Etiketë: Ura e Terzive

Përfundojnë punimet në Urën e Terzive në Gjakovë

Posted on by Kult Plus

Programi i Kombeve të Bashkuara për Zhvillim (UNDP) përmes projektit “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, i financuar nga Instrumenti i BE-së për Paqe dhe Stabilitet (IcSP/BE) dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth të enjten me fillim në ora 16:00 pranë Urës së Terzive në Gjakovë.

Bëhet e ditur se punimet filluan në korrik dhe vazhduan për katër muaj gjatë të cilave urës i është kthyer shkëlqimi i mëparshëm përmes rregullimit të hapësirës përreth, shëtitoreve të reja, elektrifikimit dhe shpjegimeve mbi historinë e urës.

Punimet në këtë urë janë edhe më të rëndësishme pasiqë janë zbatuar në partneritet me komunën pasiqë disa nga intervenimet e kryera në këtë lokacion janë financuar drejpërdrejt nga Komuna. Klan Kosova / KultPlus.com

Nesër nis revitalizimi i Urës së Terzive dhe asaj të Tabakëve në Gjakovë

Posted on by Kult Plus

Revitalizimi i dy urave me vlerë arkeologjike, turistike dhe kulturore, ajo e Terzive dhe e Tabakëve në Gjakovë, do të nisë nesër.

UNDP njofton se Komuna e Gjakovës, Zyra e Bashkimit Evropian (BE) dhe Programi i Kombeve të Bashkuara për Zhvillim (UNDP) do të fillojnë punimet në revitalizimin e Urës së Terezive dhe Urës së Tabakut, të mërkurën, më 26 qershor, nga ora 14:00 tek Ura e Terezive dhe në 14:45 tek Ura e Tabakëve.

Ky aktivitet bëhet në bashkëfinancim me komunën e Gjakovës dhe është pjesë e projektit Dialogu Ndërkomunitar Gjithëpërfshirës për Ruajtjen e Trashëgimisë Kulturore, të financuar nga Instrumenti i BE-së për Paqe dhe Stabilitet (IcSP / BE) dhe implementuar nga UNDP.

Punimet në këtë projekt, që do të zgjasin tre muaj, përfshijnë: zbukurimin e ambientit përreth urave, krijimin e shtigjeve të reja, vendosjen e ulëseve, elektrifikimin dhe shënimet historike / interpretimin e vendndodhjes.Koha.net/ KultPlus.com