Ministrja e Turizmit dhe Mjedisit, Mirela Kumbaro ka përcjellë një tjetër anë të Shqipërisë turistike, atë të njohjes përmes degustimit të verërave shqiptare.
“Degustimi i Shqipërisë përmes shijes së verës sonë. Turi i Verës, që i jep ngjyra programit “Turet e Agroturizmit” ndaloi për të provuar shijen e verërave të kantinave “Çobo”, “Pupa” dhe “Alpeta” duke promovuar një eksperiencë të veçantë të të përjetuarit të Shqipërisë, ku vreshtaria dhe enogastronomia janë thesare të ofertës sonë turistike, por edhe për të vlerësuar mundin që fermerët dhe prodhuesit e verës kalojnë për të ruajtur varietetet autoktone dhe realizuar verëra me cilësi të lartë”, thuhet në postimin e Kumbaros në rrjete.
Vreshtaria dhe prodhimi i verërave cilësore shqiptare sot është kthyer në një sektor kyç për zhvillimin ekonomik dhe një krenari për brandin shqiptar “Made in Albania”. Sipas të dhënave nga Ministria e Bujqësisë dhe Zhvillimit Rural, vitin e kaluar u regjistruan 10 178 hektarë vreshta dhe 9 822 hektarë vreshta në prodhim.
Rritja e sektorit të verës ka ardhur nga mbështetja që i ka dhënë qeveria nga Skemat Kombëtare në vite dhe Programi IPARD për rritjen e sipërfaqeve të vreshtave, investimet në pajisje teknologjike për procesin e prodhimit, rritja e certifikimit të fidanëve autoktonë dhe mbështetja për të marrë pjesë në panaire ndërkombëtare në tregje elitare./atsh/ KultPlus.com
Vera Zheji Zëri, simbol i Radio Tiranës, vdekur në moshën 91-vjeçare. Lajmi i hidhur është bërë i ditur nga familjarët e saj.
“Sot në mëngjes, nëna ime Vera Zheji, u largua nga kjo botë. Kaloi pak jave të rënda, po iku qetësisht nga shtëpia e familja e saj sot në të gdhira. Në emrin e saj falenderoj gjithe miqtë e shumtë e dashamirësit që e kanë ndjekur, përkrahur e respektuar nëpër vite, të cilët ajo deri në fund i kujtonte me dashuri e mirënjohje. Kjo është jeta! Zoti na ndihmoftë të gjithëve ta mbyllim mirë kohën që na mbetet në këtë botë”, shkruan vajza e saj në Facebook.
Zheji është pinjolle e dinastisë kulturore, motra e gjuhëtarit dhe filozofit të madh Petro Zheji.
Ajo lindi më 30 Janar 1933 në Tiranë. Kur ishte vetëm 15-vjeç, në vitin 1948, Vera Zheji u bë një zë popullor kur nisi të lexonte emisione letrare përpara mikrofonit të Radio Tiranës. Ajo krijoi emisione të ndryshme e mjaft të ndjekura në radio, si Bota e përrallave, Universiteti popullor i radios, Enciklopedia e radios e disa të tjera, të cilët u identifikuan me mënyrën e saj unikale të të lexuarit e të folurit.
Të gjithë mund të kujtojnë zërin e saj magjik kur lexonte përrallat e orës 19.00 në vitet ‘70. Ajo lexoi edhe lajme në italisht, një gjuhë që e zotëronte shumë mirë. Vera Zheji tregoi edhe talentin e saj në aktrim, kur mori pjesë në komedinë “shi në plazh” e pjesë të tjera teatrore.
Në vitin 1975, Vera Zheji la përfundimisht Radion dhe u emërua pedagoge e Fjalës Artistike në degën e teatrit, në Institutin e Lartë të Arteve, deri në vitin 1988 kur doli në pension.
Kultivuesi i verës arriti që një qytet të vogël në Portugali – Sao Lourenco do Bairro, ta shndërrojnë në “lumë”, kur dy depozita aksidentalisht u thyen dhe nga to u derdhën 2.2 milionë litra verë të kuqe në rrugët e qeta të qytetit portugez.
Derisa po lëvizte me shpejtësi të madhe, vera e kuqe binte nga majat e kodrës, ku ishte edhe pronari e një kultivuesi të verës të cilit iu thyen depozitat, transmeton Telegrafi.
Banorët lokalë mbetën të habitur derisa panë verën duke u derdhur nëpër rrugë, e përmbytjet ishin aq të mëdha sa që krijoi një alarm për ambientin.
Ishin ekipet e zjarrfikësve që bllokuan derdhjen e verës, që rrezikonte të përfundonte në lumin që ishte afërt.
