Vangjush Mio - KultPlus

Përkujtohet sot “ati i pikturës moderne e bashkëkohore shqiptare”, Vangjush Mio

Posted on 5 Mars, 20245 Mars, 2024 by Kult Plus

Sot është 133-vjetori i lindjes së Vangjush Mio, i cilësuar si “ati i pikturës moderne e bashkëkohore shqiptare”. Ai lindi në 5 mars të vitit 1891, në Korçë.

Në gjallje, Mio u vlerësua më së larti për mjeshtërinë e dëshmuar në pikturën realiste shqiptare. Ndërsa në ditët tona, i njihen edhe atributet e themeltarit të historisë së artit pamor profesionist përgjatë shekullit XX. Kësodore, vepra e tij qëndroi mënjanë klisheve të diktuara me përdhunë nga kornizat e realizmit socialist.

Mësimet e para i ndoqi në vendlindje. Talenti për pikturën gjeti shteg për t’u shpalosur që prej auditorit të Arteve të Bukura në Bukuresht të Rumanisë, ku kreu studimet e larta. Kthimi në Korçë në vitin 1919, do të shënjohej nga hapja e ekspozitës së parë vetjake, e para në historinë e arteve figurative në vend. Fitimet e akumuluara nga shitja e këtyre pikturave, i mundësuan një bursë studimesh në Institutin e Arteve të Bukura të Romës, ku u certifikua njëherazi si piktor dhe restaurues.

Mes gjinive të pikturës të lëvruara prej tij bëjnë pjesë portretet, kompozimet, nudot dhe peizazhet, që kanë prani të konsiderueshme në tërësinë e veprës së tij. “Dimri në Korcë”, “Aspekte nga Drenova”, “Dishnica”, “Boboshtica”, “Vithkuqi”, “Manat e Drenovës”, “Kositësit e barit” etj, janë disa nga titujt e peizazheve të tij më të lakuar. Mio numëron 500 piktura, 200 vizatime dhe 80 bocete, të cilat ruhen në shtëpinë e tij, Muzeun “Vangjush Mio” në Korçë.

Në këtë përvjetor Arkivi Qendror i Shtetit sjell për publikun disa faksimile origjinale që lidhen me jetën dhe veprën e tij.

Bashkëlidhur, dekreti i Presidiumit të Kuvendit Popullor Nr. 3361 datë 06.11.1961 për miratimin e propozimit të qeverisë mbi dekorimin e Vangjush Mios me titullin “Piktor i Popullit i Republikës Popullore të Shqipërisë”, lista e kuadrit të personalit mësimor të Liceut të Korçës ku është dhe Vangjush Mio, kumtesa për jetën dhe veprat e Vangjush Mios nga Andon Kuqali dhe qarkore e Drejtorisë së Përgjithshme të Postë-Telekomunikacioneve dërguar Drejtorive dhe Degëve të Postë-Telekomunikacioneve “Mbi cirkularin e emisionit të pullave kushtuar pikturave të Vangjush Mios”. / atsh / KultPlus.com

Dixhitalizohen fotografitë e Vangjush Mios, paraqesin Shqipërinë e viteve 30′

Posted on 4 Janar, 20244 Janar, 2024 by Kult Plus

Kur themi Vangjush Mio, vetvetiu mendja na shkon tek piktura dhe fare pak emrin e tij e lidhim me fotografinë.

Por së fundmi, dixhitalizimi i 450 negativëve të shkrepura nga ai gjatë vitetve ’30-‘40, ekspozohen për herë të parë e na prezantojnë një anë tjetër të impersionistit të parë shqiptarë.

Ministria e Kulturës dhe “Fototeka” prezantuan këtë porjekt që automatikisht ruan në të njëjtën kohë fondin fotografik të piktorit dhe zbulon për publikun e gjerë pamjen e Shqipërisë së atyre viteve.

Nga këtu kuptojmë që piktura dhe fotografia nuk ka qëndruar ndarazi në jetën e artistit. Ai ka përdorur shpesh herë fotografinë si lëndë të parë për skicat dhe tablotë e tij.

