Etiketë: Vjosa Osmani

Vjosa Osmani kërkon hetim rigoroz për dhunimin e 11 vjeçares

Posted on by Kult Plus

Gjatë ditës së sotme është raportuar për një vajzë që dyshohet se është dhunuar nga pesë burra në Prishtinë, shkruan KultPlus.

Për rastin ka reaguar edhe presidentja Vjosa Osmani, duke thënë se ky është një akt çnjerëzor, e duke kërkuar hetim rigoroz dhe përgjegjësi para ligjit për kryesit e veprës.

Postimi i plotë:

“Tronditës akti çnjerëzor i dhunimit seksual të të miturës 11 vjeçe. Kërkoj një hetim rigoroz dhe përgjegjësi para ligjit për kryesit e veprës.

Me ashpërsinë dhe vendosmërinë më të madhe duhet ta përsërisim njëzëri se askush s’është mbi ligjin. Ligji duhet të jetë i ashpër me secilin keqbërës të tillë, e posaçërisht në rastet sikur ky kur cak i dhunimit janë fëmijët.

Dhunimi seksual sikurse edhe të gjitha format e dhunës ndaj vajzave e grave përbëjnë kërcënim për të gjithë dhe shpërfaqin një plagë serioze në shoqërinë tonë. Prandaj kryesit e këtyre veprave duhet të marrin përgjigjen e duhur dhe të menjëhershme nga organet e drejtësisë. Ne nuk duhet të lejojmë që vendi ynë të jetë i pasigurt për vajza e gra.

Për fat të keq, për vite me radhë, në raste të caktuara kemi parë mostrajtimin e barabartë të jetës së grave dhe të burrave, fajësimin e viktimës e jo të dhunuesit e deri të rastet me dënime edhe më të ulëta se sa ato që parashihen me ligj. E kjo, vetëm sa i ka inkurajuar keqbërësit e dhunuesit. Prandaj, kërkoj nga organet e drejtësisë që ta eliminojnë në tërësi seksizmin dhe pabarazinë në vendimet gjyqësore si dhe nga institucionet e sigurisë që të rrisin nivelin e mbrojtjes për vajzat e gratë që janë viktima të dhunës. Është koha poashtu, që të procedojmë me ndryshime legjislative që ashpërsojnë edhe më tej dënimet ndaj dhunuesve.

Është përgjegjësi e jona kolektive të kujdesemi që të gjithë fëmijëve t’u garantojmë fëmijëri të dinjitetshme dhe të eliminojmë dhunën mbi baza gjinore”, thuhet në postimin e Vjosa Osmanit. /KultPlus.com

Marrëveshja Kosovë – Serbi për dokumentet, Osmani: Reciprocitet e barazi

Posted on by Kult Plus

Presidentja e Kosovës, Vjosa Osmani, ka reaguar pas arritjes së marrëveshjes mes Kosovës e Serbisë për dokumetet.

Osmani përmes një postimi në Facebook ka thënë se Liria e lëvizjes ështe themeli i shoqërive demokratike e i vlerave evropiane.

KultPlus ua sjell postimin e plotë:

Reciprocitet e barazi.

Liria e lëvizjes ështe themeli i shoqërive demokratike e i vlerave evropiane. Republika e Kosovës çdo ditë e më shumë po kontribuon në paqe dhe stabilitet.

Falenderime Shteteve të Bashkuara të Amerikës dhe Bashkimit Evropia për rolin e tyre mbështetës.

Do të vazhdojmë  pandalshëm angazhimin drejt njohjes reciproke./ KultPlus.com

Osmani: Potencova se Kosova do të vazhdojë të jetë e përkushtuar në procesin e dialogut, duke kontribuar për paqe dhe stabilitet në vend

Posted on by Kult Plus

Ka përfunduar takimi mes presidentes së Kosovës, Vjosa Osmani dhe emisarit special amerikan për Ballkanin Perëndimor Gabriel Escobar.