Në anën tjetër kompania Levira që kishte në pronësi depozitat e verës, ka kërkuar falje për këtë “incident”.
Kryeministri Edi Rama bëri të ditur sot se 22 mijë vizitorë kroatë kanë frekuentuar Shqipërinë deri në korrik të 2023, ose 41% më shumë se viti i kaluar.
Rama ndau një kronikë të televizionit kroat RTL, ku promovohet turizmi në Shqipëri.
“Jehona e suksesit bombastik të Shqipërisë turistike vazhdon dhe këtë herë janë fqinjët e një vendi superstar në turizëm, Kroacia, ku televizioni RTL i jep një hapësirë të papritur surprizës shqiptare që po tërheq vëmendjen e mediave botërore”, tha Rama.
“Këto ditë të gjithë flasin për Maldivet europiane, Shqipërinë, ku deti është i mrekullueshëm ndërsa çmimet janë normale. Nisi me një artikull ku thuhej se në Shqipëri do të paguani 16 euro për një drekë të bollshme për dy veta buzë detit dhe se atje do të jetoni tërë javën me paratë që diku tjetër janë të mjaftueshme për tre ditë”, thuhet në kronikën e televizionit kroat, RTL.
“Nuk është as Greqia, as Spanja, as Havai dhe as Tajlanda. Këto janë Maldivet europiane. Turistët e befasuar befas zbulojnë Shqipërinë. Nëpër rrugët e Shqipërisë do të udhëtoni falas sepse nuk ka tarifa rrugore”, vijon kronika e RTL-së.
RTL intervistoi një turiste e cila u shpreh se çmimet janë më të ulëta, si për akomodim madje edhe për parking. “Akomodimi për 1 javë për dy persona në Kroaci do të kushtonte 2-3 mijë euro, kurse në Shqipëri me udhëtim dhe të gjitha do të kushtonte rreth 1 mijë euro për 1 javë. Ndoshta edhe më pak”, tha ajo.
Sipas një agjencie turistike të cituar nga RTL, për një javë pushime në Shqipëri me të gjitha shpenzimet nevojiten 850 euro.
Adriana Karuza, blogere udhëtimi u shpreh për RTL se “Shqipëria është thjesht më e volitshme”.
“Jemi dëshmitarë që çmimet në Europë janë egërsuar. Shqipëria është thjesht më e volitshme. Mund të them se para dy vitesh ne shpenzuam 730 euro përfshirë të gjitha, hotel, ushqim, suvenire, madje edhe riparimin e makinës. Tarifat rrugore nuk paguheshin. Mbaj mend që karburanti nuk ishte i lirë, por nuk kishim shpenzime për parking”, theksoi ajo.
Sipas RTL-së, reklama e pazakontë vazhdon t’i tërheqë mysafirët. “Për shkak të inflacionit çmimet kanë ndryshuar, por këtu ende mund të verohet lirë. Plazhet kështjellat dhe çmimet e volitshme, duket se Shqipëria i ka të gjitha”, përfundon kronika e RTL-së./atsh/KultPlus.com
A zverdhe fusha, e nder grunore Po velojne korrcat porsi zogj; Kendojne katundcat me malcore Pa u kujtue si dielli i dogj Vec n’at are, porsi nji e tretun Zi nder petka e ne fetyre terr Korre nji cuce pa shoqe,vetun Me hije t’vet qe mbrapa e merr Tjetra here tri vet e treta Korrshe o bij me motra n’shend Si vjet vetun tiu korr t’gjeta Pa nji moter, pa gazmend./KultPlus.com
Meqenëse jemi në prag të Krishtlindjes dhe Vitit të Ri, edhe vera është pjesë e pandashme e këtyre festave dhe jo vetëm për festa por edhe si pije e preferuar.
Ndërsa te ne si komb vera ka qenë pije tradicionale që nga lashtësia.
Rrushi i maleve arbërore ishte shumë i vlerësuar dhe i dashur nga të lashtët tanë.
Historiani dhe shkrimtari Gai Plini i dytë e rendit atë në vendin e tretë midis të gjitha hardhive të rrushit që rriten në Itali dhe të hardhive tjera të huaja. /KultPlus.com
Promovimi i verërave “Made in Albania” në tregun italian ishte në qendër të aktivitetit të organizuar nga Shoqata e Somelierëve italianë, në komunën arbëreshe Shën Mitër Korona.
Këtë aktivitet e përshëndeti me një nëpërmjet një videokonference edhe Presidenti Ilir Meta.
