luksoze online në Evropë dhe SHBA.
Operacioni u krye kryesisht me anë të rritjes së kapitalit, që synon të mbështesë progresin afatgjatë të platformës së tregtisë elektronike, e cila ka një qarkullim prej rreth 230 milionë euro.
Pas blerjes, e cila ndoshta do të finalizohet në krye të vitit 2021, Andrea Panconesi, gjyshja e të cilit Luisa Jaquin në 1929 hapi një butik të vogël në Firence’s “Through Roma”, fara kryesore e suksesit të firmës shtëpiake, do të bëhet kryetar, ndërsa emërimi i një shefi të ri qeveritar ndoshta do të prezantohet shpejt.
“Unë besoj se pandemia dha një nxitje dhe përshpejtoi ndryshimin në mënyrën më të mirë që njerëzit blejnë sende luksoze që tashmë po ndodhnin më herët se. Ky kurs mund të ketë një bisht të zgjatur dhe është një sekondë thelbësore për të zbuluar liderët e vërtetë të tregut në planin afatgjatë,” përmendi themeluesja dhe CEO e “Fashion Capital”, Roberta Benaglia.
“LuisaViaRoma” ka një partneritet të vazhdueshëm me UNICEF-in dhe ishte pjesë në 4 raste gala bamirësie të organizuara në ishujt Sardenja dhe Capri të Italisë; ata janë duke pritur në internet një përsëritje të formatit të Amerikës së Veriut më 29 dhjetor në resortin me pesë yje të St. Barth’s Eden Rock./ KultPlus.com
Korporata “LuisaViaRoma” ka një partneritet të vazhdueshëm me UNICEF-in dhe ishte pjesë në 4 raste gala bamirësie të organizuara në ishujt Sardenja dhe Capri të Italisë. Kurse tani, korporata është duke pritur në internet një përsëritje të formatit të Amerikës së Veriut më 29 dhjetor në resortin me pesë yje të St. Barth’s “Eden Rock”, ku edhe është bërë e ditur se do të performojë ylli botëror, Dua Lipa, përcjell KultPlus.
Një nga ofertat vendimtare të parashikuara për M&A brenda tregtisë së stilit milanez ka ndodhur së fundi.
Firma italiane e kapitalit privat “Style Capital” investoi 130 milionë euro për të grumbulluar 40% të aksioneve në kompaninë multibrandale elektronike me pakicë me bazë në Firence, “LuisaViaRoma”, një nga shumë 4 pikat kryesore të blerjeve luksoze online në Evropë dhe SHBA.
Operacioni u krye kryesisht me anë të rritjes së kapitalit, që synon të mbështesë progresin afatgjatë të platformës së tregtisë elektronike, e cila ka një qarkullim prej rreth 230 milionë euro.
Pas blerjes, e cila ndoshta do të finalizohet në krye të vitit 2021, Andrea Panconesi, gjyshja e të cilit Luisa Jaquin në 1929 hapi një butik të vogël në Firence’s “Through Roma”, fara kryesore e suksesit të firmës shtëpiake, do të bëhet kryetar, ndërsa emërimi i një shefi të ri qeveritar ndoshta do të prezantohet shpejt.
“Unë besoj se pandemia dha një nxitje dhe përshpejtoi ndryshimin në mënyrën më të mirë që njerëzit blejnë sende luksoze që tashmë po ndodhnin më herët se. Ky kurs mund të ketë një bisht të zgjatur dhe është një sekondë thelbësore për të zbuluar liderët e vërtetë të tregut në planin afatgjatë,” përmendi themeluesja dhe CEO e “Fashion Capital”, Roberta Benaglia.
“Unë mendoj se Andrea ka qenë i arsyeshëm në kuptimin e rëndësisë së hapjes së kapitalit të firmës së tij ndaj një bashkëpunëtor monetar që mund të ndihmojë në konsolidimin dhe rritjen shtesë të funksionit të saj brenda ndërmarrjes mbarëbotërore të tregtisë elektronike.”
“Ne kemi qenë i vetmi pjesëmarrës i madh në sektorin tonë që nuk ishte publik ose nuk morëm pjesë nga një grup gjigant. Këto ditë, për t’u zhvilluar ju doni investime të mëdha, veçanërisht si rezultat i situatës së tregtisë elektronike është modifikuar shumë nga 10 vjet në të kaluarën, kur investimet e vogla mund të sigurojnë kthime të mëdha”, tha Panconesi.
“Për të bërë këtë hap të madh, ne u shfaqëm përreth dhe e zbuluam propozimin e Fashion Capital shumë tërheqës, pasi ata ndajnë me ne të njëjtën imagjinatë dhe parashikim afatgjatë.”
Benaglia theksoi se “Fashion Capital” fitoi më të lartën nga rivalët e saj si rezultat i: “tani kemi mentalitetin e një modeli luksoz që përdor ekspertizën për të arritur objektivat e tij dhe kurrë të një firme teknologjike që operon brenda tregtisë së stilit”.
Me kalimin e viteve, “Fashion Capital” ndërtoi besueshmëri të mirë brenda zonës së stilit me anë të operacioneve të nivelit të lartë M&A që përfshijnë një sërë prodhuesish prestigjioz, së bashku me Golden Goose, MSGM, Forte Forte dhe Zimmermann.