Më poshtë gjeni statusin e plotë të Presidentes Vjosa Osmani:

Në takim me të dërguarin e posaçëm të Shteteve të Bashkuara për Ballkanin Perëndimor, Gabriel Escobar, potencova se Kosova do të vazhdojë të jetë palë konstruktive, e barabartë dhe e përkushtuar në procesin e dialogut, duke kontribuar për paqe dhe stabilitet në vend dhe rajon.

Institucionet tona janë në komunikim dhe koordinim të vazhdueshëm me partnerët tanë ndërkombëtar dhe çdo vendim i yni reflekton frymën kushtetuese të vendit tonë dhe vlerat tona demokratike.

Partnetiteti ynë me SHBA-të vazhdon të jetë qenësor. 🇽🇰🇺🇸 / KultPlus.com

Rita Ora pasi nëna e saj u takua me presidenten Osmani: Dy inspirimet e mia në një dhomë

Posted on by Kult Plus

Sot, presidentja e Kosovës, Vjosa Osmani, ka pritur Vera Orën, nënën e këngëtares shqiptare me famë botërore, Rita Ora, përcjell KultPlus.

 “E nderuar të takohem dhe të diskutoj me Presidenten e Kosovës, Vjosa Osmani”, ka shkruar Vera Ora pas takimit me presidenten, duke njoftuar se një prej çështjeve për të cilën ato kanë diskutuar ka qenë ajo e shëndetit mendor.

E pas këtij takimi ka reaguar edhe vetë këngëtarja Ora.

“Dy inspirimet e mia në një dhomë” ka shkruar Rita Ora bashkëngjitur me fotografinë nga takimi i nënës së saj më presidenten Osmani./ KultPlus.com

Presidentja Osmani pret në takim nënën e Ritës, Vera Orën

Posted on by Kult Plus


Presidentja Vjosa Osmani, ka pritur në takim Vera Sahatçiu-Orën nënën e këngëtares Rita Orës.

Ka qenë psikiatrja Sahatçiu-Ora, që ka publikuar në InstaStory disa fotografi nga takimi.

“E nderuar të takohem dhe të diskutoj me Presidenten e Kosovës, Vjosa Osmani”, ka shkruar Vera në mbishkrimin e fotografisë së saj.

Tutje, ajo ka rishpërndarë edhe një tjetër imazh të publikuar nga këshilltarja e presidentes, ku ndër të tjerash Sahatçiu – Ora shkroi: “Ne duam, shpërndajmë dhe ndërtojmë eksperienca të reja me Presidenten e Kosovës”.

Ajo do të jetë në kryqytetin shqiptar, në Tiranë më 6 shtator për një koncert të madh në sheshin “Skënderbej. /KultPlus.com

Presidentja Osmani ia dorëzoi “Urdhrin Hero i Kosovës”, familjes së heroit Sali Çekaj

Posted on by Kult Plus

Presidentja e Republikës së Kosovës, Vjosa Osmani, ia ka dorëzuar “Urdhrin Hero i Kosovës”, familjes së heroit të kombit, Sali Çekaj, të cilin ia kishte ndarë ish-presidenti i Kosovës, Ibrahim Rugova, në vitin 2005.

Në një ceremoni me familjarë të heroit Sali Çekaj, Presidentja Osmani ka theksuar se kontributi i tij ishte i jashtëzakonshëm dhe shtrihej në shumë kohë e drejtime.

“Një jetë e tërë në shërbim të kombit dhe atdheut. Sali Çekajn e gjejmë në ballë të betejave për organizimin e jetës institucionale dhe rezistencës ndaj pushtimit të Kosovës gjatë fillimit të viteve të 1990-ta. Pas largimit nga Kosova për t’i shpëtuar arrestimit nga regjimi pushtues i Serbisë, Sali Çekaj dha një kontribut të pashoq në organizimin e diasporës shqiptare dhe në sensibilizimin e çështjes së Kosovës në Evropën Perëndimore”, ka theksuar Presidentja Osmani.

Sipas saj, ai ka pasur rol qendror në organizimin e rezistencës së armatosur për liri dhe pavarësi të Kosovës, që në fillet e para të organizimit institucional të formacioneve të armatosur të Republikës së Kosovës dhe në organizimin dhe shtrirjen e Ushtrisë Çlirimtare të Kosovës.