Meta theksoi se, “ky aktivitet, që synon forcimin e shkëmbimeve ekonomike dhe turistike midis dy vendeve tona, në veçanti mes komunave arbëreshe dhe Shqipërisë, kishte rëndësi të madhe edhe për qëllimin social dhe human për të cilin ishte ideuar, pasi të ardhurat e grumbulluara do të përdoren për blerjen e materialeve sanitare dhe shëndetësore në vendin tonë, me qëllim përballimin e pasojave të pandemisë COVID-19”.
Meta e falënderoi Klubin AIS Kalabri dhe Klubin AIS Shqipëri për këtë nismë dhe uroi që në të ardhmen të organizohen sa më shumë aktivitete të tilla, që përveç aspektit humanitar, nxjerrin në pah vlerat tërheqëse dhe traditat më të mira të agroturizmit shqiptar, si dhe forcojnë lidhjet e Shqipërisë me komunitetin arbëresh dhe Italinë mike. /ATA/
A zverdhe fusha, e nder grunore Po velojne korrcat porsi zogj; Kendojne katundcat me malcore Pa u kujtue si dielli i dogj Vec n’at are, porsi nji e tretun Zi nder petka e ne fetyre terr Korre nji cuce pa shoqe,vetun Me hije t’vet qe mbrapa e merr Tjetra here tri vet e treta Korrshe o bij me motra n’shend Si vjet vetun tiu korr t’gjeta Pa nji moter, pa gazmend./KultPlus.com
Në pikën kufitare të Vërmicës janë krijuar kolona të gjata.
Sipas të dhënave të Ministrisë së Punëve të Brendshme, në dalje të Kosovës janë krijuar kolona deri në 150 metra, transmeton KultPlus.
Si duket kosovarë ia kanë mësyer edhe këtë vikend pushimeve në Shqipëri.
Kujtojmë se vetëm në fillim të muajit qershor në pikën kufitare të Vërmicës u regjistruan mbi 30 mijë pushues nga Kosova që iu drejtuan bregdetit shqiptar. / KultPlus.com
Ministri i Mjedisit dhe Turizmit, Blendi Klosi, deklaroi se “duke parë mënyrën shumë të mirëmenaxhuar të pandemisë së koronavirusit, besoj do të kemi një sezon relativisht jo të dëmtuar në maksimum, një sezon që mund të shpëtojë për realitetin shqiptar”.
Në një intervistë televizive, Klosi tha se “nëse do të vendosim rregulla të qarta të distancimit dhe higjienës, besoj do të kemi një sezon që do t’i shpëtojë katastrofës në vendin tonë. Kemi turistë nga Kosova, Mali i Zi, turistë që nuk janë të varur nga kompanitë e fluturimit”.
“Avantazhet e turizmit në Shqipëri janë fakti që biznesi hotelier është familjar dhe nuk ka nevojë për vendimmarrje në borde, ndërkohë që me anulimin e fluturimeve dhe mosditjen se kur do të rinisin, vendi ynë ka një numër të madh turistësh që vijnë nga toka. Në gjithë historinë e koronës dhe krizës në Shqipëri dhe botë, pyetja më e vështirë është se kur do të përfundojë. Vendimi se kur do të hapet situata nuk dihet. Nuk dihet nëse sezoni do të jetë i përfshirë në aktivitet”, nënvizoi Klosi.
Ministri Kosi u shpreh se “me grupet e ekspertëve të Ministrisë së Shëndetësisë dhe Mbrojtjes Sociale, është duke u përgatitur një material të plotë për mënyrën e re të sezonit turistik ku të respektohen rregullat e higjienës dhe të distancimit social”.
Sa i përket fluturimeve, Klosi tha se “nëse situata fillon të marrë për mirë, dhe të kufizohet aq sa mundemi në raportin e higjienës besoj se do të fillojnë fluturimet, nga qershori me fluturimet e para shumë më tepër të kontrolluara për të hapur mundësi për udhëtime çarter”, tha ministri.
I pyetur nëse në qershor ka mundësi për të hapur fluturimet nëse kemi këta tregues, ministri Klosi tha se “rregullat e reja më shumë se sa pasaporta identifikuese, do të ketë ajo e historikut shëndetësor. Megjithatë, situata duket jo premtuese për rinisjen e fluturimeve nëse deri atëherë nuk do të gjendet vaksina”.
“Po diskutohet të hapen fluturime të kontrolluara ku më tepër se pasaporta me emër me mbiemër, do të ketë rëndësi pasaporta shëndetësore. Pa dalë vaksina do ta kemi të vështirë të kthehemi në normalitet”, theksoi ministri Klosi.