Në përputhje me Benaglia, CEO i ri, i cili tashmë është zgjedhur, do të veprojë si “bashkëpunëtor i Andreas”, duke përfshirë faktin që “LuisaViaRoma” nuk kërkon një riorganizim, por një “përforcim të administratës mbizotëruese të qeverisë”.
I kërkuar në lidhje me objektivat e ardhshme të korporatës, Panconesi përmendi se investimet jetike ndoshta do të bëhen kryesisht në dy fusha, CRM dhe platformën e IT, që drejtohet drejtpërdrejt nga korporata.
Forcimi i funksionit të shitësit elektronik me pakicë brenda tregjeve mbarëbotërore mund të jetë brenda projektit të firmës. Siç e përcaktoi Benaglia, nëse “LuisaViaRoma” është një ritëm në Itali, vendi ku shitjet e saj bruto u rritën me 80% gjatë tre viteve të mëparshme, korporata ka një potencial të madh për t’u zhvilluar në Evropë dhe brenda SHBA-së Në mënyrë të veçantë, Panconesi përmendi se SHBA është historikisht një treg kyç për “LuisaViaRoma”, jo vetëm online, por përveç kësaj në vendndodhjen e saj fiorentine me tulla dhe llaç.
“Historikisht, shpenzuesit më të rëndësishëm në shitësin tonë me pakicë në Firence janë individët.”
Si pjesë e kursit të ndërkombëtarizimit, korporata nuk do të mbështetet vetëm në investimet e reklamave dixhitale dhe efikase, por mund të përpiqet edhe të rrisë ndërgjegjen e saj modele me anë të rasteve trupore në të gjithë globin.
“LuisaViaRoma” ka një partneritet të vazhdueshëm me UNICEF-in dhe ishte pjesë në 4 raste gala bamirësie të organizuara në ishujt Sardenja dhe Capri të Italisë; ata janë duke pritur në internet një përsëritje të formatit të Amerikës së Veriut më 29 dhjetor në resortin me pesë yje të St. Barth’s Eden Rock.
“Me siguri do të ketë rreth 400 vizitorë dhe Dua Lipa do të bëjë performojë”, tha Panconesi.
“Unë besoj se veçanërisht brezat e rinj janë shumë të vëmendshëm ndaj pikave sociale, ata zakonisht admirojnë korporatat që përqafojnë kauza të mira.”
Duke diskutuar metodat e ardhshme, Benaglia gjithashtu do të jetë çelësi për LuisaViaRoma që të vazhdojë të investojë në prodhuesit në rritje, në zonën e interesit dhe në të njëjtën kohë të mbajë partneritete dhe bashkëpunime të veçanta në rritje me prodhuesit luksoz të vendosur. / KultPlus.com
UNICEF, shkurtesa në anglisht për United National International Children´s Emergency Fund (Fondi i Emergjencës i Kombeve të Bashkuara për Fëmijet) është themeluar pikërisht më 11 dhjetor në vitin 1946, shkruan KultPlus.
Fillimisht për të lehtësuar pasojat e luftës. Tani merret me mirëqenien e fëmijëve në vendet ne zhvillim.
UNICEF ka marrë mandatin e Asamblesë së Përgjithshme të Kombeve të Bashkuara që të mbrojë të drejtat e fëmijëve, të ndihmojë për përmbushjen e nevojave të tyre bazë dhe zgjerojë mundësinë e tyre për të arritur potencialin tyre të plotë, duke zbutur kështu një nga problemet sociale më të rënda të ditëve të sotme.
Qendra kryesore është në qytetin e New Yorkut, derisa UNICEF-i përmes programeve të shumta është aktiv edhe në Kosovë e Shqipëri. /KultPlus.com
UNICEF dhe USAID kanë bashkuar forcat për të përmirësuar qasjen në vaksina për popullatat e cenueshme në Kosovë, për t’u siguruar që ata janë të fuqizuar për të kuptuar përfitimet, dhe për të rritur kërkesën për vaksinimin kundër COVID-19, shkruan KultPlus.
Lajmin e ka bërë të ditur Programi i Unicefit në Kosovë, ku ka thënë se në bashkëpunim me organizata lokale kanë nisur fushatën derë më derë për vaksinim kundër COVID-19.
“Askush nuk lihet pas në këtë proces”, është edhe motoja e këtyre dy organizatave, që kanë për qëllim të arrijnë 25 mijë individë nga komunitetet rom, ashkali dhe egjiptian dhe familjet që jetojnë në varfëri të vaksinohen kundër COVID-19.
Një ekip i mrekullueshëm, i quajtur “Ekipi i Qendrës së Komunikimit” (Communications Hub Team), po bën përpjekjet e tyre të palodhura në punën e përditshme të këtij projekti. Ata po punojnë me vullnetarë të punës në terren, me OJQ dhe qendra shëndetësore komunale dhe po përdorin kanale komunikimi për të përhapur mesazhe për vaksinim.