Në objektivin e Mios janë fiksuar banesat karakteristike, objektet e kultit që tani nuk janë më, skena baritore dhe fshatrat e Juglindjes, si dhe peisazhet e veçanta të Korçës, Pogradecit, Elbasanit, Krujës, Durrësit e Vlorës./TvKlan/KultPlus.com

Për herë të parë sallë multimediale 3D, hapet me koleksionin e Vangjush Mios

Posted on 22 Dhjetor, 202223 Dhjetor, 2022 by Kult Plus

Për herë të parë në Shqipëri hapet një sallë multimediale projeksioni 3D, që do të përurohet me koleksionin e pikturave të Vangjush Mios.

Lajmin e bëri të ditur ministrja e Kulturës Elva Margariti, teksa shkroi në rrjete sociale “edhe një herë Korça e para”.

“Zhytuni në botën plot ngjyra të mjeshtrit të pikturës shqiptare, në datën 23 Dhjetor ora 18:00 Qendra e Artit Kulturës dhe Inovacionit (Ish-godina e Këshillit të qarkut Korçë) do të ekspozojë në projeksionin 3D, koleksionin e pikturave të Vangjush Mios”, shprehet ministrja.

Gjatë karrierës 40-vjeçare, Vangjush Mio realizoi mbi 400 vizatime dhe 130 piktura.

Rreth 60 punime të tij zënë vend në koleksionin e Galerisë Kombëtare të Arteve në Tiranë. Veprat e tjera, nën kujdesin e së bijës Rozeta, ekspozohen në shtëpinë-muze të tij./atsh/ KultPlus.com

Bonusi i Rijetëzimit, shtëpia e piktorit Vangjush Mio do të kthehet në një muze privat

Posted on 1 Nëntor, 20221 Nëntor, 2022 by Kult Plus

Pesë shtëpi monumente kulture po restaurohen falë programit të ri të mbështetjes financiare me Bonusin e Rijetëzimit.

Kryeministri Edi Rama, i shoqëruar nga ministrja e Kulturës, Elva Margariti vizituan sot Shtëpinë-Muze e piktorit të madh korçar, Vangjush Mio, në Korçë.

Ministrja Margariti informoi se është propozuar që kjo shtëpi të kthehet në një muze privat me standarde bashkëkohore dhe hapësira të bukura ekspozimi.

Margariti u shpreh se bëhet fjalë për një shtëpi 200-vjeçare që ka përfituar nga Bonusi i Rijetëzimit.

“Për restaurimin e banesës janë parë elementë nga vetë pikturat e Mios, për të ruajtur origjinalitetin e saj”, tha ajo.

Margariti u shpreh se Ministria e Kulturës ka propozuar që ky të bëhet një muze privat.

“Është aktualisht një muze dhe për ta bërë të qëndrueshëm financimin që ka bërë vetë familja do të ishte e udhës të ecej në këtë formë. Aktualisht është pa biletë. I kam këshilluar familjarët si të ndjekim hapat ligjorë. Gjëja më e mirë të bëhet një muze privat. Ne për momentin kemi pak të tillë”, tha ajo.

Gjithashtu kryeministri vizitoi edhe “Shtëpinë Kote”, një nga më të njohurat në Korçë, e cila daton në gjysmën e parë të shek.XIX, monument kulture i kategorisë I, falë bonusit të rijetëzimit do të rimarrë tërë shkëlqimin e humbur.

Margariti u shpreh se kjo është banesa më e vjetër në Korçë me këtë lloj arkitekture.

“Do ketë funksionin bujtinë dhe ne duam përshtatjen në një muze etnografik”, tha ministrja. / atsh / KultPlus.com

Dy hapësira të reja ekspozimi në shtëpinë-muze të piktorit Vangjush Mio

Posted on 18 Maj, 202219 Maj, 2022 by Kult Plus

Në shtëpinë-muze të Vangjush Mios në Korçë do të hapen edhe dy hapësira të tjera për ekspozimin e më shumë punëve të tij si dhe sende personale.

Lajmi u bë i ditur nga Gjergji Koki, drejtor i Drejtorisë Rajonale të Trashëgimisë Kulturore Korçë.

