Vizitë e delegacionit të Akademisë së Shkencave të Shqipërisë në Akademinë e Shkencave të Lituanisë

Posted on 26 Shtator, 202326 Shtator, 2023 by Kult Plus

Delegacioni u prit nga zëvendëspresidenti i Akademisë së Shkencave të Lituanisë, prof. Zenonas Dabkevičius, dhe më pas vizituan së bashku Universitetin e Vilniusit, ku u takuan me zëvendësrektoren dhe prorektoren për kërkime, prof. Edita Sužiedėlienė.

Gjatë takimit, të dyja palët shprehin interesin e lartë për bashkëpunime më të ngushta në të gjitha fushat studimore.

Vizita katërditore do të kulmojë sot me një mbledhje ceremoniale të Presidiumit të Akademisë së Shkencave të Lituanisë, ku do të mbahet ceremonia e nënshkrimit të marrëveshjes së bashkëpunimit ndërmjet Akademisë së Shkencave të Lituanisë dhe Akademisë së Shkencave të Shqipërisë.

Delegacioni përfaqësues i Akademisë së Shkencave të Shqipërisë vizitoi Qendrën e Shkencave të Jetës, ku u prit nga drejtori prof. Daumantas Matulis dhe prof. Aurelija Žvirbliene. Aty u njohën me funksionimin dhe organizimin e qendrës studimore që është një nga institucionet më të rëndësishëm kërkimoro-shkencore në Lituani.

Mbresëlënëse ishte edhe vizita në Institutin e Letërsisë dhe Folklorit Lituanez, ku në takimin me drejtoreshën prof. dr. Aušra Martišiūtė-Linartienė, u diskutua për prioritetin që i japin të dyja akademitë kombëtare të shkencave, përkatësisht albanistikës dhe lituanistikës, krahas shkencave të sakta./atsh/KultPlus.com

Zelensky befason ushtarët me një vizitë: Ne po shkojmë vetëm në një drejtim – atë të fitores

Posted on 14 Shtator, 202214 Shtator, 2022 by Kult Plus

Presidenti i Ukrainës, Volodymyr Zelensky, vazhdon që të befasojë të gjithë njerëzit anë e mbanë botës me guximin e tij, derisa një befasi u ka bërë edhe ushtarëve ukrainas, duke bërë një vizitë të paparalajmëruar, përcjell KultPlus.

Së fundmi është raportuar nëpër mediat ndërkombëtare se ofanziva e Ukrainës për të rikthyer tokat e pushtuara nga Rusia, po shkon me sukses.

Ukraina ka arritur që me ushtarët e saj të çlirojë qytetin e Iziumit, i cili ka një rëndësi të veçantë strategjikë në lindje të vendit.

Moska e kishte shfrytëzuar këtë qytet si një pikë për të dërguar përforcime në Donbas. Në atë rajon, tani skenaret kanë ndryshuar.

Rusët në masë të madhe po tërhiqen, kurse ukrainasit nuk kanë të ndalur me sulme të planifikuar deri në detajet më të vogla.

“Kur më herët shikonim lart, gjithmonë kemi dashur ta shohim qiellin e kaltër. Sot, po shikojmë lart, duam vetëm një gjë – flamurin e Ukrainës”, shkroi Zelensky në rrjetet sociale përbri fotografive nga vizita në Izium.

“Flamuri ynë verdhë e kaltër po valon mbi Iziumin, që dikur ishte i okupuar. Kështu do të jetë në çdo qytet dhe fshat të Ukrainës. Po shkojmë vetëm në një drejtim – atë të fitores”, tha ndër tjera presidenti ukrainas. /KultPlus.com

Kadare rikthehet në qytetin e lindjes: Është bërë si Parisi

Posted on 19 Dhjetor, 202119 Dhjetor, 2021 by Kult Plus

Padyshim njëri ndër shkrimtarët më të vlerësuar ndonjëherë në gjithë shqiptarinë, Ismail Kadare, ka vizituar së fundmi qytetin edhe ku ka lindur, Gjirokastrën, shkruan KultPlus.

Ministrja e Turizmit dhe Mjedisit, Mirela Kumbaro, i shoqëroi familjen e Kadares, ku u shëtitin në gjithë qytetin për të parë se sa i bukur ishte aty, sidomos me zbukurimet e fundvitit.

“Kënaqësia e patregueshme e shëtitjes mbrëmësore me shkrimtarët: Helena dhe Ismail Kadare. Bashkë me Flamur Golemin në sokakët e qytetit të gurtë me shkrimtarin që i kushtoi “Kronikën” më të bukur letrare Gjirokastrës së tij, Gjirokastrës time, Gjirokastrës sonë. Sa më pëlqen kur thotë: “Është bërë Gjirokastra si Paris” se rëndësi ka si i ndjen gjërat”, thekson Kumbaro.

Gjirokastra vitet e fundit ka pësuar një transformim rrënjësor. E njohur për shtëpitë e veta karakteristike, çatitë prej guri dhe muret e bardha, Gjirokastra është një nga pikat kryesore të turizmit në vend. Kalaja e gurtë dhe parku i Antigonesë vazhdojnë të ngelen më të preferuarat për t’u vizituar nga grupet turistike vendase dhe të huaja përgjatë guidave dhe udhëtimeve të tyre në zonën e Gjirokastrës.

Ismail Kadare, shkrimtar i madh i letrave shqipe dhe jo vetëm, lindi më 28 janar të vitit 1936 në Gjirokastër. Nga “Gjenerali i ushtrisë së vdekur”, që e bëri të njohur në gjithë botën, në “Daullet e shiut”, veprat e tij më të zhytura në natën e legjendës ballkanike janë “Kush e solli Doruntinën” apo “Ura me tri harqe” apo ato me frymëzime të së tashmes si “Tri këngë zie për Kosovën”.

Në vitin 1996, Kadare u pranua anëtar për jetë i Akademisë së Shkencave Morale dhe Politike në Francë. Në vitin 1992 u vlerësua me Prix Mondial Cino Del Duca; në 2005 fitoi Man booker International Prize dhe në vitin 2009 mori çmimin Prince of Asturias për Artet. Shkrimtari shqiptar Ismail Kadare ka fituar Çmimin “Jeruzalemi” për vitin 2015. Ai u konsiderua me këtë rast shkrimtari që i dha shprehje lirisë njerëzore në librat e tij.

Në 13 maj 2016, Presidenti i Republikës, Bujar Nishani i akordoi shkrimtarit të shquar “Dekoratën e Flamurit Kombëtar”. /KultPlus.com