Shfaqja e Teatrit Adriana “Gratë në Parlament” do të udhëtojë më 6 dhjetor në Tuniz të Afrikës për të marrë pjesë në një festival ndërkombëtar, shkruan KultPlus.
Suksesi i jashtëzakonshëm i premierës së sivjtme, kjo shfaqje do të udhëtojë për një festival ndërkombëtar.
Ekipi i Teatrit Adriana udhëton më datë 6 dhjetor, derisa shfaqja në këtë festival do të bëhet më 9 dhjetor.
Shfaqja pasqyron abuzime me pushtetin. Për shkak të qeverisjes së keqe nga burrat, gratë rebelohen dhe marrin pushtetin në dorë e tyre.
Në shfaqje luajnë: Vjosa Abazi, Mevlan Saraçi, Valdrin Osmani, Blin Sylejmani, Jajush Ramadani, Milot Salihu dhe Dora Xhemajli. /KultPlus.com
Dokumentari ”Hope” i realizuar nga Vjosa Abazi, është shpërblyer me dy çmime mujore në Festivalin Ndërkombëtar të Filmit ”Tagore” që mbahet në Indi, përcjell KultPlus.
Filmi është shpallur fitues i çmimeve Documentary film dhe Film On Woman.
Dokumentari i cili premierën e kishte në DokuFest-in e viti të kaluar, shpalos historinë e katër grave që i lidhin histori të ndryshme por një fat i përbashkët. Heroina që ndonëse të goditura si mos më keq nga fatkeqësia, mbajnë të freskëta rrëfimet e tyre. Nuk është historia e njëjtë ajo që i bashkon, por është shpresa që i mban të gjalla, ju jep kurajo dhe forcë për të vazhduar më tutje.
Dokumentari “Hope” sjellë rrëfimet dhe përditshmërinë e këtyre katër grave, Hajries, Ferdonijes, Valintinës e Makfiretes, i bënë të gjalla dhe njëherë historitë që nuk duhet të kalohen në heshtje. / KultPlus.com
Në një zhanër krejtësisht ndryshe nga e zakonshmja, nën zgavrën sfiduese e ambicioze të dramës dhe krimit, shpaloset një histori me plot të papritura që do i dhurojnë një kahje tjetër zhvillimit të ngjarjes duke e vendosur kështu kastën e aktorëve të jashtëzakonshëm në një rrugëtim sa argëtues po aq edhe drithërues, me rastin e nisjes së serialit më të ri vendor të titulluar ”Rrushe”, shkruan KultPlus.
Emri i serialit “Rrushe”, vjen nga vetë fakti që është shumë i kapshëm nga publiku ku edhe shumica e njerëzve të paktën një herë gjatë jetës së tyre e kanë thirrur një person të dashur në atë pseudonim. Ndërsa, emri i personazhit kryesor siç është Vesa, e që emrin e saj përkëdhelës ia ka vendosur gjyshi i saj, Faruk Pirulli, i cili njëkohësisht është personi i saj më i dashur, befas do të ndodhi një e papritur që do të ndërrojë kahjen e ngjarjes e për çka edhe do të zbulohet se jo rastësisht emri i serialit ka këtë titull.
Seriali “Rrushe”, është i vendosur në dy periudha kohore që ndërlidhen mes vete, të tashmen dhe fundin e viteve ’90 dhe përfshin familjen Pirulli si protagonistë kryesorë, një familje e zakonshme prishtinase, apo së paku kështu duken në sytë e të tjerëve. Vesa, vajza e familjes, punon si gazetare hulumtuese. Por, një e kaluar e errët, e mistershme dhe brutale, që gjenezën e kishte në bujari e mirësi, rikthehet që t’ua ndryshojë jetërat atyre që më së paku e meritojnë. E në udhëkryq të kësaj ngjarje gjendet Vesa, për të cilën koncepti i drejtësisë dhe dashurisë do të ndryshojë përgjithmonë.