Nol Sahatçiu do të punojë në komunikimin strategjik dhe do të udhëheqë Comms Hub. – Fillojeta Konjuhi, e cila do të punojë për mbarëvajtjen e proceseve administrative dhe monitorimin e aktiviteteve në terren . – Dhe Artan Sadiku do të mbështesë qendrën në shkencat e sjelljes dhe monitorim e evaluim. /KultPlus.com
Shkollat në të gjithë Evropën duhet të qëndrojnë të hapura dhe të bëhen më të sigurta për stafin dhe fëmijët. Këtë ka kërkuar Organizata Botërore e Shëndetësisë (OBSH) dhe UNICEF, teksa varianti i ri ‘Delta’ po bëhet gjithnjë e më shumë i transmetueshëm.
“Pandemia ka shkaktuar ndërprerjen më katastrofike të arsimit në histori,” tha Hans Kluge, kreu i rajonit të OBSH -së në Evropë. “Është jetike që mësimi i bazuar në klasë të vazhdojë pa ndërprerje.”
Kluge tha se ndërsa pandemia vazhdoi, “edukimi i fëmijëve në mënyrë të sigurt në një mjedis shkollor fizik” ishte “me rëndësi parësore për arsimin e tyre, shëndetin mendor dhe aftësitë shoqërore” dhe duhet të bëhet “një objektiv parësor” për qeveritë.
Sipas mediave të huaja, 44 nga 53 vende në rajonin e OBSH-së në Evropë mbyllën shkollat e tyre në rang vendi në kulmin e valës së parë të pandemisë në Prill 2020, dhe ndërsa shumica u rihapën në muajin shtator, rritja e shifrave të infektimeve ndezi kufizime të reja dhe më shumë mbyllje në dhjetëra vende gjatë vjeshtë dhe dimër.
Mungesat masive dhe mbylljet e shpeshta të shkollave kanë vazhduar në disa vende gjatë pranverës dhe fillimit të verës, me më shumë se 1 milion fëmijë, ose 14.3% të grupmoshës, jashtë shkollës për arsye të lidhura me Covid-ose të izoluar ose sepse shkolla e tyre u mbyll – në Angli në fund të korrikut.
“Ne inkurajojmë të gjitha vendet që t’i mbajnë shkollat të hapura dhe i nxisim të gjitha shkollat të vendosin masa për të minimizuar rrezikun e Covid-19 dhe përhapjen e varianteve gjatë gjithë vitit të ri shkollor”, tha Kluge në një deklaratë të përbashkët me zëvendës drejtorin rajonal të fondit të OKB -së për fëmijë për Evropën dhe Azinë Qendrore, Philippe Cori.
Të dyja organizatat thanë se mësuesit dhe personeli tjetër i shkollës duhet të jenë grupet kryesore të synuara për kryerjen e vaksinimit, duke shtuar domosdoshmërinë e vaksinimit të të gjithë fëmijëve në moshën 12 vjec e lart.
Mjediset shkollore gjithashtu duhet të bëhen më të sigurta duke përmirësuar ventilimin në klasë, duke zvogëluar madhësitë e klasave aty ku është e mundur, duke ruajtur rregullat e distancimit fizik dhe duke testuar rregullisht si nxënësit ashtu edhe stafin, rekomanduan ata.
“Pandemia nuk ka mbaruar,” tha Cori. “Fëmijët dhe të rinjtë nuk mund të rrezikojnë të kenë një vit tjetër të të mësuarit të ndërprerë. Ata kanë qenë viktimat e heshtura të pandemisë dhe më të margjinalizuarit kanë qenë ndër më të goditurit. “
“Vaksinimi është linja jonë më e mirë e mbrojtjes kundër virusit, ndërsa vazhdojmë të vazhdojmë të ndjekim masat e shëndetit publik dhe social që ne njohim si punë, duke përfshirë testimin, sekuencimin, gjurmimin, izolimin dhe karantinën,” tha Kluge./KultPlus.com
UNICEF ka reaguar pas raportimeve për abuzimin seksual me një të mitur në mjediset e një shkolle në Prishtinë, shkruan KultPlus.
Në një njoftim të bërë nga UNICEF është theksuar se një abuzim i tillë është i papranueshëm dhe një shkelje e rëndë e të drejtave themelore të fëmijëve.
Tutje ata kanë bërë thirrje për tolerancë zero ndaj ngacmimeve dhe abuzimeve seksuale, si dhe kanë udhëzuar mediat që të mos raportojnë identitetet e fëmijëve dhe familjeve të tyre.
Njoftimi i plotë:
Edhe një rast i vetëm është tepër: çdo fëmijë duhet të ndihet i sigurt dhe i mbrojtur në çdo kohë
UNICEF-i është thellësisht i brengosur për rastin e fundit të abuzimit të fëmijës që raportohet të ketë ndodhur në mjediset shkollore në Kosovë. Një abuzim i tillë ndaj një fëmije është i papranueshëm dhe përbën një shkelje të rëndë të të drejtave themelore të fëmijëve, ku të gjithë fëmijët duhet të ndjehen të sigurt dhe të mbrojtur në çdo mjedis, përfshirë këtu edhe në shkolla, të cilat duhet të jenë të lira nga dhuna dhe abuzimi.
Sipas Konventës së të Drejtave të Fëmijës, çdo fëmijë duhet të ndihet i sigurt dhe i mbrojtur. Për më tepër, të gjitha institucionet, siç përcaktohet në Ligjin e Kosovës për Mbrojtjen e Fëmijës, duhet të marrin të gjitha masat e duhura legjislative, administrative, sociale dhe arsimore për të mbrojtur një fëmijë nga të gjitha format e dhunës fizike ose psikike, verbale, abuzimi, keqtrajtimi, shfrytëzimi, ndëshkimi trupor, neglizhenca, ose ndonjë formë tjetër që vë në rrezik jetën, sigurinë, shëndetin, edukimin dhe zhvillimin e fëmijës.