“Sali Çekaj ka organizuar dhe drejtuar me shkathtësi dhe trimëri disa nga betejat më të lavdishme të Ushtrisë Çlirimtare të Kosovës, deri në rënien e tij heroike, në betejën e Koshares”, theksoi Presidentja Osmani.

Ndërkaq familjarë të heroit Sali Çekaj falënderuan Presidenten Osmani për respektin jo vetëm ndaj heroit, por edhe të luftës çlirimtare./ KutlPlus.com

Osmani pas tragjedisë në Cetine: Qëndrojmë me njerëzit e Malit të Zi në këtë moment pikëllimi

Posted on by Kult Plus

11 persona kanë mbetur të vdekur në Cetine të Malit të Zi pasi një person pas një konflikti familjar ka dalë në rrugë dhe ka qëlluar edhe kalimtarët, përcjell KultPlus.

Pas tragjedisë në Mal të Zi ka reaguar edhe presidentja e Kosovës, Vjosa Osmani, e cila i ka ngushëlluar familjarët dhe u ka uruar shërim të shpejtë të lënduarve.

“E pikëlluar nga lajmi për të shtënat masive sot në Cetine të Malit të Zi.
Duke dërguar ngushëllimet më të sinqerta për gjukanoviq, familjet që humbën të dashurit e tyre dhe u uroj shërim të shpejtë të lënduarve.
Ne qëndrojmë me njerëzit e Malit të Zi në këtë moment pikëllimi.”, ka shkruar Osmani./  KultPlus.com

Artistja Fitore Berisha Alisdottir ftohet nga Presidentja Osmani, diskutohet për ndikimin e artit

Posted on by Kult Plus

Artistja Fitore Berisha Alisdottir është ftuar nga Presidentja Vjosa Osmani për të diskutuar rreth ndikimit të artit që mund të ketë për përmirësim të vazhdueshëm, shkruan KultPlus.

Artistja Berisha e cila së fundmi ka realizuar një mural nën titullin “Andrrat e thyera”, mural ky që i dedikohet grave dhe vajzave që u vranë nga burrat, gjithashtu ia ka bërë një dhuratë Presidentes Osmani.

Ajo me këtë rast ka realizuar një vepër të cilën e ka punuar duke u bazuar në metodat tradicionale të leshit që janë përdorur me shekuj në vendin tonë.

“Presidentja e Kosovës Vjosa Osmani më ftoi të diskutojmë ndikimin që mund të ketë arti për përmirësim të vazhdueshëm. Ajo pranoi dhuratën time për të, një vepër të cilën e punova duke u bazuar në metodat tradicionale të leshit që janë përdorur me shekuj në vendin tonë”, ka shkruar Berisha në rrjetet sociale. / KultPlus.com

Mediat ndërkombëtare në fokus qëndrimin e Dua Lipës në Kosovë, shkruajnë edhe pas shpalljes ‘Ambasadore Nderi e Republikës së Kosovës’

Posted on by Kult Plus

“Sunny Hill Festival” i cili u mbajt këto ditë në Prishtinë, solli yllin Dua Lipa në Kosovë ku përveç se performoi në natën e parë të festivalit, Lipa realizoi edhe shumë takime e vizita në vendin e saj të lindjes.

Performanca e saj e zjarrtë bëri që për të të shkruajnë edhe mediat ndërkombëtare të cilëve nuk ju iki edhe një lëvizje tjetër e Duas në Kosovë.

Gjatë këtyre ditëve të qëndrimit të saj në vendlindje, Lipa u nderua me titullin Ambasadore Nderi e Republikës së Kosovës nga presidentja Vjosa Osmani.

“Dua Lipa është emëruar ambasadore nderi e Kosovës.”