Puna në serialin “Rrushe” kishte filluar para një viti, në kohën kur të gjithë ndodheshim në karantinë dhe ideja për realizimin ka lindur nga ekipi i ‘Gjirafa Studios’, ku pavarësisht situatës pandemike, produksioni ka ndikuar pozitivisht në mobilizimin, vullnetin dhe dëshirën që stafi të krijojë diçka. Kështu, ata çdo ditë kanë mbajtur mbledhje online duke diskutuar rreth historive së gjithë secilit që i kanë ndodhur përgjatë jetës së tyre.
Përmes këtyre historive të lexuara në njërën nga mbledhjet ku nuk ka munguar humori dhe emocionet që nuk njihnin fund, aktorët kanë njohur njëri-tjetrin më mirë dhe kështu ata kanë vendosur që të takoheshin me novelistin Jeton Kulinxha, të cilit i kishte pëlqyer energjia e ekipit dhe ka filluar të shkruante skenarin së bashku me Patrik Lekaj për realizimin e një projekti të tillë që besohet se do të lë gjurmë në vend. Pas shumë diskutimeve dhe takimeve që kanë ndodhur me Kulinxhin, skenari i episodit të parë ka gjetur vend në një periudhë kohore qysh nga muaji qershor e deri në tetor.
Seriali deri më tani përmban gjithsej dy sezone me nga 10 episode, ku deri më tani janë shkruar rreth 17 episode dhe ekipi gjendet në përfundim të xhirimeve për episodet 6-10. Ndërsa, për ekzistencën e sezoneve të radhës do të vendos publiku i cili mbetet të vulos jetëgjatësinë e këtij seriali.
Për herë të parë në vend ‘Gjirafa’, sjell një veçanti të bukur ku grumbullon një kast të mrekullueshëm, mbi 80 aktorë të cilët përmes serialit do të trajtojnë tema si: krimi, korrupsioni, ndikimi i familjes tek fëmijët, roli i gruas në shoqëri, zhvillimi i karrierës, bullizmi në shkolla dhe më gjerë, tradhtia, çrregullimet mendore e shumë tema tjera për të cilat besohet se do të kenë një ndikim tek audienca.
Ky serial përfshin aktorët si: Doresa Rexha, Shkumbin Istrefi, Aurita Agushi, Andi Bajgora, Lum Veseli, Ema Koxha, Xhevat Qorraj, Armend Smajli, Eshref Durmishi, Qëndresa Jashari, Bislim Muçaj, Arta Muçaj, Agron Shala, Labinot Raci, Enver Petrovci, Ernest Malazogu, Adriana Matoshi, Çun Lajçi, Ermal Sadiku, Adrian Morina, Basri Lushtaku, Semira Latifi, Afrim Muçaj, Bujar Ahmeti, Allmir Suhodolli, Adelina Halitjaha, Eden Kastrati, Lurni Krasniqi, Donikë Ahmeti, Berat Pllana, Xhelal Haliti, Artiola Hamdia, Erta Leci, Vjosa Abazi, Shkëlqim Islami, Nexhat Xhokli, Mikel Markaj, Kastriot Saqipi, Gojrat Kqiku dhe Dashuri Rexhepi.
Prodhimi nga Gjirafa Studios sjell këtë serial me regji nga Valter Lucaj, me skenar nga Jeton Kulinxha dhe Patrik Lekaj, producente Doresa Rexha, menaxhere e produksionit Adele Gjoka, skenografia nga Enes Sahiti, drejtor i fotografisë Burim Tufa, inxhiner i zërit Gëzim Berisha, muzika nga Samer Agolli, kostumografia nga Bahtije Krasniqi, montazhi dhe ngjyrat nga Kreshnik Shala.