Për sa i përket arsimimit, ligji specifikon që një fëmijë do të mbrohet nga dhuna e ushtruar nga personeli arsimor, bashkëmoshatarët e tyre dhe çdo person tjetër, brenda sistemit arsimor (neni 37). Ruajtja e një fëmije është përgjegjësi e të gjithëve, përfshirë ata që punojnë në shkolla dhe mjedise arsimore që janë veçanërisht në pozitë të duhur për të identifikuar dhe parandaluar abuzimin.
Ligji për Mbrojtjen e Fëmijës, i cili u miratua nga Kuvendi i Kosovës në korrik të vitit 2019 përfaqësoi një arritje të rëndësishme për mbrojtjen e të drejtave të fëmijëve duke vendosur bazën ligjore për garantimin dhe mbrojtjen e fëmijëve nga të gjitha format e dhunës fizike dhe psikike, abuzimi, shfrytëzimi, neglizhenca ose ndonjë formë tjetër që rrezikon jetën, sigurinë, shëndetin, edukimin dhe zhvillimin e tyre. Megjithatë, sipas të dhënave të Anketave të Grupimeve të Treguesve të Shumëfishtë (MICS) 2020, një pjesë e madhe e fëmijëve (72 përqind) në Kosovë raportohet të kenë përjetuar ndonjë lloj të dhunes. Në përgjithësi, 30 përqind e fëmijëve të moshës 1-14 vjeç kanë përjetuar ndëshkim fizik dhe në mesin e tyre gjashtë përqind kanë përjetuar ndëshkim të rëndë fizik.
UNICEF-i bën thirrje për tolerancë zero ndaj ngacmimeve dhe abuzimeve seksuale. Për më tepër, të gjithë fëmijët duhet të kenë të drejtën të gëzojnë të drejtën për shkollim, të ndjekin mësimet e tyre dhe të mësojnë pa frikë dhe dhunë dhe të shoqërohen me moshatarët e tyre duke u ndjerë të sigurt dhe të mbrojtur. Ne kërkojmë nga të gjitha institucionet që të avancojnë dhe zbatojnë Ligjin për Mbrojtjen e Fëmijës si një mjet për të ndihmuar të gjitha vajzat dhe djemtë në Kosovë të gëzojnë të drejtën e tyre për të jetuar në një mjedis të shëndetshëm dhe jo të dhunshëm.
Ne gjithashtu u bëjmë thirrje mediave që të mos raportojnë identitetet e fëmijëve dhe familjeve të tyre. Informimi dhe komunikimi publik duhet të ndihmojë në zhdukjen e kulturës së dhunës seksuale, abuzimit dhe çdo lloj ngacmimi dhe të ndihmojë në mbrojtjen e fëmijëve.
UNICEF-i do të vazhdojë të mbështesë punën e institucioneve publike, organizatave të shoqërisë civile, familjeve, fëmijëve dhe të rinjve për të promovuar një mjedis të sigurt për të gjithë fëmijët, për të jetuar të sigurt dhe për të qenë të mbrojtur nga çdo lloj abuzimi dhe ngacmimi./ KultPlus.com
Kanë mbërritur sot në Kosovë 38 mijë e 400 doza të vaksinës Anti-COVID nga COVAX, raporton KultPlus.
Lajmin e kanë bërë të ditur nga programi i UNICEF’it në Kosovë, duke e cilësuar këtë veprim si një hap të rëndësishëm drejt shpërndarjes së barabartë të vaksinave.
Krejt për fund ata bëjnë thirrje tek populli që të vaksinohen.
“Sot, ne kemi bërë një hap tjetër të rëndësishëm drejt shpërndarjes së barabartë të vaksinave! 38,400 doza shtesë të vaksinës kundër #COVID19 sapo mbërritën në Kosovë përmes COVAX. Shpërndarja do të jetë në përputhje me Planin Kombëtar të Vaksinimit të Ministria e Shëndetësisë dhe Instituti Kombëtar i Shëndetësisë Publike të Kosovës.”
Kujtojmë që nga mbërritja e 24,000 dozave të para të vaksinës kundër COVID19 në Mars 2021, Ministria e Shëndetësisë zbatoi Planin Kombëtar të Vaksinimit, ku punonjësve shëndetësor dhe të moshuarve u dha përparësi si grupet e para për tu vaksinuar. / KultPlus.com
Programi i UNICEF-it në Kosovës përmes një postimi në Facebook ka bërë të ditur se vaksina COVAX është një zgjedhje globale.
Kjo organizatë ka bërë të ditur se do të punojnë që përmes një operacioni të madh të prokurimit të bëhet furnizimi me vaksina. Po ashtu është bërë e ditur se bashke me partneret po punojnë për të siguruar që asnjë vend të mos mbetet prapa.
Postimi i plotë:
COVID-19 është një problem global dhe COVAX është një zgjidhje globale. Vaksinimi i tërë popullatës botërore kundër kësaj sëmundjeje do të jetë operacioni më i madh i prokurimit dhe furnizimit të vaksinave në histori. #UNICEF, European Union Kosovo dhe partnerët, po punojnë për të siguruar që asnjë vend të mos mbetet prapa.