Lidhur me masat specifike për distancat mes çadrave në plazhe, Klosi tha se “ne kemi përgatitur një material të plotë së bashku me Ministrinë e Shëndetësinë që edhe ai është në diskutim nga grupet e ekspertëve. Italia i ka nxjerrë materialet e para, se e ka më specifike sipas rajoneve dhe ka nxjerrë masat e reja për plazhet, me distanca nëpërmjet çadrave, ka propozime në turizëm elitar ku të ketë ndarje me pleksiglas ndërmjet çadrave”.
“Ne e kemi bërë një material, do të jetë pjesë e diskutimet deri në momentin që do të mendojmë se do të fillojë hapja, një ide se si mund të jetë sezoni i plazhit po përpunohet nga grupi i ekspertëve. Sa i përket hotelerive dhe lokaleve, do të jenë të fundit që do të hapen”, tha Klosi. /atsh/ KultPlus.com
Sezoni veror ka hyrë në kulmin e tij, por për shumë shqiptarë pushimet janë një luks, që atë nuk mund t’ia lejojnë vetes.
Sipas një studimi të financuar nga Komisionin Europian, 65 për qind e familjeve shqiptare nuk kanë të ardhura as për të përballuar një javë pushime larg shtëpisë.
Kjo është shifra më e lartë në rajon, me diferencë të madhe nga vendet e tjera fqinje, ku pjesa e familjeve qe nuk përballojnë dot pushime varion nga 38 deri në 47 për qind.
Pushimet në Shqipëri janë një privilegj i pakicës, ndërsa pjesa më e madhe e familjeve duhet të luftojnë për të përmbushur nevojat e mbijetesës. / KultPlus.com
Stina e verës fillon sot në hemisferën veriore të Tokës . Ajo nis në orën 12 e 7 minuta. Në të njëjtën kohë në hemisferën jugore të Tokës nis stina e dimrit.
Dita e fillimit të verës është më e gjata në vit, kurse nata është më e shkurta e vitit.
Vera do të zgjasë deri më 22 shtator, kur fillon stina e vjeshtës.
Nesër dielli në Prishtinë lind në orën 4 e 58 minuta, ndërsa perëndon në orën 20 e 17 minuta, kështu që dita do të jetë e gjatë 15 orë e 25 minuta, ndërsa nata 8 orë e 35 minuta.
Me gjithë bindjet e njerëzve se në këtë ditë Toka është më së afërmi me Diellin, në këtë moment ajo është më së largu.
Për banorët e hemisferës veriore të Tokës vera fillon në atë moment kur drejtimi i boshtit të pjesës veriore të Tokës është më së afërmi me Diellin. Atë ditë lartësia e Diellit në mesditë është më e madhja gjatë vitit.
Në atë moment për banorët në pjesën hemisferën jugore të Tokës fillon stina e dimrit.
Por as atje nuk është kryesisht ftohtë për shkak të largësisë së madhe nga Dielli, por për shkak se në atë moment poli jugor qiellor është më së largu nga Dielli.
Për këtë arsye Dielli në mesditën e asaj dite arrin lartësinë e mundshme më të vogël gjatë vitit. Është e kuptueshme se për të qenë ftohët kontribuon dita më e shkurtër, ndërsa në vendin e tretë për nga ndikimi dhe distanca e përmendur më e madhe e Tokës nga Dielli, sqarojnë astronomët./ KultPlus.com
Agjencia italiane e udhëtimeve Volagratis.com ka hartuar një listë me 15 vendet më në tendencë për 2018, një përzierje mes destinacioneve që kanë parë një rritje të konsiderueshme në rezervime dhe sipas të dhënave të personave që kanë shfletuar në këtë faqe të famshme në internet.
Në vendin e parë renditet Shqipëria, e cila ruan një raport të shkëlqyeshëm të cilësisë dhe çmimeve, historisë dhe traditave, si dhe bregdetit të mrekullueshëm. Gjatë 2017 numri i vizitorëve u dyfishua, krahasuar me vitin e kaluar.
Historia dhe traditat, por mbi të gjitha natyra dhe plazhet që të lënë pa frymë, që nuk i kanë asgjë zili atyre të Tropikëve: Shqipëria është në krye të listës Top 15 të Volagratis.com, në sajë të raportit të shkëlqyer të cilësisë dhe çmimeve.
Agjencia italiane sugjeron turistët për të vizituar Shqipërinë gjatë korrikut dhe gushtit, pasi janë muajt kur dielli është i garantuar dhe deti është më i ngrohtë. Por edhe në pjesën tjetër të vitit, Shqipëria ende ofron një larmi të jashtëzakonshme të peizazheve dhe territoreve. Për ata që duan të përfitojnë nga çmimet më të ulta, shtatori është koha e duhur.
