Etiketë: Viti Mbarekombetar i Skenderbeut

30 milion lekë për restaurimin e Memorialit të Skënderbeut

Posted on by KultPlus

Në kuadër të “Vitit Mbarëkombëtar të Skënderbeut” ka nisur puna për restaurimin e Memorialit të Skënderbeut, Kishës së Shën Nikollit (Vendvarrimi i Skënderbeut) dhe Muret e Qytetit Antik Lis, Zona Breglumore e Parkut Arkeologjik.

Ky projekt me vlerë 30 milion lek, financohet nga Ministria e Kulturës dhe realizohet brenda Vitit Mbarëkombëtar të Gjergj Kastriotit.

Projekti i restaurimit është hartuar nga specialistët e Institutit të Monumenteve të Kulturës dhe parashikon restaurimin e plotë të memorialit, Kishës së Shën Nikollit, riformulimin e mbulesës së objektit, sistemin e ndriçimit dekorativ dhe funksional, si dhe ndërhyrje konservuese – restauruese në mozaik dhe afresk.

Muzeu i Kastriotëve, në fshatin Sinë të rrethit të Dibrës, do t’i nënshtrohet restaurimit, ndaj për shumë pak kohë nuk do të jetë i vizitueshëm. Projekti i hartuar nga specialistët e IMK-së ka për qëllim restaurimin e plotë të objektit, riorganizimin e sistemit të ndriçimit dhe instalimeve elektrike, si dhe sistemimin e territorit përreth godinës. Pjesë e rëndësishme e projektit është edhe muzeu. Duke vlerësuar inventarin e pasur të muzeut dhe ambientin e ekspozimit, projekti synon riorganizimin e tabelave të ekspozimit, në cilësi, dimensione dhe formë.

Muzeu i restauruar shumë shpejt do të kthehet në një tjetër itinerar mjaft tërheqës për turistët.

Trashëgimia kulturore dhe turizmi kulturor – prioritetet e Ministrisë së Kulturës dhe Institutit të Monumenteve të Kulturës./KultPlus.com

Albanian Brass Festival gati për edicionin e tretë, koncert të veçantë për Vitin Mbarëkombëtar të Skënderbeut

Posted on by Kult Plus

Më 23 prill do të fillojë edicioni i 3-të i “International Albanian Brass Festival”, ku kështu skena e sallës e Black-Box por edhe ambientet e Liqenit Artificial të Tiranës, do të gjallërohet nga muzika, shkruan KultPlus.

Festivali do të fillojë më 23 dhe do të zgjasë deri më 28 prill. Gjatë këtyre netëve do të luhen vepra premierë të kompozitorëve shqiptar por edhe të huaj. Disa nga artistët që do të performojnë janë Arkady Shilkloper – Rusi, Katie Cox – USA, Paul Goodchild – Australi, Luca Benucci – Itali, Albanian Brass…

Festivali vazhdon të ketë si qëllim edukimin përmes kulturës, duke afruar sa më shumë të rinj nga shkolla të ndryshme të qyteteve të Shqipërisë. Ndërsa për vitin e Heroit Kombëtar “Gjergj Kastrioti Skënderbeu”, do të luhet muzikë e dedikuar figurës se heroit.

Albanian Brass Ensemble në koncertin që do të mbaj pranë Liqenit Artificial do të luaj “Suiten” nga filmi Skënderbeu e Kompozuar nga Kompozitori Çesk Zadeja dhe e ri-aranzhuar për këtë ansambël.

Gjatë gjithë javës do të mbahen mësime falas për të gjithë të interesuarit pranë Universitetit të Arteve si dhe do të vazhdojë mbështetje e kompozitorëve nga kompania muzikore në Australi – Hammering Records.

“Në vazhdën e bashkëpunimit të festivalit me këtë studio muzikore, do të mbështeten me një shumë financiare 3 prej artistëve shqiptar për të kompozuar vepra të reja të cilat do të luhen në edicionin e 4 të brass fest më 2019 dhe më pas në Australi. Ky festival ka për synim pikërisht brezin e ri dhe për këtë arsye ne si organizatorë të festivalit do të mbështesim njërin prej studentëve me një shumë modeste financiare dhe sigurisht do të shoqërohet me marrjen e çmimit “Best Student”, kanë njoftuar organizatorët e festivalit.

Festivali ka si synim edhe promovimin e veprave të reja të kompozuara nga kompozitorët shqiptar. Këtë edicion në festival do të jenë katër vepra të reja të kompozuara.

“Aspect 1” dhe “Apect 2” vepra të kompozuara nga Pedagoge eUA, Arbana Fejzo, Vepra “One Way in Nature” e kompozuar nga kompozitorit nga Kosova Artan Hasani. Vepër kjo që do të luhet nga dy artistë kosovarë. Nora Garbeshi – Trombe dhe Vigjilence Islami – Piano dhe një aranzhim krejt i veçantë e i përshtatur në kohë i këngës Çame “Tuman Kuqe” e aranzhuar nga Jazz-isti i njohur Shqiptar Andi Kongo,

“International Albanian Brass Festival” oganizohet nga Shoqata “Artistët Interpretë”, falë mbështetjes së Ministrisë së Kulturës, Universitetit të Arteve, Agjencisë së Parqeve dhe Rekreacionit pranë Bashkësisë së Tiranës , e të tjerë. / KultPlus.com