Është thelbësore që të ketë furnizime adekuate të shiringave tashmë të vendosura para se të vijë vaksina, në mënyrë që vaksina të administrohet në mënyrë të sigurt. 712,800 shiringa💉 dhe 7,125 kuti sigurie për asgjësimin e shiringave janë siguruar përmes mbështetjes së partnerëve. / KultPlus.com
Fushata kombëtare “Të Besoj” e UNICEF-it në Shqipëri ka nisur sot edhe në qytetin e Fierit.
Instalacioni prej rreth 50 silueta fëmijësh, secila me një histori reale të abuzimit seksual është vendosur pranë parkut të qytetit dhe do të qëndrojë aty për dy javët në vazhdim.
Aktiviteti u përshëndet nga nënkryetarja e bashkisë, Enkelejda Peshkëpia, e cila ritheksoi angazhimin e Bashkisë Fier në lidhje me adresimin ndaj këtij fenomeni.
“Të gjithë bashkë duhet të bëhemi një zë dhe krah njëri-tjetrit për t’i thënë stop këtij krimi të shëmtuar që lë gjurmë në mbarë shoqërinë globale. Interesi më i lartë i fëmijës është parimi që na udhëheq në punën tonë të përditshme, me qëllim fuqizimin dhe ngritjen e strukturave të reja në ndihmë të identifikimit, referimit dhe parandalimit të rasteve të fëmijëve jo vetëm viktima të dhunës seksuale, por të të gjitha formave të tjera të dhunës”, u shpreh ajo.
Ndërkohë zv.përfaqësuesja e UNICEF në Shqipëri, Edina Kozma, u shpreh mbi rëndësinë e kësaj nisme. “Nëpërmjet kësaj fushatë ne duam t’i japim fund heshtjes rreth abuzimit seksual dhe shfrytëzimit të fëmijëve të cilët presin përgjigje nga ne. Të gjitha historitë janë reale dhe i kanë ndodhur fëmijëve në Shqipëri, ndaj dhe ne kemi vetëm një mesazh të qartë për të gjithë – Na besoni, dhe na ndihmoni t’i japim fund dhunës”, tha ajo.
“Të Besoj” është një instalacion publik nga UNICEF Shqipëri, i cili pasqyron siluetat e disa fëmijëve të abuzuar seksualisht, ku secila prej tyre tregon një histori të vërtetë të ndodhur në Shqipëri.
Pas çdo siluete fshihet historia e një fëmije të vërtetë, një personi të vërtetë, i cili ende vuan pasojat e abuzimeve që ka përjetuar. Historitë nuk përmbajnë emra të fëmijëve apo ndonjë informacion tjetër që mund të çojë në identifikimin e tyre. /ata/ KultPlus.com
Vizita e sotme e mbajtur në Qendrën për Zhvillimin e Fëmijërisë së Hershme në Gjakovë nisi dhe mbaroi me brohoritjet Urra.
Në vazhdën e aktiviteteve të projektit URRA që është partneritet i UNICEF me Fondacionin Utalaya, sot me 15 shtator, 472 fëmijë të komuniteteve Rom, Ashkali dhe Egjiptian përfituan nga pakot me materialit didaktike të Edukimit të Hershëm.
Ata takuan për herë të parë Uta Ibrahimin, prej së cilës dëgjuan rrëfimet frymëzuese mbi ngjitjet e saj në malet më të larta në botë me ç ‘rast ajo mbajti edhe fjalim inspirues për fëmijët duke i nxitur ata që të ëndërrojnë sa më shumë dhe të punojnë drejt realizimit të ambicieve të tyre duke qenë të rregullt në mësime dhe shkollë.
Përveç pakove dhe mundësisë së bashkëbisedimit me Utën, fëmijëve dhe prindërve të këtyre komuniteteve iu shpërndanë edhe maska të ripërdorshme për mbrojtje ndaj COVID-19, si dhe u fol për rëndësinë e bartjes së maskës në kohë pandemie.
Pjesëmarrës në këtë aktivitet ishin edhe: Larisaa- Brunn, Zëvendës Shefe e UNICEF-it në Kosovë, Berat Thaqi, Drejtor i Qendrs Bethany për Shërbime Krishtere, Edukatoret e Qendrës në Gjakovë si dhe kryetari i komunës së Gjakovës Ardian Gjini.
Edukatoret që janë pjesë e programit për zhvillimin e fëmijërisë së hershme u shprehën se kjo iniciativë mund të duket si gjest i vogël nga jashtë mirëpo ndikon shumë në zhvillimin dhe disponimin e fëmijëve me status të paqëndrueshëm ekonomik si dhe u shprehën të gatshme për bashkëpunime tjera me shpresën se në të ardhmen do të ketë angazhim më të madh të të gjitha instancave përgjegjëse me komunitetet jo-shqiptare dhe grupet e margjinalizuara.