Valter Lucaj, regjisori i këtij serali, ka treguar për KultPlus se para pranimit të skenarit të parë për serialin ”Rrushe”, për shkak të pandemisë ai ndodhej në një periudhë të vështirë me ‘GjirafaStudios’, ku ekipit i ka ndryshuar tërësisht mënyra e të menduarit dhe punuarit.
“Gjatë gjithë procesit për projektet që ishim duke i zhvilluar në përputhje me rrethanat e reja, në të njëjtën kohë ishim duke u munduar që të vinim deri tek ideja për të sjell diçka më ndryshe, më sfiduese dhe ambicioze. Kur e kemi lexuar dhe diskutuar rrjedhën e historisë së Rrushe-s, së bashku me vizualizim në kokën time, më ka dhuruar emocione por edhe një ndjenjë që seriali do të jetë njëri ndër projektet më të veçanta për mua dhe ashtu po del të jetë”, tha Lucaj.
Regjisori po ashtu ka theksuar se që nga fillimi i prodhimit të serialit, ata kanë pasur qëllime të sakta që të tejkalohet kualiteti ku edhe Kosova si vend të radhitet për prodhime me kualitet të lartë duke u krahasuar jo vetëm me Ballkan por edhe tutje.
“Mesazhin të cilin e përçojmë me temat e trajtuara në këtë projekt, është që t’i mbledhim aktorët e mirënjohur në një vend duke i dhuruar kështu vlerë audiencës”, thotë Lucaj.
Sipas tij, bashkëpunimi i jashtëm me Gjirafën dhe puna në këtë kompani e ka intriguar regjisorin mjaft shumë duke pasur parasysh risitë që kanë sjell në treg dhe përkushtimin e tyre në fusha të caktuara. Prandaj, duke u bazuar në atë eksperiencë, para dy vjetëve Lucaj i është bashkangjitur ekipit të Gjirafës si producent ekzekutiv dhe regjisor duke realizuar kështu qëllimin e tij për prodhimin e një seriali me këto përmasa.
Regjisori tutje ka theksuar se vështirësitë gjatë procesit kanë qenë të shumta për shkak të projektit sfidues. Ndërkaq, për procesin e punës në tërësi ka thënë se deri tani është shumë i kënaqur me komplet punën ekipore e sidomos për dashurinë dhe vullnetin e tyre, me ç’rast puna është duke shkuar për mrekulli dhe për regjisorin konsiderohet një privilegj që po punon me secilin nga ata.
“Vështirësi ka pasur duke pasur parasysh situatën pandemike, pastaj projekti është sfidues dhe si ekip na ka frikësuar dhe shpesh herë i kemi krijuar vështirësi vetes sepse projekti është ambicioz. Por, vështirësi ka qenë edhe besimi në një projekt të tillë, menaxhimi i një ekipi kaq të madh por gjithsesi ekipi, dashuria dhe vullneti për të krijuar këtë projekt i kanë lehtësuar të gjitha punët”, shpalos regjisori.
Për Lucaj, përzgjedhja e aktorëve nuk ka qenë proces i lehtë sepse seriali ka personazhe të shumta prandaj edhe për disa role të caktuara janë mbajtur audicionet dhe për disa të tjerë janë ftuar aktorët pasi që Kosova nuk është vend i madh dhe nga puna e tij disa vjeçare, ai ka punuar edhe më herët me shumicën prej tyre.
Gjithashtu, ai ka folur edhe rreth provave për këtë serial që trajton tema dhe ngjarje të ndryshme prandaj edhe kasta e aktorëve janë të ndarë në bazë të ngjarjeve dhe provat mbahen në grupe të caktuara, gjithmonë duke pasur parasysh masat e shtruara.
”Veçantia më e madhe e ‘Rrushe’, është trajtimi, xhirimi dhe mënyra se si është duke u krijuar seriali me një ekip i cili mundohet të dhuroj gjithçka nga vetja, vetëm e vetëm që ky serial të realizohet në mënyrën më të mirë të mundshme. Performanca dhe përkushtimi i aktorëve janë një tjetër veçanti sepse është projekti i parë ku këta aktorë janë në një vend”, përfundon Lucaj për KultPlus.