Ndërkohë që këngëtarja e “Don’t Start Now” u rrit në Britaninë e Madhe, prindërit e saj janë shqiptarë të Kosovës dhe familja u kthyen në Prishtinë kur ajo ishte tetë vjeçe, menjëherë pasi Kosova shpalli pavarësinë”, thuhet në një pjesë të prestigjiozes Independent. / KultPlus.com

Dua Lipa: Është nder të prezantoj shtetin në mbarë botën, rinia e Kosovës meriton liberalizim të vizave

Posted on by Kult Plus

Gjatë ditës së djeshme, Dua Lipës, i është ndarë titulli Ambasadore Nderi e Kosovës nga Presidentja Vjosa Osmani, shkruan KultPlus.

Dua Lipa është shprehur shumë e nderuar që ka marrë këtë medalje presidenciale dhe ka shprehur këtë gëzim përmes një postimi në “Facebook”.

Postimi i plotë:

“Dje pasdite më është ndarë titulli Ambasadore Nderi e Kosovës nga Presidentja jonë Vjosa Osmani.Është nder dhe privilegj të jem në gjendje të përfaqësoj vendin tim në mbarë botën dhe të vazhdoj punën dhe përpjekjet e mia globalisht për të parë që ne të lëmë gjurmë dhe të bëjë një ndryshim. Rinia e Kosovës meriton të drejtën e liberalizimit të vizave, lirinë për të udhëtuar dhe për të pasur ëndrra të mëdha. Faleminderit”, thuhet në postimin e saj. /KultPlus.com

Dua Lipa nderohet me titullin Ambasadore Nderi e Republikës së Kosovës nga presidentja Osmani

Posted on by Kult Plus

Presidentja e Kosovës, Vjosa Osmani, sot ka nderuar këngëtaren kosovare me famë botërore, Dua Lipë, me titullin Ambasadore Nderi e Republikës së Kosovës, përcjell KultPlus.

Përmes një postimi në Facebook, Osmani tha se me këtë veprim e ka falënderuar atë në emër të të gjithë qytetarëve të Republikës së Kosovës për gjithçka që ka bërë dhe po bënë që zëri ynë të dëgjohet kudo në botë.

Postimi i plotë:

Sot, Dua Lipës, i ndava titullin Ambasadore Nderi e Republikës së Kosovës, sepse ajo vazhdon ta nderojë vendin tonë në çdo hap e çdo paraqitje. E falenderova, në emër të të gjithë qytetarëve të Republikës së Kosovës për gjithçka që ka bërë dhe po bënë që zëri ynë të dëgjohet kudo në botë.

Dua dhe Anda kishin kënaqësinë e veçantë ta takojnë super yllin tonë, ikonën e pop muzikës, e cila është shndërruar në inspirim e model për vajzat anekënd botës. Ajo po e shfrytëzon zërin dhe talentin e saj të jashtëzakonshëm, jo vetëm për t’i ofruar botës këngë që lënë gjurmë, por edhe për ta prezantuar imazhin më të mirë të Kosovës kudo në botë. Sot, për shkak të Duas, nuk ka njeri që nuk e njeh Kosovën, të cilën edhe kësaj radhe e ka bërë kryeqendër të kulturës botërore, nëpërmjet festivalit Sunny Hill.

Prandaj sot në Presidencë, së bashku me Prindonin dhe vajzat tona, kishim kënaqësinë që ta presim Duan së bashku me prindërit e saj, Dukagjinin dhe Anesën, për t’i falënderuar për këtë kontribut të madh për imazhin e Kosovës në botë si dhe për ta përsëritur mesazhin tonë të përbashkët për liberalizim të vizave për qytetarët e Kosovës, i cili njëherit është edhe moto e edicionit të sivjetëm të festivalit Sunny Hill.

Faleminderit Dua e mirëserdhe në shtëpi!/ KultPlus.com

Presidentja Osmani: Faleminderit Dua që po iu bashkohesh thirrjeve tona për liberalizimin e vizave

Posted on by Kult Plus

“Sunny Hill Festival” nisi mbrëmë ku si performancë kryesore ishte padyshim ylli Dua Lipa e cila me performancën e saj ka dalë jashtë çdo parashikimi të publikut.