“Në Ditën Ndërkombëtare të Muzeve kam kënaqësinë të ndaj projektin për restaurimin e plotë të Mysafiranes dhe Shtëpisë Muze të Piktorit Vangjush Mio, si dhe hapjen e dy hapësirave për ekspozimin e më shumë punëve të tij si dhe sende personale”, tha Koki.

Sipas tij, ky kompleks është unik në llojin e vet dhe nga më të rrallët në Korçë.

Banesa-muze e Piktorit të Popullit, Vangjush Mio është një nga më të vizituarat në qytetin e Korçës. Për vlerat etnografike që mbart dhe për faktin se aty lindi një nga piktorët më të shquar shqiptarë, kjo shtëpi është shpallur shtëpi-muze.

Gjatë karrierës 40-vjeçare, Vangjush Mio realizoi mbi 400 vizatime dhe 130 piktura.

Përkujtohet në 131-vjetorin e lindjes Vangjush Mio, ati i pikturës moderne shqiptare

Posted on 5 Mars, 20226 Mars, 2022 by Kult Plus

Si sot më 5 mars të vitit 1891, u lind në Korçë ati i pikturës moderne shqiptare, Vangjush Mio.

Sa ishte gjallë, Mio u vlerësua më së larti për mjeshtërinë e dëshmuar në pikturën realiste shqiptare. Ndërsa në ditët tona, i njihen edhe atributet e themeltarit të historisë së artit pamor profesionist përgjatë shekullit të XX-të. Kësodore, vepra e tij qe mënjanë klisheve të diktuara me përdhunë nga kornizat e realizmit socialist.

Mio numëron 500 piktura, 200 vizatime dhe 80 bocete, të cilat ruhen në shtëpinë e tij, Muzeun “Vangjush Mio” në Korçë./ atsh/ KultPlus.com

Ekspozohen në Korçë veprat e veçanta të piktorit të madh, Vangjush Mio

Posted on 27 Dhjetor, 202127 Dhjetor, 2021 by Kult Plus

Për herë të parë në Korçë janë ekspozuar pikturat nudo të realizuara nga piktori i popullit Vangjush Mio.

Shtëpia muze e artistit të madh iu nënshtrua një rikonstruksioni dhe hapi dyert për vizitorët këtë fundjavë. Mes punimeve mjeshtërore të Mios nuk munguan as ato që ekspozohen për herë të parë e që janë pjesë e thesarit që ai la pas.

Peizazhi i hedhur në telajo nga Mio është i papërsëritshëm dhe pikturat e tij zënë një vend të rëndësishëm në banesën – muze ndërsa punimet nudo përveç atyre që ai i pati realizuar për punën e diplomës dalin në drite për herë të parë

Hapja e muzeut të Vangjush Mios ka qene një kërkese e hershme e familjes dhe qytetit për ti dhënë vendin qe meriton në qytetin e tij të lindjes dhe që ai e deshi aq shumë./KultPlus.com

Rihapet pas restaurimit shtëpia-muze e piktorit Vangjush Mio

Posted on 24 Dhjetor, 202124 Dhjetor, 2021 by Kult Plus

Shtëpia muze e Vangjush Mios në Korçë hap dyert sot në ditën e Krishtlindjes.

Lajmi u bë i ditur nga ministrja e Kulturës, Elva Margariti, e cila theksoi se “kanë kaluar veç dy muaj kur vizituam shtëpinë e Mios, që për shkak të dëmtimeve të tërmetit, ishte mbyllur për publikun”.

“Në ditën e Krishtlindjes ajo hapi sërish dyert, falë përkushtimit të Drejtorisë Rajonale të Trashëgimisë Kulturore Korçë, duke i dhënë mundësi vizitorëve të shumtë të qytetit, që nuk është vetëm i serenatave, të shijojnë magjinë e pikturës së Vangjush Mios”, tha Margariti.

Gjatë karrierës 40-vjeçare, Vangjush Mio realizoi mbi 400 vizatime dhe 130 piktura.