Ndërsa, Doresa Rexha, producentja e këtij seriali dhe njëkohësisht edhe aktore, ka treguar për KultPlus se ‘Rrushe’ është projekti që e ka sfiduar atë më së shumti deri më tani e edhe nga i cili ka mësuar më së shumti.
“Sinqerisht, kur lexova titullin “Rrushe”, e paragjykova paksa, por pasi që e lexova u binda për të 500 herë që libri nuk gjykohet nga kopertina. Më ka pëlqyer jashtëzakonisht shumë dhe frikësuar deri në palcë”, thotë Rexha.
Sipas saj, duke pasur parasysh përgjegjësinë e madhe brenda ekipit të Gjirafa Video, së bashku me themeluesin e kompanisë Gjirafa, Mërgim Cahani është vendosur kërkimi për profesionistë të duhur për pozita të caktuara ku kështu janë takuar edhe me regjisorin Lucaj.
“Duke e njohur punën e Valterit, përkushtimin dhe pasionin për profesion sigurisht që ai e kishte vendin në ‘Gjirafë’. Pa Valterin si regjisor dhe pa ekipin si Adele, Kiqa, Fisi, Giza, Trashegimi, Patriku, Bled, Edon, Frasher, Bahtie, Driton, Atdhe, Besnik, Leona dhe Jeton nuk do të mundësohej ky serial”, tregon ajo.
Për Rexhën, ka qenë e vështirë menxhaimi si producente dhe aktrimi në xhirime por që dashuria, pasioni, përkushtimi dhe ndihma e regjisorit dhe ekipit, e ka bërë të mundur këtë arritje. Por edhe pse e vështirë, ajo këtë proces e ka cilësuar si njëri ndër më të bukurit që ka përjetuar ndonjëherë.
“Ekipi i GjirafaStudios jo që nuk kanë kursyer asgjë nga vetja e tyre por i kanë tejkaluar edhe limitet e tyre. Prandaj, ndjehem e nderuar dhe e privilegjuar që po bashkëpunoj më të gjithë aktorët e sidomos me: Xhevat Qorraj, Çun Lajçi, Enver Petrovci dhe Bislim Muçaj”, tregon Rexha për KultPlus.
Krejt në fund, ajo është shprehur se dashuria për profesionin dhe profesionalizmi i tyre janë shkollë për aktorë dhe të gjithë këta aktorë janë vlerë e serialit prandaj ajo ndjehet me fat që i kanë besuar këtij projekti.
Sa i përket aktorëve, dy nga ata si: Afrim Muçaj dhe Aurita Agushi, tashmë janë pjesë e serialit dhe aktualisht ndodhen në përfundim të xhirimeve.
“Ishte ftesa e producentes Doresë Rexha, e cila me prezantimin e projektit “Rrushe” në formën më të mirë të mundshme, nuk më la zgjidhje tjetër pos ti bashkohem këtij produkti ambicioz dhe shumë interesant. Pastaj, pa dyshim që ishte nder për mua ti bashkohem regjisorit Valter Lucaj dhe gjithë kastës fantastike që ka përzgjedhur ai”, thotë Mucaj.
Sipas tij, tema e serialit është njëra ndër pikat më të forta. Trajtimi dhe guximi i një teme të tillë konsiderohet maja e arsyejës që mblodhi këta aktorë ku së bashku me skenarin e mirë, regjisorin dhe produksionin profesional është menduar se ”Rrushe” do të jetë shumë e bukur për publikun.
Roli i aktorit Muçaj është menduar të jetë mjaft interesant dhe atraktiv për publikun duke pasur parasysh që nuk është i lehtë për tu interpretuar.