Poashtu edhe njëherë u promovua platforma e edukimit të hershëm(https://edukimihershem.rks-gov.net/), e cila është krijuar enkas për prindër, edukatorë dhe fëmijë, ashtu që fëmijët të jenë të angazhuar me detyra e aktivitete që mund të mbahen në kushte shtëpie e që ndihmojnë zhvillimin dhe mirëqenien e tyre./ KultPlus.com
Zyra e Unicef-it në Kosovë në bashkëpunim me Fondacionin Utalaya kanë sjellur në jetë projektin “URRA”, që synon të rrisë ndërgjegjësimin për rëndësinë e angazhimit të fëmijëve me prindër në aktivitete të ndryshme që nxisin zhvillimin e fëmijëve, përfshirë leximin, ndërveprimin dhe aktivitete të ndryshme në natyrë për mirëqenien e tyre të përgjithshme.
Programi i Zhvillimit të Fëmijërisë së Hershme në kuadër të UNICEF-it ofron studime shkencore të cilat flasin për rëndësinë e momenteve të hershme në jetën e fëmijëve nga mosha 0-6 vjeç. Jo rastësisht edhe sllogani i iniciativës për shpërndarjen e pakove mbështetëse me materiale didaktike është “Gjashtë vitet e para nis e mbara”!
Këto vite paraqesin kohën vendimtare për zhvillimin e trurit të fëmijëve dhe këtu hyjnë gjidhënja dhe të ushqyerit e shëndetshëm, mbrojtja dhe siguria, edukimi në fëmijërinë e hershme dhe vëmendja e përgjegjshme nga kujdestarët. Ky kombinim i natyrës dhe ushqimit vendos themelin e së ardhmes së një fëmije.
Statusi i ulët socio-ekonomik mund të ndikoj negativisht në zhvillimin e fëmijëve. Konsideruar shkallën e varfërisë në Kosovë, e cila qëndron në 18% sipas statistikave të vitit 2019, mund të kuptojmë se fëmijët në Kosovë kanë nevojë për mbështetje të vazhdueshme dhe programe që u mundësojnë atyre një zhvillim të shëndetshëm për të arritur potencialin e tyre të plotë.
Përveç kësaj, në Kosovë vetëdija e prindërve mbi rëndësinë e zhvillimit të fëmijërisë së hershme dhe parapërgatitjes për shkollë është e ulët. Aktualisht rreth 14% e fëmijëve mes moshës 3-5 vjeç janë duke ndjekur një program arsimor të fëmijërisë së hershme.
Mirëpo ky nuk është i vetmi faktor determinues për ngecje në zhvillim. Kohëve të fundit jeta dinamike e të rriturve dhe pamundësia për t’iu përkushtuar fëmijëve, izolimi me rastin e pandemisë Covid-19 dhe ekspozimi i tepërt i fëmijëve ndaj pajisjeve elektronike si dhe mos angazhimi fizik, shpesh dëmtojnë zhvillimin kognitiv dhe fizik të fëmijëve. Prandaj, është mëse e rëndësishme që prindërit e kujdestarët të nxiten sa më tepër për përfshirjen më të madhe të fëmijëve në aktivitete edukative dhe fizike (sportive). Kjo është edhe arsyeja pse “URRA” ka filluar punën e vet pikërisht në këtë periudhë.
Ekipi entuziast i “Urra”-s, planifikon të vizitojë shkolla, qendra dhe grupe të ndryshme të fëmijëve dhe prindërve në të gjitha komunat e Kosovës, duke u fokusuar në vizitat e komuniteteve të cenueshme, grupe këto të cilat kanë më së shumti nevojë për vëmendje, angazhim dhe përkushtim.
Projekti “URRA” ka mundësuar përkthimin e librit “Uta e Maleve” edhe në gjuhën Rome dhe Serbe, ashtu që fëmijët e prindërit e këtyre grupeve minoritare të kenë mundësinë të kuptojnë rrëfimin e alpinistes Uta dhe të inspirohen nga veprimtaria e saj e cila filloi me një ëndërr të thjeshtë si fëmijë nga ana e saj, me përkushtimin e prindërve të saj nga ana tjetër, të cilat ishin gurthemelet e ambicies dhe vendosmërisë së saj për të arritur qëllimin pavarësisht vështirësive.
Përveç kësaj është krijuar edhe libri i ri “Uta e Maleve-Libër për Ngjyrosje” poashtu i përshtatur dhe adaptuar në tre gjuhë. Në këtë libër përfshihen edhe detyra të ndryshme të cilat nxisin fëmijët të krijojnë rutinë të shëndetshme trupore dhe mendore. Faqet e para të librit për ngjyrosje “Uta e Maleve” i dedikohen virusit Covid-19 dhe me ilustrime e tekst të thjeshtë udhëzojnë e mësojnë fëmijët se si të mbrohen nga ky virus.
Ditën e djeshme, me datën 10 shtator u përurua dhe zyrtarizua kjo iniciativë ku prezent ishin Ramë Likaj- Ministër i Edukimit dhe Shkencës, i cili shprehi mirënjohjen ndaj kësaj iniciative duke theksuar rëndësinë e edukimit të hershëm si dhe përfshirjen e programit në strategjitë e Ministrisë së Shkencës dhe Edukimit, me ç’rast falënderoi edhe njëherë UNICEF-in për përkrahjen e dhënë për krijimin e platformës së Edukimit në Distancë e cila iu del në ndihmë prindërve për realizimin e aktiviteteve ditore me fëmijët.