Rreth 60 punime të tij zënë vend në koleksionin e Galerisë Kombëtare të Arteve në Tiranë. Veprat e tjera, nën kujdesin e së bijës Rozeta, ekspozohen në shtëpinë-muze të tij. / KultPlus.com

Përfundon restaurimi, rihapet shtëpia-muze e piktorit Vangjush Mio

Posted on 8 Dhjetor, 20219 Dhjetor, 2021 by Kult Plus

Pas restaurimit, shtëpia-muze e piktorit Vangjush Mio në Korçë do të rihapet për publikun.

Lajmin e bëri të ditur sot ministrja e Kulturës, Elva Margariti, e cila u shpreh se ky është një tjetër atraksion për turistët që vizitojnë Korçën.

“Pas përfundimit të restaurimit të çatisë, shtëpia-muze e piktorit Vangjush Mio, në Korçë do të hapë dyert për vizitorët, që çdo ditë e më shumë preferojnë të ndalen në qytetin e serenatave”, tha Margariti.

Për vlerat etnografike që mbart dhe për faktin se aty lindi një nga piktorët më të shquar shqiptarë, kjo shtëpi është shpallur shtëpi-muze.

Banesa-muze e Piktorit të Popullit, Vangjush Mio është një nga më të vizituarat në qytetin e Korçës.

Gjatë karrierës 40-vjeçare, Vangjush Mio realizoi mbi 400 vizatime dhe 130 piktura.

Shtëpia muze e impresionistit të parë shqiptar do të rihapet për vizitorë

Posted on 18 Tetor, 202118 Tetor, 2021 by Kult Plus

Shtëpia-muze e piktorit Vangjush Mio në Korçë do t’i nënshtrohet restaurimit dhe pas konkretizimit të projektit do t’i rihapë dyert për vizitorë. Aty ruhet trashëgimia e pasur e piktorit të parë impresionist në Shqipëri

Ishte dëmtuar jo pak nga tërmeti në nëntorin e dy vjetëve më parë, por shtëpia-muze e Vangjush Mios në Korçë së shpejti do të rihapë dyer për vizitorë. Drejtoria Rajonale e Trashëgimisë Kulturore e këtij qyteti tashmë ka hartuar projektin për restaurimin e çatisë. Lajmi u bë i ditur nga ministrja e Kulturës e Shqipërisë, Elva Margariti, e cila ka vizituar monumentin.

“Është e vështirë ta kuptosh Korçën pa Mion, poetin e pikturës shqiptare, ndaj edhe shtëpinë e tij muze do t’ia rikthejmë sërish publikut”, citohet të ketë thënë ajo. Pas dëmtimeve nga tërmeti, autoritetet e trashëgimisë kulturore të Korçës kishin paralajmëruar intervenimin, përderisa me projektin për restaurim pos çatisë, që është edhe më e dëmtuara, do të eliminohen edhe problemet e lagështisë.

Për Margaritin, “bota e piktorit korçar është aty mes tablosh, tavalocës e penelave, librash që lexonte e ambienteve të punës”.

“Duhet vetëm të zbulohet”, ka thënë ajo.

Për vlerat etnografike që mbart dhe për faktin se aty lindi një nga piktorët më të shquar shqiptarë, kjo shtëpi është shpallur shtëpi-muze. Banesa-muze e Piktorit të Popullit, Vangjush Mio, është një nga më të vizituarat në qytetin e Korçës.

Vangjush Mio (3 mars 1891 – 30 dhjetor 1957), më 1908, për shkaqe ekonomike, u detyrua që bashkë me vëllanë, regjisorin e aktorin Sokrat Mio, të largohej për në Bukuresht. Ishte anëtar aktiv i kolonisë së artistëve shqiptarë në kryeqytetin e Rumanisë dhe në vitin 1915 filloi studimet për Arte të Bukura në Universitetin Kombëtar të Arteve në Bukuresht. Më 1919 mbaroi studimet dhe në të njëjtin vit hapi ekspozitën e parë personale në Bukuresht. Në vitin 1920 u kthye për disa muaj në vendlindjen e tij, ku ekspozoi edhe punimet e tij. Kjo ishte ekspozita e parë artistike për publikun në gjithë Shqipërinë. Në shtator të po të njëjtit vit ai u largua për në Romë. Si admirues i madh i impresionizmit italian të shekullit XIX dhe fillimshekullit XX, u regjistrua në Akademinë Mbretërore të Shën Llukës. Sidoqoftë, për shkak të problemeve ekonomike i ndërpreu ato dhe u rikthye në Korçë, ku u punësua në Liceun Francez, ku mes nxënësve të tjerë ishte edhe Enver Hoxha. Njihet si piktori i parë impresionist në Shqipëri.