“Bashkim Pirulli, vëllai i vogël i familjes së madhe Pirulli, të cilin e luaj, është një personazh atdhetari i cili bashkë me “Lëvizjen Qëndresa” në krye me Mixhen Zekë (të cilin e qëndisë aktori Çun Lajçi), mundohemi për disa episode ti ofrojmë publikut pamje të atdhedashurisë dhe kontributit të shumë brezave të viteve të 90-ta, që kontribuuan në mundësinë qe ne sot të xhirojmë të lirë ‘Rrushen”’, tregon ai për KultPlus.
Për Muçaj, si çdo punë serioze dhe profesionale siç është edhe ky produkt, do të haset në pengesa gjatë rrugës por që gjithsesi ata po punojnë me një qejf të madh duke arritur synimin që ky produksion ka.
“Jam shumë i lumtur që po punoj me regjisorin Lucaj sepse energjia e tij e madhe pozitive dhe profesionalizmi ekstre, të fut në përgjegjësi të mëdha”, përfundon Muçaj për KultPlus.
Kurse, për aktoren Aurita Agushi, ftesa për të qenë pjesë e serialit ka ardhur nga vetë regjisori i cili ka punuar edhe më herët me aktoren e për çka ajo nuk ka hezituar as edhe një sekondë që të bëhet pjesë e serialit.
“Që në bisedën e parë shihej qartë se bëhej fjalë për një projekt shumë premtues që do të na bëjë krenarë të gjithëve dhe jo vetëm neve por edhe ata që do e shikojnë serialin”, tregon Agushi.
Sipas saj, kur bëhet fjala për një projekt kaq të madh, vështirësitë nuk mungojnë. Pandemia konsiderohet si vështirësia më e madhe por që me një organizim dhe profesionalizëm të jashtëzakonshëm nga ‘Gjirafa’, çdo gjë ka qenë më e lehtë për të.
Agushi do të luaj rolin e Merita Pirullit, bashkëshorte dhe nëna e tre fëmijëve. Merita është një profesoreshë arti e cila përballet me shumë sfida si në jetën personale ashtu edhe ne atë profesionale.
“Seriali është përditshmëria jonë ku secili prej nesh do ta gjejë veten në personazhet dhe skenat e Rrushe-s. Mesazhi është që secili prej nesh duhet të bëjë pjesën e tij që Kosova të jetë vendi për të cilin të gjithë ëndërrojmë dhe duam ta shohim ashtu siç e ëndërrojmë”, përfundon Agushi për KultPlus.
”Rrushe” është seriali më i ri vendor i cili vjen premierë sonte dhe mund të ndiçet çdo të diel nga ora 20:00 në T7 si dhe online në GjirafaVideo.
Ndërkaq, disa nga pritshmëritë e ekipit janë që ky projekt të mirëpritet nga publiku as më shumë e as më pak nga sa kanë punuar e munduar ata, fillimi dhe krijimi i një projekti ku çdo anëtar të jetë krenar për punën e tij si dhe është cilësuar se ”Rrushe”, është projekti më serioz dhe më i madhi ndonjëherë në të gjitha trevat ku flitet shqip. Prandaj, për “Rrushe“ do të flitet gjithandej./ KultPlus.com
Dokumentari ‘Hope’ i realizuar nga Vjosa Abazi, ka fituar çmimin ‘Best Cast’ në Amsterdam World International Film Festival, shkruan KultPlus.
Dokumentari i cili premierën e kishte në DokuFest-in e këtij viti, shpalos historinë e katër grave që i lidhin histori të ndryshme por një fat i përbashkët. Heroina që ndonëse të goditura si mos më keq nga fatkeqësia, mbajnë të freskëta rrëfimet e tyre. Nuk është historia e njëjtë ajo që i bashkon, por është shpresa që i mban të gjalla, ju jep kurajo dhe forcë për të vazhduar më tutje.
