Vendim - KultPlus

Kryetari Rama merr vendim: Pjesëmarrësit e ‘Sunny Hill Festival’, do të kenë transport publik falas

Posted on 20 Korrik, 202420 Korrik, 2024 by Kult Plus

Komuna e Prishtinës ka njoftuar se transporti publik të jetë falas për të gjithë ata që marrin pjesë në “Sunny Hill Festival”.

Komuna e Prishtinës ka marrë vendim që transporti për të gjithë pjesëmarrësit do të jetë falas nga data 25 deri më 28 korrik.

Njoftimi i plotë:

VENDIM!Të gjithë pjesëmarrësit e “Sunny Hill Festival” LIROHEN nga pagesa e transportit publik.

Pra të gjithë ju që doni të shkoni në këtë festival, do të mund të udhëtoni falas me autobusë të Trafiku Urban Prishtinë nga data 25 deri më 28 korrik.

Nisja bëhet nga ora 17:00 te parkingu i Pallatit të Rinisë, dhe transport do të ketë deri në orën 05:00 të mëngjesit. Pra mund të shkoni e ktheheni nga festivali me autobusë të Trafikut Urban, falas.

Qeveria merr vendim për çmimet e larta të produkteve themelore

Posted on 20 Korrik, 202220 Korrik, 2022 by Kult Plus

Qeveria e Kosovës ka shtuar në agjendën legjislative të këtij viti edhe Projektligjin për mbrojtjen e furnizimit me produkte themelore.

Kryeministri i Kosovës, Albin Kurti, duke arsyetuar hartimin e tij, tha duhet të ketë rregulla për të mbrojtur qytetarin nga vendosja e çmimeve të papërballueshme në sigurimin e ushqimit me produktet bazë.

Ai tha se i njëjti duhet të miratohet më së largu në muajin gusht të këtij viti.

“Të hartojmë rregulla për të mbrojtur qytetarin nga vendosja e çmimeve të papërballueshme të sigurimit të ushqimit me produkte bazë”, tha ai.

Në mbledhjen e sotme, ekzekutivi miratoi edhe tri projektligje që prekin sektorin e sigurisë.

Kabineti qeveritar i dha dritë të gjelbër, Projektligjit për Ministrinë e Mbrojtjes, Projektligjin për FSK-në dhe Projektligjit për Shërbimin në FSK. / Gazeta express/ KultPlus.com

Ministria e Kulturës anulon procesin e blerjës së veprave të artit, protesta e komunitetit artistik e suksesshme

Posted on 10 Dhjetor, 202110 Dhjetor, 2021 by Kult Plus

Ministria e Kulturës, Rinisë dhe Sportit ka vendosur që të anulojë procesin e blerës së veprave të artit nga shteti, shkruan KultPlus.

Pakënaqësitë e komunitetit artistik ndikuan që të anulohet edhe vendimi i paraparë për përzgjedhjen e veprave të artit për blerje nga shteti.

“Angazhimi ynë për të mbështetur dhe fuqizuar skenën e pavarur kulturore të Kosovës nuk do të ndalet. Mbesim të përkushtuar të zhvillojmë procese gjithëpërfshirëse në shërbim të komunitetit artistik”, thuhet mes tjerash në njoftimin e ministrisë.

Gjatë ditës së enjte, para ndërtesës së MKRS-së, një grup i artistëve kanë protestuar me moton “Stop diskriminimin”. /KultPlus.com