Ndërsa, ditën e djeshme, festivali doli edhe me një thirrje të re për liberalizimin e vizave për Kosovën. Fushata nisi me moton “SETMEFREE” (Më lër të lirë).

Madje, Dua këtë e potencoi edhe dje në një konferencë për media, duke u shprehur se shpreson që kjo të ndodhë sa më shpejt.

Për këtë nismë, presidentja e Kosovës, Vjosa Osmani sot ka falënderuar artisten shqiptare përmes një postimi në llogarinë e saj në Instagram.

“Faleminderit Dua Lipa që po i bashkohesh thirrjeve tona kolektive për t’i dhënë qytetarëve tanë liberalizimin e vizave të vonuar prej kohësh”, ka shkruar Osmani.

Këtë postim të Osmanit e ka rishpërndarë edhe Dua Lipa. / KultPlus.com

Presidentja Osmani: Zonja Fahrie Hoti dhe kooperativa “Krusha” janë sinonim i ngadhnjimit dhe suksesit

Posted on by Kult Plus

Gratë e Krushës pas luftes përkundër paragjykimeve morën iniciativën që të merren me ndërmarrësi duke ngritur kështu kooperativën “Krusha” të cilës EULEX-I i dorëzoj dje një donacion, shkruan KultPlus.

E gjatë këtij dorëzimi prezente ishte edhe e para e shtetit, Vjosa Sadriu ë cila është shprehur se zonja Fahrie Hoti dhe kooperativa “Krusha” janë sinonim i ngadhnjimit dhe suksesit.

“Dje bashkë me shefin e EULEX-it, ambasadorin Wigemark ishim në Krushë me ç’rast EULEX-i dhuroi një donacion për kooperativën Krusha dhe ne u zotuam për të vijuar mbështetjen. Çdo mbështetje për punën e këtyre grave të jashtëzakonshme është po ashtu mbështetje e një storie suksesi, e cila shërben si burim inspirimi për shumë gra e vajza të tjera”, shkruan Osmani e cila tutje shkruan se zonja Fahrie dhe gratë e kooperativës “Krusha” janë konfirmimi më i mirë se kur ka vizion të qartë, angazhim dhe punë konsistente, suksesi është gjithnjë i sigurt.

“Mbështetja për to do të jetë e vazhdueshme, sepse suksesi i grave të Krushës është sukses i Kosovës!”, përfundon presidentja Osmani. / KultPlus.com

Emërimi i Bozhidar Deliq nënkryetar të Parlamentit të Serbisë, reagon presidentja Osmani

Posted on by Kult Plus

Presidentja e Kosovës, Vjosa Osmani ka reaguar pas emërimit të Bozhidar Deliq, nënkryetar të Parlamentit të Serbisë, përcjell KultPlus.

Osmani përmes një postimi në Twitter shkroi se përderisa në Kosovë, nënkryetare e parlamentit është një e mbijetuar lufte, në Serbi emërohet komandanti i brigadës që emëroi mijëra kosovarë.

“Në Kosovë, Saranda Bogujevci, një e mbijetuar e një masakre brutale të regjimit gjenocidal të Serbisë, shërben si nënkryetare e Parlamentit.

Ndërkohë, Parlamenti i Serbisë ka emëruar nënkryetar Bozhidar Deliqin, komandantin e brigadës që masakroi mijëra kosovarë.”.thuhet në postimin e presidentes Osmani/ KultPlus.com

Reagon Osmani: Përpjekjet e Vuçiq për destabilizimin e Kosovës me metodat e Putinit do të dështojnë

Posted on by Kult Plus

Presidentja e Kosovës, Vjosa Osmani, ka reaguar pas zhvillimeve të fundit në veri të Kosovës duke thënë se Policia e Kosovës po punon pa ndaluar që të garantohet respektimi i ligjit dhe liria e lëvizjes. Po ashtu, ajo ka bërë të ditur se veprimet janë duke u marrë në koordinim me partnerët ndërkombëtarë.