Dokumentari “Hope” sjellë rrëfimet dhe përditshmërinë e këtyre katër grave, Hajries, Ferdonijes, Valintinës e Makfiretes, i bënë të gjalla dhe njëherë historitë që nuk duhet të kalohen në heshtje. / KultPlus.com
Dokumentari ‘Hope’ i realizuar nga Vjosa Abazi, ka arritur të hyjë në mesin e finalistëve në Festivalin Ndërkombëtar të Filmit ‘Golden Beggar’, festival ky i cili zë vend në Sllovaki, shkruan KultPlus.
Dokumëntari i cili premierën e kishte në DokuFest-in e këtij viti, shpalos historinë e katër grave që i lidhin histori të ndryshme por një fat i përbashkët. Heroina që ndonëse të goditura si mos më keq nga fatkeqësia, mbajnë të freskëta rrëfimet e tyre. Nuk është historia e njëjtë ajo që i bashkon, por është shpresa që i mban të gjalla, ju jep kurajo dhe forcë për të vazhduar më tutje.
Dokumentari “Hope” sjellë rrëfimet dhe përditshmërinë e këtyre katër grave, Hajries, Ferdonijes, Valintinës e Makfiretes, i bënë të gjalla dhe njëherë historitë që nuk duhet të kalohen në heshtje. / KultPlus.com
Katër gra, katër histori të ndryshme me një fat të përbashkët, heroina që ndonëse të goditura si mos më keq nga fatkeqësia, mbajnë të freskëta rrëfimet e tyre. Nuk është historia e njëjtë ajo që i bashkon, por është shpresa që i mban të gjalla, ju jep kurajo dhe forcë për të vazhduar më tutje. Dokumentari “Hope” sjellë rrëfimet dhe përditshmërinë e këtyre katër grave, Hajries, Ferdonijes, Valintinës e Makfiretes, i bënë të gjalla dhe njëherë historitë që nuk duhet të kalohen në heshtje, shkruan KultPlus.
Ndonëse ishte ditë dimri dhe acari kishte filluar që të mbulonte rrugët, Janari i vitit 2017 kishte gjetur personazhet dhe ekipin e këtij dokumentari brenda mureve të Kalasë së Prizrenit. Siç e përshkruan Vjosa Abazi, regjisorja e këtij dokumentari, temperatura tashmë kishte kaluar nën zero gradë celsius. Xhirimet që filluan nga fundiviti i 2016-ës zgjatën diku rreth 3 vite për të përfunduar po në ftohtësinë e muajit të festave, Janarit të këtij viti.
Dokumentari “Hope” që përkthyer në gjuhën shqipe do të thotë “Shpresë”, do të ketë premierën në edicionin e 19-të të Festivalit Ndërkombëtar të filmit “DOKUFEST”. Madje ky dokumentar tashmë ka arritur që në këtë festival të jetë në konkurrencë kombëtare.
Regjisorja e këtij dokumentari Vjosa Abazi, në një intervistë për KultPlus ka thënë se vendi jonë duhet të promovohet e të njihet nga vendet e tjera të botës nëpërmjet forcës së gruas shqiptare.
“Ne shohim shumë dokumentare të vendeve të ndryshme të botës të cilët promovojnë vendin e tyre, në forma të ndryshme. Edhe vendi ynë do të prezantohet përmes këtyre storieve dhe do të njihet edhe më shumë në vendet e botës e sidomos forca e gruas shqiptare”, ka deklaruar ajo.
Abazi thotë se jeta e personazheve të këtij dokumentari është e veçantë dhe nuk duhet të kaloj në heshtje, pasi që ne përmes tyre mësojmë për periudha të ndryshme të jetës në vendin tonë.
Ajo ka shtuar se do të ndjehej njeriu më i lumtur në botë në qoftë se dëshira dhe ëndrra e secilit personazh do të realizohet pas publikimit të këtij dokumentari. Por, sipas saj sikur gjërat në vendin tonë të funksionin siç duhet atëherë këto katër gra tashmë do të kishin një jetë më ndryshe.