Në vendin e dytë gjejmë Tanzaninë, mbretërinë e natyrës së paprishur që tërheq më shumë aventurierët me ofertën e saj të pasur të safaris, trekking, snorkeling dhe zhytjes me breshka. Ndërsa në vendin e tretë është Bjellorusia, e cila po tërheq gjithnjë e më shumë vizitorët italianë falë kështjellave të mrekullueshme. Në listën e Top 15 të Volagratis.com përfshihen edhe Moldavia, Oman, Kroacia, Namibi, Birmania,Bullgaria, Finlanda, Uzbekistan, Maqedonia, Belgjika, Republika Çeke dhe Jordania./ KultPlus.com
Sot më 25 shtator në Suharekë nis edicioni i 16-të, i festës së të rinjve dhe vjeljes së rrushit ‘Festari’, shkruan KultPlus.
Ky festival është festë e rinisë ngase bartës të projektit janë të rinjtë e kësaj komune, ndërsa ‘Festari’ cilësohet edhe si festë e artë sepse gjatë kësaj feste krijohen vlera të reja shpirtërore, humane, artistike e sportive.
‘Festari’ sivjet ka një program shumë dimensional dhe gjithëpërfshirës. Ky festival tashmë është tradicional dhe realizohet në javën e fundit të muajit shtator. Rrushi dhe përpunimi i verës është karakteristikë mijëvjeçare e trevës së Suharekës, andaj edhe ‘Festari’ përkon me gëzimin e vjeljes së rrushit dhe përpunimin e verës.
‘Festari’ nis sot më 25 shtator ndërsa përfundon më 1 tetor./ KultPlus.com
Një nga kantinat e njohura për prodhimin e verës në Berat ka organizuar festën e vjeljes së rrushit, festë që çel fazën e prodhimit të verës në zonën, që prodhon më shumë verë dhe mban edhe markën e cilësisë.
Të ftuarit kanë provuar të vjelin rrush, të pinë verën si dikur me kanë prej balte, të shijojnë muzikën tradicionale dhe sidomos të ndjekin konkursin e famshëm të shkelëseve të rrushit.
Ishte një argëtim më vete ky konkurs ku morën pjesë gra e vajza të ftuara në këtë festë. Në fund një prej tyre u shpall fituese si shkelësja më e mirë e rrushit. Në këtë festë ishin të ftuar deputetë, aktorë dhe personalitete të tjera.
Zona e Beratit njihet për verën e saj cilësore dhe sidomos kantina Cobo me markën e saj ka arritur të marrë çmime duke u renditur ndër verërat më të mira shqiptare, përcjell konica.al./ KultPlus.com
Velipoja është një qendër turistike mjaft e këndshme, me peisazh të larmishëm dhe me det të pastër. Pushuesit janë kryesisht nga zona e Shkodrës dhe rrethinat e saj, por ka edhe nga rrethet e tjera të vendit.
Por, pushuesit me te shumte ne plazhin e Velipojës jane qytetarë nga Kosova që janë të përvitshëm në këtë plazh.
Investimet dhe shërbimi cilësor kanë bërë që në bregdetin e Velipojës të jene rreth 70 mijë pushues ditorë, kryesish në fundjavë.
Edhe infrastruktura rrugore që lidh veriun e vendit me këtë plazh ka ndikuar pozitivisht.
Pushues nga Kosova shfrytëzojnë edhe linjën e trageteve përmes Komanit për të mbërritur e pushuar në këtë plazh.
Velipoja u ofron pushuesve mundësinë për të kaluar pushime në një vijë bregdetare me ujë të pastër dhe me rërë të imët, por jo vetëm kaq, pasi plazhi është i pasur me vlera unike natyrore si, ranishtja e madhe me gjatësi 14 km rërë të imët dhe të pastër, qe quhet nga banorët “râna e dermanit” për vetitë e saja kuruese. Plazhi ripërtërihet çdo vit nga baticat dhe zbaticat.
Rëra e bregut dhe të gjithë ranishtes ka përqindjen më të lartë të jodit në bregdetin shqiptar.
Plazhi rrethohet nga pylli me drurë të lartë pishe e drurë të tjerë halorë e fletore, me shkurre përherë të blerta, lugina plot me bimësi ujore, duna etj.
Fshati bregdetar, ranishtja e madhe dhe qendra turistike, shtrihen në jugperëndim të Shkodrës dhe relievi është gati tërësisht fushor.
Velipoja po kthehet në një qendër të rëndësishme të turizmit shqiptar. / KultPlus.com