“Masa e reciprocitetit nuk është e drejtuar kundër askujt, por në favor të qytetarëve pa dallim përkatësie. Prandaj, ftoj qytetarët serbë të Republikës së Kosovës që të mos bien pre e propagandës nga Beogradi.  Policia e Kosovës dhe të gjitha institucionet e sigurisë po punojnë shumë për të garantuar respektimin e sundimit të ligjit dhe lirinë e lëvizjes. Jemi duke u koordinuar e punuar pandalur me partnerët tanë ndërkombëtar”, shkruan ajo.

Tutje Osmani tha se veprimet nga grupet serbe në veri janë përpjekje të Vucicit që të destabilizohet Kosova.

“Përpjekjet e Vuqiçit për destabilizim të Kosovës, i cili po shërbehet me metoda të mentorit të tij- Putinit, do të dështojnë”, shtoi ajo./ KultPlus.com

Presidentja Osmani pas nënshkrimit të marrëveshjes me MCC-në: Shtetet e Bashkuara të Amerikës gjithnjë pranë Kosovës

Posted on by Kult Plus

Në Kongresin e SHBA-ve, në prani të një numri të madh të miqve të Kosovës, u mbajt ceremonia e nënshkrimit të marrëveshjes me MCC-në për Programin e Kompaktit. Kjo marrëveshje po konsiderohet historike për shtetin tonë, përcjellë KultPlus.

Presidentja e vendit, Vjosa Osmani ka reaguar sot përmes një statusi në facebook ku është shprehur se kjo marrëveshje në shumë prej 236.7 milion dollarë, përbën investimin më të madh në sektorin e energjisë në Kosovë pas disa dekadash.

“Shtetet e Bashkuara të Amerikës gjithnjë pranë Kosovës”, ka shkruar Osmani.  

Sipas Osmanit, këto projekte do të kontribuojnë në garantimin e stabilitetit dhe fleksibilitetit të sistemit energjetik të Kosovës gjersa përgatitemi për tranzicionin energjetik dhe integrim më të madh të burimeve të ripërtëritshme të energjisë.

“Ky investim do të garantojë po ashtu një të ardhme energjetike ku gratë do të kenë rol kyç dhe do të jenë kontribuuese aktive në adresimin e sfidave të së ardhmes në fushën e energjisë.

Kjo marrëveshje konfirmoi edhe njëherë atë që dihet tashmë botërisht, partneritetin e jashtëzakonshëm e unik në mes të Republikës së Kosovës dhe Shteteve të Bashkuara të Amerikës. Faleminderit të gjithëve për punën e jashtëzakonshme!”, ka shkruar Osmani. / KultPlus.com

Presidentja Osmani: Marrëveshja 236-milionëshe me MCC-në është investimi më i madh në Kosovë me dekada

Posted on by Kult Plus

Presidentja e Kosovës, Vjosa Osmani, ka folur në ceremoninë e nënshkrimit të Marrëveshjes për Programin Kompakt, në vlerë të përgjithshme prej 236.7 milionë dollarësh, ndërmjet Kosovës dhe MCC-së në Uashington.

Ajo ka thënë se kjo marrëveshje vërteton partneritetin Ksoovë-SHBA dhe që Kosova është e gatshme të përqafojë të ardhmen e agjendës së gjelbër.

“Kjo marrëveshje vërteton, marrëveshjen që të jemi krahë njëri-tjetrit në kohëra të mira e të vështira. SHBA-ja është duke vazhduar që të na mbështesë që të arrijmë edhe më shumë. Është koha që të hartojmë politika më të mira për t’u përballur me situatën energjetike. Kosova është e gatshme që ta përqafojë të ardhmen e agjendës së gjelbër”.

Ajo ka shtuar ky është investimi më i madh për dekada me radhë që ka ndodhur në Kosovë.

“Marrëveshja me MCC është investimi më i madh në dekada me radhë, që do të na ndihmojë që të përballemi me krizën. Marrëveshja na afron drejt një sistemi të energjisë drejt nevojave të së ardhmes”. / KultPlus.com

Kurti: Partner të padiskutueshëm të sigurisë Kosova e ka ShBA-në

Posted on by KultPlus

Kryeministri Albin Kurti ka thënë se Kosova partner të sigurisë i ka Shtetet e Bashkuara të Amerikës.