“Do të isha njeriu më i lumtur në botë që dëshira e tyre të realizohet pas prezantimit të dokumentarit. Po të funksiononte çdo gjë mirë dhe me rregull në vendin tonë atyre deri më tani është dashur t’ju ndryshoj jeta”, ka shtuar Abazi.
Ndërkaq kur flet për suksesin e dokumentarit, Abazi deklaron se ajo dhe çdo person tjetër që ka punuar në këtë dokumentar e ka bërë me qëllim që të ndikojnë dhe të pëlqehet nga audienca, por gjithashtu dhe jurisë së festivalit.
Vjosa Abazi tregon se dokumentari “Hope”, festivalin ndërkombëtarë të filmit “DokuFest” e ka vetëm rrugë të fillimit, pasi që ky dokumentar do të udhëtoj edhe nëpër festivale tjera.
“Po besoj që dokumentari do të udhëtoj edhe në festivale të tjera, DokuFest-i është veç fillimi”, ka përfunduar intervistën kështu Abazi. / KultPlus.com
“18 vjet pas luftës, vrasësit e gazetarëve kosovarë janë në liri”, është një ndër pamjet e para të dokumentarit që përmban fytyrat e Bekim Kastratit, Bardhyl Ajetit, Enver Malokut e Shefki Popovës, Ali Ukës e Kristë Gegës, të cilëve edhe u dedikohet ky dokumentar.
Gili Hoxhaj
Dje është mbajtur një event i titulluar”Fjala e lirë, vështirësitë ndaj fjalës së lirë, si dhe përgjegjësia ndaj saj” në Qendrën Informative dhe Kulturore të BE- së, në kuadër të së cilës janë shpalosur edhe disa aktivitete, shkruan KultPlus.
Një vajzë dhe një djalë të ulur pranë të pranishmeve qëndrojnë mes mendimeve të cilat i hedhin në bllokun e tyre, që simbolizon bllokun e gazetarit. Të dy fillojnë dialogun e tyre njëzëri mes pyetjeve të shumta, që lidhen me varfërinë, për pushtetin, diplomat fallco, studentët që s’mund të gjejnë punë, e shumë premtime që kurrë nuk realizohen. Të gjitha pyetjet e tyre ngecin kur personazhi i tretë i veshur në kostum kap duart e personazhit që përfaqëson gazetaren, e në anën tjetër mbyll gojën e gazetarit. E gjithë kjo si pikënisje për të treguar cenzurën dhe gjendjen në të cilën po ecën gazetaria në Kosovë.
Pas kësaj paraqitje artistike, e gjithë vëmendja drejtohet tek dokumentari i realizuar nga Vjosa Abazi.
“18 vjet pas luftës, vrasësit e gazetarëve kosovarë janë në liri”, është një ndër pamjet e para të dokumentarit që përmban fytyrat e Bekim Kastratit, Bardhyl Ajetit, Enver Malokut e Shefki Popovës, Ali Ukës e Kristë Gegës, të cilëve edhe u dedikohet ky dokumentar. Janë rrëfimet e disa nga gazetarëve më të njohur të cilët përcjellin këtë dokumentar duke shpalosur disa nga përvojat e tyre lidhur me lirinë e fjalës dhe sfidat që ata kanë hasur në këtë rrugëtim.
Në këtë dokumentar janë të përfshira rrëfimet e themelueses së gazetës online për art dhe kulturë- KultPlus, Ardianë Pajaziti, analistit Imer Mushkolajt, redaktores së lajmeve në Radio Kosova- Serbeze Haxhiajt, Anita Kadriut, gazetarë në gazetën “Zëri” dhe Xhymret Veliut- kryeredaktor në RTK.
Ata shpalosen disa nga përvojat e tyre në mediume dhe kohë të ndryshme, që nga koha e regjimit serb, në kohën e pasluftës e deri tek ditët e sotme.