Prezent ishte edhe Mentor Morina – u.d Udhëheqës i Departamentit për Politika Sociale dhe Familjare, i cili tha se këto iniciativa maksimalizojnë gjithpërfshirjen duke targetuar grupet e margjinalizuara dhe duke kontribuar në asistencën sociale me mjete mbrojtëse nga COVID-19, si dhe theksoi rëndësinë e mbështetjes së familjeve në nevojë në aspektin e edukimit dhe zhvillimit të hershëm.
Fjalën e mori edhe Ambasadori i Japonisë Mitsunori Ogasawara, ambasadë e cila njëherit është edhe mbështetëse e projektit, dhe u shpreh se kjo mënyrë e ndihmës për familjet në nevojë në këtë kohë ka ndikim shumë pozitiv dhe vjen në kohën e duhur. Ogasanawara tha se përkrahja me materiale shkollore dhe argëtuese vjen si surpriza më e këndshme për fëmijë.
Shefi i Zyrës së UNICEF në Kosovë, Murat Şahin tha se Shtatori është muaj tepër i rëndësishëm për secilin fëmijë sepse vjen koha e bërjes së librave, materialeve shkollore dhe gjithcka tjetër të nevojshme për nisjen e vitit shkollor, mirëpo për familjet e varfëra kjo periudhë nuk është aq e mirëpritur. Prandaj, tha Şahin, ky donacion i ofrohet plot 5000 familjeve ashtuqë secili fëmijë të ketë mjetet e veta, dhe jo ti ri-përdor mjetet e vjetra të vëllezërve ose motrave. Ai përgëzoi ministrin e Edukimit dhe Shkencës për punën e bërë në lidhje me lansimin e platformës për Edukim në Distancë (www.edukimihershem.rks-gov.net), dhe tha se suksesi i saj shihet e matet nga vizitat që i bëhen kësaj platforme (deri tash 2.5 milion vizita), ku fëmijët mund të mësojnë, këndojnë e vizatojnë nga shtëpia.
Şahin, për fund shtoi se Uta Ibrahimi kësaj radhe ka ndërruar planet e saj për ekspedita vetëm për të qenë pranë fëmijëve në këtë kohë, si dhe u shpreh se veprimtaria e saj është model që duhet të shërbej si shembull për të gjithë fëmijët dhe mesazhi kryesor është “ndiq ëndrrat tua dhe lufto çdo paragjykim”.
Ndërkaq, Uta Ibrahimi tha “Sot po e shënojmë ditën më të rëndësishme të një pune tash disa mujore në bashkëpunim me UNICEF. Fondacioni Utalaya është tepër mirënjohës për faktin se merr pjesë në një projekt humanitar që gëzon edhe zhvillon gjeneratat e reja, si dhe u rikujton prindërve që momentet e hershme të zhvillimit të fëmijërisë janë themelet e ndërtimit të një karakteri të shëndoshë si në aspektin fizik ashtu edhe në atë psikologjik.
“Gëzimi më i madh për mua personalisht është fakti se do të takojë fëmijë nga komunitetet e ndryshme dhe ata do të kenë rastin të inspirohen nga rrëfimi im, në gjuhën të cilën e flasin”, thotë Uta.
Përmes këtyre librave të cilët do të dhurohen në 5,000 familje si pjesë e pakove me materiale didaktike të përgatitura nga UNICEF, do të mbahen edhe aktivitete që zhvillohen nga ekipi i URRA’s, udhëhequr nga Uta Ibrahimi-personazhi kryesor i librit.
Këto aktivitete do të përfshijnë punëtori me fëmijë dhe prindër, ku përmirësohen aftësitë e leximit dhe shkrimit, mësim-nxënies, shprehjen e mendimeve dhe ëndrrave të fëmijëve për të ardhmen, krijimin e shprehive të shëndetshme, stimulimin për angazhim fizik të fëmijëve me planifikim ushtrimesh, socializimin, edukimin mbi tolerancën, barazinë gjinore dhe etnike etj.
Projekti “URRA” është urë lidhëse në mes prindit dhe fëmijës si dhe qëllimi fondamental i tij mbetet angazhimi më i madh i prindërve në kujdesin ndaj fëmijës, duke qenë në dispozicion për ta jo vetëm me obligimet rutinore por tu lexojnë fëmijëve më tepër, si dhe të luajnë me ta sa më shumë, sepse këto aktivitete krijojnë rrënjë të forta për zhvillimin kognitiv dhe emocional, si për fëmijët ashtu edhe prindërit.
Pra, URRA vjen si një brohërimë e fortë gëzimi dhe fton të gjithë prindërit e fëmijët të përcjellin aktivitetet e realizuara nga projekti (të cilat mund ti përcjellni në Utalaya Facebook dhe Utalaya Instagram) sepse përfitimet janë të shumta për të dyja palët.
UNICEF zhvillon edhe projekte tjera me qëllimin e njëjtë, dhe për tu qasur në aktivitete ditore për fëmijët tuaj, vizitoni platformën e Edukimit në Distancë “Kujdesi Zhvillimi dhe Edukimi në fëmijërinë e hershme për moshën 0-6 vjeç”. / KultPlus.com
Kryetari i Prishtinës, Shpend Ahmeti gjatë ditës së sotme ka bërë pranimin e një donacion nga UNICEF-i dhe USAID me mjete mbrojtëse për fëmijët lidhur me COVID-19.