Ai, para medieve në Uashington, pas përfundimit të takimit me sekretarin amerikan të Shtetit, Anthony Blinken, ka theksuar se bashkë me presidenten Vjosa Osmani e kanë shfrytëzuar mundësinë për kërkimin e shtimit të investimeve amerikane në Kosovë.

“Takimi që patëm bashke me presidenten qe shume i përzemërt, fort i dobishëm për raportet e shkëlqyeshme mes Kosovës dhe ShBA-së. Me këtë rast ne treguam se si Kosova është një rrëfim suksesi në mënyrë të dyfishtë”.

“Së pari është rrëfim suksesi i punës dhe qëndrueshmërisë së popullit dhe i ndërhyrjes NATO-s për ta ndalur gjenocidin e Serbisë në Kosovë. Dhe së dyti është rrëfim suksesi i një demokracie cilësore e cila shkon bashkë me zhvillimin ekonomik. Pra, në kontrast me disa fuqi të tjera nëpër botë të cilat dëshirojnë të tregojnë për zhvillim ekonomik se demokracia nuk është e nevojshme, shteti jo i madh i Kosovës është një shembull i madh se zhvillimi ekonomik dhe demokracia cilësore shkojnë bashkë”.

“Njëkohësisht ne përfituam nga rasti, nga sekretari Blinken të kërkojmë shtimin e investimeve amerikane në Kosovë, por gjithashtu edhe ta rrisim shkëmbimin tregtar mes dy vendeve tona. Edhe në NATO ne e kemi bashkëpunimin shumë të ngushtë me ShBA-në për shkak se mbrojtja është një fushë në të cilën Kosova e ka rritur ndjeshëm buxhetin, synojmë që siguria e Kosovës ta ketë për partner edhe të padiskutueshëm por gjithnjë e më të fuqishëm, pikërisht ShBA-në”, ka thënë Kurti, njofton KlanKosova.tv/ KultPlus.com

Osmani pas takimit me Blinken: U konfirmua se Kosova s’ka mik më të madh se Amerika

Posted on by KultPlus

Presidentja e Kosovës, Vjosa Osmani, e ka quajtur të shkëlqyeshëm takimin me Sekretarin amerikan të Shtetit, Antony Blinken.

Ajo ka thënë se në këtë takim është konfirmuar se Republika e Kosovës nuk ka mik më të madh sesa Amerika.

“Pa përkrahjen e ShBA nuk mund të kemi sukses në organizatat ndërkombëtare që janë synimi i përhershëm yni. Kemi folur me Blinken për subjektivitetin ndërkombëtar dhe mënyrën se si Kosova fuqizohet nëpërmjet njohjeve dhe organizatave ndërkombëtare”, është shprehur Osmani.

“Kemi diskutuar edhe për rolin konstruktiv në dialogun Kosovë-Serbi. SHBA si partner që mbështesin pavarësinë, kushtetutshmërinë, gjithnjë kanë qenë të zëshëm në këtë drejtim. Si Biden edhe Blinken e kanë thënë qartë që procesi i dialogut të përqendrohet në njohje reciproke”, ka thënë presidentja Osmani./ KultPlus.com

Presidentja Osmani dhe kryeministri Kurti sot priten nga Sekretari amerikan i Shtetit, Antony Blinken

Posted on by Kult Plus

Sot, Presidentja e Republikës së Kosovës, Vjosa Osmani- Sadriu dhe Kryeministri Albin Kurti do të priten në takim nga Sekretari amerikan i Shtetit, Antony Blinken.

Në fokus të diskutimeve do të jetë thellimi i partneritetit bilateral Kosovë-SHBA në nivel strategjik, angazhimi i përbashkët në drejtim të adresimit të sfidave ndaj paqes dhe sigurisë në rajon dhe Evropë, si dhe mbështetja për Kosovën në sektorët strategjik.

