Etiketë: Varrimi

Sot do të varrosen katër të zhdukur nga lufta e fundit në Kosovë

Posted on by Kult Plus

Më 25 qershor do të bëhet varrimi i Dibran Dibranit, Zeqir dhe Magbule Mujës si dhe Remzi Kurteshit, të cilët ishin të zhdukur nga lufta e fundit në Kosovë.

Trupat e të ndjerëve ishin gjetur në varrezat e myslimanëve në Mitrovicë, në fund të vitit të kaluar.

Bajram Qerkini nga Shoqata për personat e pagjetur “Zëri i prindërve” ka thënë se varrimi i të ndjerëve është vonuar derisa ka përfunduar procesi i identifikimit të eshtrave në mostrat e marra me ADN.

Dibran Dibrani, Zeqir Muja si dhe Remzi Kurteshi do të varrosen në varrezat e martirëve në Shipol, ndërsa Magbule Muja do të varroset në Malishevë.

Zeqir dhe Magbule Muja janë burrë e grua. / Gazeta Express / KultPlus.com

Itinerari i ceremonisë komemorative për Ismet Bogujevcin

Posted on by Kult Plus

Sot, më 13 maj 2021, ka ndërruar jetë figura e çmuar e kulturës kosovare, doajeni i muzikës popullore dhe folklorit shqiptar, Ismet Bogujevci.

Për të nderuar figurën dhe punën e të ndjerit, Ministria e Kulturës, Rinisë dhe Sportit në bashkëpunim me institucionin i Ansamblit të Këngëve dhe të Valleve “Shota”, do të organizojë një ceremoni komemorative nesër më datë 14 maj 2021.

Itinerari për ditën e nesërme është si në vijim:

11:00 – 11:15 | Parakalimi i veturës së funeralit përmes sheshit Zahir Pajaziti deri në Teatrin Kombëtar;

11:30 – 14:00 | Ceremonia zyrtare e homazheve në Teatrin Kombëtar nga delegacionet shtetërore dhe komuniteti;

Varrimi i të ndjerit bëhet në ora 16:00 në varrezat e qytetit në Arbëri.

Ndërkaq, në komunikatën për media, kërkohet që të gjithë pjesëmarrësit të respektojnë masat kundër pandemisë COVID. / KultPlus.com

15 vjet pas: Radhët e gjata të njerëzve që prisnin në acar për t’i bërë homazhe Rugovës

Posted on by Kult Plus

Më 21 janar të vitit 2006 kishte ndërruar jetë Presidenti i parë i Republikës së Kosovës, Ibrahim Rugova, pasi për disa muaj me radhë kishte vuajtur nga sëmundja e kancerit që i kishte prekur mushkëritë.

Me 23 janar të 2006-tës, funerali me trupin e Presidentit Rugova ishte vendosur në hollin e Kuvendit të Kosovës, ku qytetarë të shumtë kishin mundësinë që t’i bënin nderime e t’i jepnin lamtumirën e fundit Rugovës.

Qindra mijëra qytetarë kanë qëndruar me orë të tëra në radhë për t’i bërë nderime Rugovës në hollin e Kuvendit, kjo edhe përkundër acarit të madh që kishte përfshirë Kosovën ato ditë.

Ceremonia e varrimit të Presidentit Rugova ishte bërë të enjten e 26 janarit.

Në ceremoninë e varrimit të Rugovës kanë marrë pjesë shumë delegacione botërore si, delegacioni i ShBA-së, delegacioni i Bashkimit Evropian, delegacioni nga zyra e UNOSEK-ut, delegacione nga Austria, Britani, Belgjika, Shqipëria, Gjermani, Spanja, France, Sllovenia, Kroacia, Maqedonia, Greqia dhe disa vende afrikane./Express/ KultPlus.com

Aktori Adem Mikullovci varroset sot në Prishtinë

Posted on by Kult Plus

Aktori i njohur Adem Mikullovci vdiq në mëngjesin e sotëm në moshën 82-vjeçare, duke lënë kështu të pikëlluar të gjithë ata që e njohën e e deshën edhe nga ekrani, shkruan KultPlus.

Tashmë është bërë e ditur se varrimi i të ndjerit Adem Mikullovci do të bëhet sot në varrezat e qytetit në Dragodan/ Arbëri në ora 16:00.

Ndërsa pranë Teatrit Kombëtar në Prishtinë është vendosur fotografia ku mund të bëhen homazhe nga ora 10:00.

Ky është njoftimi i plotë i Lumnije Mikullovcit:

Të nderuar,

Varrimi i të dashurit tonë Adem Mikullovci do të bëhet në varrezat e qytetit në Dragodan/Arbëri me Ikindi në ora 16:00.

Pranë Teatrit Kombëtar në Prishtinë është vendosur fotografia ku mund të bëhen Homazhe nga ora 10:00! / KultPlus.com

Detaje për varrimin e Nexhmije Pagarushës

Posted on by KultPlus

Artistja e madhe shqiptare Nexhmije Pagarusha ndërroi jetë sot, shkruan KultPlus.

Trupi i pajetë i së cilës është nxjerrë nga banesa e saj t’u dërguar në morg.

Amaneti i legjendës së muzikës shqipe ka qenë që të varroset në vendlindjen e saj në fshatin Pagarushë të Malishevës.

Pagarusha vdiq në moshën 86-vjecare.

Hitet e saj janë të pavdekshme si “Baresha”, “E dehun jam”, “Sytë për ty i kam të njomë”, etj. /KultPlus.com

Aretha Franklin do të varroset më 31 gusht

Posted on by Kult Plus

Ceremonia për funeralin e këngëtares së ndjerë, Aretha Franklin do të mbahet më 31 gusht në vendlindjen e saj në Detroit, Miçigan.

Persona të afërt me këngëtaren kanë konfirmuar se ceremonia do të mbahet në Tempullin Greater Grace, në të cilin do të marrin pjesë familjarët dhe miqtë.

Franklin, 76-vjeç, ka vdekur nga kanceri në pankreas dhe do të varroset në varrezat Woodlawn në Detroit.

Një ceremoni përkujtimi për nder të saj është mbajtur ditën e diel në Kishën Baptiste, New Bethel, vend në të cilin Franklin kishte nisur këndimin.

Në ceremoni është përmendur kontributi i saj për të drejtat civile dhe puna për komunitetin lokal. Franklin është cilësuar si mbretëresha e muzikës Soul./REL

Aktorja shqiptare e vrarë në SHBA varroset sot në Shkup

Posted on by Kult Plus

Aktorja shqiptare, Adea Shabani, e cila një muaj pasi ishte zhdukur u gjet e vdekur, do të varroset sot në Shkup.

Trupi i pajetë i Adea Shabanit, aktores që e cila jetonte në Los Angelos, ka arritur në vendlindjen e saj. Ajo do të varroset sot në orën 14:00, në varrezat e Butelit.

“Adea Shabani e ka varrimin ne ora 14:00 ne varrezat e Butelit ne Shkup. Mbledhja komemorative eshte ne Aleksandar Palace ne ora 10:00”, është thënë në një njoftim.

Një muaj pasi ishte njoftuar zhdukja e saj, aktorja shqiptare u gjet e vdekur në një varr të cekët.

Dyshohet se i dashuri i saj, aktori Christopher Spotz, është i përfshirë në vdekjen e saj. Spotz ka një javë para se të gjendej trupi i Shabanit, pasi ai ishte ndjekur nga policia. /Express/ KultPlus.com