Pranimi i donacionit u bë në shkollën “Dardania” në Prishtinë.
“Sot në shkollën “Dardania” pranuam një donacion me pako higjienike dhe çanta me mjete mbrojtëse për fëmijët, që të përgatiten për rinisjen e mësimit dhe hapjes së shkollave.
Falënderojmë UNICEF-in dhe USAID për donacionin për 39 shkollat, ashtu që fëmijët e Prishtinës të kthehen të sigurt në shkollë”, ka shkruar ai./ KultPlus.com
Këngëtarja shqiptare me famë botërore, Rita Ora, që njëherit është edhe Ambasadore e Unicef-it në Mbretërinë e Bashkuar, ka njoftuar se këtë të enjte do të performojë duke mbështetur kështu fëmijët e rrezikuar nga pandemia globale, shkruan KultPlus.
Lajmin e ka bërë të ditur vetë këngëtarja në rrjete sociale, e cila ka potencuar se një gjeneratë e tërë fëmijësh janë në rrezik dhe se ajo shpreson që kjo ecuri do të mbledhë fonde të mjaftueshme për të ndihmuar në mbrojtjen e fëmijëve nga ndikimi i koronavirusit.
Performanca do të mbahet në platformën IGTV, ndërkaq kjo nismë konsiderohet si mbështetja më e madhe e Unicef-it në historinë e Mbretërisë së Bashkuar.
”Si Ambasadore e Unicef në Mbretërinë e Bashkuar, unë kam parë punën e jashtëzakonshme që Unicef jep dorën e parë, kështu që inkurajoj të gjithë të gërmojnë thellë dhe të japin gjithçka që munden. Së bashku ne mund të ndihmojmë të ndalojmë përhapjen e Coronavirus dhe të kufizojmë ndikimin në jetën e fëmijëve.”, ka shkruar Ora në Facebook. / KultPlus.com
Zyra e UNICEF-it në Kosovë ka realizuar një sondazh të ri me të rinjtë në Kosovë, përmes U-Report, në të cilin thuhet se 86% e të rinjve kosovarë që morën pjesë në sondazhin besojnë se duke mbajtur maskën ata e mbrojnë veten dhe të tjerët, por vetëm 45% thonë se mbajnë maskë rregullisht në publik.
Të rinjtë u pyestën për qëndrimet e tyre rreth virusit COVID – 19. 1618 të rinj ju përgjigjen sondazhit dhe shprehën qëndrimet për masat parandaluese COVID-19 dhe bën të ditura masat që po marrin ata vetë, si dhe ato të miqve dhe shoqërisë së tyre të gjerë për t’u mbrojtur nga virusi.
Kosova, ngjashëm sikurse rajoni, kohëve të fundit ka shfaqur një rritje të rasteve të të infektuarve me COVID-19, pas lehtësimit të kufizimeve dhe përfundimit të izolimit.
Më 9 korrik 2020 u lansua një sondazh përmes U – Report për të identifikuar shqetësimet e të rinjve lidhur me situatën.
Rezultate kryesore nga sondazhi janë si në vijim:
Sipas përgjigjeve që kanë dhënë të rinjtë, shumica po marrin masa për të mbrojtur veten dhe të dashurit e tyre, por të rinjtë mendojnë se është e rëndësishme që të gjithë të fillojnë t’i marrin ato masa për të parandaluar përhapjen e COVID-19. – 86% e pjesëmarrësve në anketë besojnë se duke mbajtur maskën ata e mbrojnë veten, të tjerët, ose të dy palët, por vetëm 45% thanë se mbajnë maskë rregullisht në publik Disatë rinjë janë skeptikë për faktet rreth virusit dhe masat paraprake të nevojshme. – – 2% epjesëmarrësve në anketë mendojnë se mbajtja e maskës ka një efekt negativ. – – 10% e pjesëmarrësve në anketë mendojnë se virusi nuk është i rrezikshëm apo nuk ekziston. – – 5% deklaruan se nuk kanë ndërmarrë ndonjë masë mbrojtëse kundër COVID-19 në 2 javët e fundit. – – 7% e pjesëmarrësve në anketë deklaruan se do të vazhdonin të takonin një shok/shoqe të infektuar me COVID-19, pa ndonjë masë mbrojtëse (maskë, dorëza, distancë) – të gjithë prej tyre meshkuj. – – 26% i konsiderojnë shqetësimet e njerëzve për COVID-19 si të ekzagjeruara. Shumica e U-Raportuesve thonë se janë më të kujdesshëm mbi masat e parandalimit sesa miqtë e tyre?
Megjithëse 45% e U-Raportuesve thanë se mbajnë maskë kur janë në publik, ata deklarojnë se e njëjta gjë nuk ndodh kur pyeten për miqtë e tyre, me c’rast shifrat bien në vetëm 16% të miqve të tyre që mbajnë maskë.
Ndryshe, U-Report është një platformë që përdoret nga të rinjtë për të shprehur mendimet e tyre për çështje kritike në komunitetet e tyre.
Regjistrimi në këtë platformë është i mundshëm përmes aplikacionit Viber ose Facebook, përmes këtij linku: https://linktr.ee/u_report , ose duke skanuuar kodet QR në grafikun e informacioneve.