Gjatë karrierës prej 40 vjetësh realizoi mbi 400 vizatime dhe 130 piktura. Rreth 60 punime të tij zënë vend në koleksionin e Galerisë Kombëtare të Arteve në Tiranë. Veprat e tjera, nën kujdesin e së bijës Rozeta, ekspozohen në shtëpinë-muze të tij. Më 1994, 21 piktura të cilat ende nuk janë gjetur u vodhën nga muzeu. Në vijim 27 piktura u raportuan të zhdukura në korrik 2012. Mes 27 pikturave të zhdukura gjendeshin edhe disa nga veprat e para të piktorit që datojnë në fillim të viteve ’20./KultPlus.com

“Rrugë në Venecia” skica e vitit 1992 nga piktori Vangjush Mio, në fondin e GKA

Posted on 15 Qershor, 202115 Qershor, 2021 by Kult Plus

“Rrugë në Venecia” është një punë e piktorit Vangjush Mio, që i takon vitit 1922. Vepra është pjesë e koleksionit të Galerisë Kombëtare të Arteve. GKA ka publikuar në faqen e saj një foto të veprës, që është punuar laps në letër.

Vangjush Mio gjatë gjithë jetës mori pjesë në shumë ekspozita në mbarë vendin, madje në vitin 1942 edhe në Bari të Italisë. Ekspozita e fundit e organizuar prej tij, ishte një retrospektivë e punimeve e cila u zhvillua në nëntor të vitit 1957 në Tiranë. Pak ditë më vonë, më 30 dhjetor 1957, Mio vdiq në Tiranë.

Vangjush Mio (3 mars 1891 -30 dhjetor 1957) “Piktor i Popullit”, ishte një piktor impresionist shqiptar. Mio lindi më 3 mars 1891 në Korçë. Në vitin 1908 për shkaqe ekonomike ai u detyrua që bashkë me vëllanë të largohet për në Bukuresht. Ishte anëtar aktiv i kolonisë së artistëve shqiptarë në kryeqytetin e Rumanisë dhe në vitin 1915 filloi studimet për Arte të Bukura në Universiteti Kombëtar të Arteve në Bukuresht.

Në vitin 1919 mbaron studimet me sukses dhe në të njëjtin vit hap ekspozitën e parë personale në Bukuresht. Në vitin 1920, ai u kthye për disa muaj në vendlindjen e tij ku ekspozoi edhe punimet e tij. Kjo ishte ekspozita e parë artistike për publikun në gjithë Shqipërinë. Në shtator të po të njëjtit vit ai u largua për në Romë.

Si admirues i madh i impresionizmit italian të shekullit XIX dhe fillim shekullit XX, ai u regjistrua në Akademinë mbretërore të Shën Llukës (San Luca). Sidoqoftë, problemet ekonomike e shtrënguan atë të ndërpresë studimet dhe të rikthehet në Korçë. Falë një burse shtetërore, ai mundi të rivazhdojë studimet në Romë të cilat i përfundoi më 1924. Temat e tij të parapëlqyera i merrte nga Korça, Pogradeci dhe rrethinat, por ai përjetësoi në punimet e tij edhe qytete të tjera si Tirana, Elbasani, Himara, Berati dhe Gjirokastra. Përveç peizazheve, Mio ishte brilant edhe në pikturimin e portreteve./ KultPlus.com

Vangjush Mio, piktori i parë impresionist shqiptar

Posted on 9 Prill, 20219 Prill, 2021 by Kult Plus

Me origjinë nga Korça, ai u diplomua në Akademinë e Arteve të Bukura në Romë, ku gjithashtu fitoi dy çmime për restaurimin dhe pikturën.