I gjithë ky aktivitet u përcoll edhe me një panel diskutimi të udhëhequr nga Arta Berisha, ku u bisedua lidhur me zhvillimin teknologjik dhe përdorimin e mediave, në këtë panel ishin të ftuar IgballeRexhaj ish-gazetare në revistën “Rilindja” dhe Petrit Çollaku nga AGK-ja.
Asociacion i Gazetarëve të Kosovës së fundmi ka publikuar “Tregues për nivelin e lirisë së mediave dhe sigurisë së gazetarëve”. Çollaku gjatë këtij diskutimi tregoi se ky raport e nxjerrë disa të dhëna statistikore të cilat e paraqesin një situatë e cila e nxjerrë gazetarinë si një “punë të pasigurt”.
“Gazetarët nuk ndihen mirë në forma të ndryshme, raporti në veçanti është fokusuar në çështjen e mbrojtjes së gazetarëve. Po ashtu këtu hyn edhe kushtet pasi që industria po shkon në një orientim biznesi. Po thuajse gjysma e gazetarëve janë të lirë për të propozuar tema, mirëpo redaktorët janë ata që fokusojnë orientimin e temave ndërsa në anën tjetër del edhe një problem tjetër që lidhet me praktikantët, ku nuk mund të inkurajohen gazetarët e rinj për të vazhduar karrierën pasi që pothuajse punojnë për pesë-gjashtë muaj si praktikante dhe vetëm më pas u dhurohet një pagë minimale”, tha mes të tjerash Çollaku.
Në mesin e shumë problemeve dhe sfidave në të cilat kalojnë gazetarët Çollaku po ashtu theksoi edhe mungesën e sindikatave për të trajtuar problemet e gazetarëve, përveç dy sindikatave në kuadër të RTK-së. Ndërsa lidhur sulmet dhe kërcënimet ndaj gazetarëve, ai po ashtu theksoi edhe mosndëshkueshmerinë e rasteve nga gjykatat.
Igballe Rexhaj e cila profesionin e gazetarisë e kishte ushtruar gjatë kohës së represionit serb, e ndihet me fat që ka qenë raportuese në atë kohë pasi që thotë e ka arritur t’i shërbej publikut edhe duke raportuar shpesh mes plumbash, e përndjekjeve të policisë.
“Mendoj që kohën kur unë kam punuar kam hyrë në “Rilindja” në vitin 1987, pra e kam përjetuar edhe periudhën para viteve të 90’ta dhe më pas edhe gjatë periudhës represive. Për mua ka qenë fat që të punoj në atë kohë sepse kam pasur mundësi që të jem afër popullit tim dhe të jem afër ngjarjeve që ndodhnin në atë kohë. Kudo që ka ndodhur diçka kam qenë pjesë e atyre ngjarjeve, madje nuk më ka munguar as edhe guximi të raportoj mes plumbave dhe në përndjekje të policisë sepse e ke ndjerë edhe obligim ndaj popullit tënd”, tha Rexhaj gjatë këtij diskutimi.
Ndërsa redaktorja SerbezeHaxhiaj thotë se problemet me të cilat përballën gazetaria kanë bërë që gazetarët sot të paraqiten më shumë si “shërbyes medial”. “Numri i sulmeve, mendoj që nuk është matës i mirë dhe sot gazetarët nëse nuk vriten në mënyrë klasike, ata shtypen çdo ditë në mënyrën më mizore, shpesh përmes personave të tjerë që në shikim të parë janë të padukshme por që ndikojnë në raportimin dhe frymën e përgjithshme të lirisë”, ka thënë Haxhiaj gjatë këtij diskutimi.
I gjithë ky projekt u shënua në kuadër tëgjashtëmbëdhjetëditëve të aktivizimit kundër dhunës, ndërsa projekti është mbështetur nga Ministria e Kulturës Rinisë dhe Sporteve në Kosovë. /KultPlus.com