Takimi me Sekretarin e Shtetit Blinken do të mbahet në një periudhë përcaktuese për sigurinë dhe paqen në rajonin tonë, si dhe për kontinentin evropian e më gjerë si pasojë e luftës së Rusisë në Ukrainë.

Në takim, Presidentja Osmani do të kërkoj vazhdimin e mbështetjes amerikane për forcimin e pozitës ndërkombëtare të Kosovës, duke përfshirë edhe anëtarësimin në organizata ndërkombëtare. Ajo do ta informojë Sekretarin Blinken edhe për hapat të cilat i ka ndërmarrë Kosova në avansimin e rrugëtimit euroatlantik, si dhe për angazhimin aktiv të institucioneve të Kosovës në drejtim të zbatimit të reformave në fushën e sundimit të ligjit.

Me qëllim të hapjes së kapitujve të rinj të bashkëpunimit nën kornizën e partneritetit bilateral strategjik, do të diskutohet edhe për intensifikimin e bashkëpunimit në fushën e mbrojtjes, ekonomisë, si dhe fusha të tjera të rëndësisë së veçantë. Takimi do të mbahet sot në Departamentin Amerikan të Shtetit në ora 16:30, sipas orës lokale në Uashington D.C., respektivisht në ora 22:30 sipas kohës së Kosovës./ KultPlus.com

Presidentja Osmani dhe Kryeministri Kurti udhëtuan për në SHBA, nënshkruajnë marrëveshje me MCC

Posted on by Kult Plus

Presidentja e Republikës së Kosovës, Vjosa Osmani Sadriu, së bashku me Kryeministrin Albin Kurti, kanë udhëtuar për në Uashington D.C. për të marrë pjesë në ceremoninë e organizuar në Kongresin amerikan për nënshkrimin e marrëveshjes me Korporatën e Sfidave të Mijëvjeçarit (MCC), për Programin Kompakt të Kosovës.

Gjatë qëndrimit në Uashington, Presidentja Osmani dhe Kryeministri Kurti do të zhvillojnë edhe takime të tjera bilaterale. / KultPlus.com

Osmani uron Begajn: Do të thellojmë bashkëpunimin mes Kosovës e Shqipërisë dhe rrugën e përbashkët euro-atlantike

Posted on by Kult Plus

Bajram Begaj, është betuar si president i ri i Shqipërisë, shkruan KultPlus.

Begaj u zgjodh president me 78 vota pro dhe katër kundër  dhe një abstenim në Kuvendin e Shqipërisë më 6 qershor.

Përmes një postimi në “Twitter”, Osmani uron Begajn dhe thotë se bashkë do ta thellojmë bashkëpunimin, jo vetëm në raportet vëllazërore mes Kosovës dhe Shqipërisë, por edhe në rrugën e përbashkët euro-atlantike

“Në inaugurimin e Presidentit Bajram Begaj, i përcolla urimet më të sinqerta për suksese në këtë detyrë të rëndësishme. Bashkë do ta thellojmë bashkëpunimin, jo vetëm në raportet vëllazërore mes Kosovës dhe Shqipërisë, por edhe në rrugën e përbashkët euro-atlantike”, thuhet në postimin e presidentes. /KultPlus.com

Osmani udhëton në Shqipëri, merr pjesë në inagurimin e presidentit të ri

Posted on by Kult Plus

Presidentja Vjosa Osmani do të marrë pjesë nesër në inaugurimin e presidentit të ri të Shqipërisë, Bajram Begajt.

Presidenca ka njoftuar se Osmani shkon në Tiranë me ftesë të Presidencës shqiptare.

“Presidentja Osmani do të marrë pjesë në një ceremoni që do të mbahet në Presidencën e Shqipërisë, në të cilën presidenti aktual, Ilir Meta, do ta dorëzojë detyrën tek Presidenti i ri, z. Bajram Begaj”, njoftoi Presidenca.

Para dy ditësh, Osmani e priti me nderime të larta shtetërore në Prishtinë, presidentin në largim të Shqipërisë, Ilir Meta. /KultPlus.com