Mio është një nga piktorët më të rëndësishëm midis artistëve realistë shqiptarë të shekullit të 20-të. Ai me të drejtë është quajtur “poet i peizazhit shqiptar”.

Puna e Vangjush Mio kontribuoi në edukimin e brezave të rinj të artistëve në kushtet e izolimit të egër kulturor, në të cilin gjendeshin, sepse ajo i përkiste një shkolle arti jashtë kornizave të realizmit socialist.

Piktori ka marrë pjesë në shumë ekspozita të arteve figurative të organizuara si në Shqipëri ashtu edhe jashtë saj. Mund të kujtojmë Italinë, Rumaninë, Kinën, në Bienalen e Aleksandrisë, Greqinë, Egjiptin, Turqinë, Rusinë dhe ish-Jugosllavinë.

Punimet e tij numërohen në 500 piktura, 200 vizatime dhe 80 bocete, të cilat ruhen në shtëpinë e tij Muzeu “Vangjush Mio” në Korçë.

Kritikët e konsiderojnë atë si piktorin që bëri hapin e parë të pikturës shqiptare drejt koncepteve moderne, duke e çliruar atë nga format statike dhe ndonjëherë edhe amatore të artit të Rilindjes. / Albert Vataj / KultPlus.com

Piktorët e shquar Vangjush Mio dhe Abdurrahim Buza vlerësohen me çmimin ‘Nderi i Kombit’

Posted on 1 Tetor, 20201 Tetor, 2020 by Kult Plus

Me anë të një ceremonie solemne, Presidenti i Shqipërisë, Ilir Meta vlerësoi sot piktorin e shquar, Vangjush Mio (pas vdekjes) me Dekoratën “Nderi i Kombit”, me motivacionin “Si një ndër piktorët e parë profesionistë në Shqipëri.

Me metodën e impresionizmit ka pikturuar me dashuri peizazhin shqiptar, me dritë dhe gjuhë artistike të nivelit më të lartë. Ai mbetet “Poet i natyrës” dhe pararendësi në formimin e peizazhistëve të mëvonshëm”.

Po kështu me Dekoratën “Nderi i Kombit”, Kreu i Shtetit çmoi edhe piktorin e shquar Abdurrahim Buza (pas vdekjes), me motivacionin “Si një ndër piktorët e parë që hodhi bazat profesionale të arteve figurative në Shqipëri. Për krijimtarinë e tij të gjerë që përshkohet dallueshëm nga fryma kombëtare, e ndërthurur me vlera artistike. Si një zë unik e individualitet i dallueshëm në artin pamor shqiptar”.

Duke iu drejtuar të pranishmëve në ceremoninë e dekorimeve të dy mjeshtrave të papërsëritshëm të artit pamor shqiptar, Presidenti Meta u shpreh se, “ky aktivitet zhvillohet sot në ditën e parë të muajit Tetor, i cilësuar tradicionalisht si muaji i letërsisë dhe artit, por edhe si muaji kur kanë lindur shkrimtarë të shquar të letrave shqipe dhe kulturës sonë, si Gjergj Fishta, Dritëro Agolli, Migjeni por edhe të tjerë.

Aktiviteti i sotëm shënon njëkohësisht, fillimin e një sërë aktivitetesh të tjera kulturore e artistike, që do të zhvillohen në këtë Institucion, gjatë muajit tetor.

Artistët shqiptarë i kanë patur dhe do i kenë dyert e Presidencës gjithmonë të hapura, për të performuar e për të shpalosur krijimtarinë e tyre.

Vërtet jam shumë i nderuar për këtë ceremoni vlerësimi të organizuar sot për këto dy personalitete shumë të mëdha të kulturës sonë kombëtare, sepse në këtë periudhë globalizimi, vetëm forcimi i identitetit kombëtar dhe krenarisë për kulturën tonë kombëtare, mund të na mbajë të bashkuar dhe të fortë, në mënyrë që të mos zhbëhemi si komb, as si shtet dhe as si shqiptarë”, përfundoi Presidenti i Republikës së Shqipërisë. /atsh/ KultPlus.com