Etiketë: Vjosa Osmani

25-vjetori i themelimit të Policisë së Kosovës, presidentja Osmani: Të jesh polic nuk është thjesht një profesion

Posted on by Kult Plus

Sot janë bërë 25 vite nga themelimi i Policisë së Kosovës.

Presidentja e Republikës së Kosovës, Vjosa Osmani, ka ndarë një video, me momente të ndryshme të pjesëtarëve të Policisë së Kosovës, duke u shprehur se të jesh polic nuk është vetëm një profesion.

“Të jesh polic nuk është thjesht një profesion, është një mision e një kauzë për një mjedis ku të gjithë mund të njehen të sigurt e të lirë”, është shprehur Osmani gjatë videos së shpërndarë.

Themelimi i Policisë së Kosovës u bë më 6 shtator 1999-të në pajtim me rezolutën 1244 të Këshillit të Sigurimit të OKB-së./KultPlus.com

Presidentja Osmani takohet me ministren e Jashtme të Finlandës: Valtonen e falënderova për mbështetjen e shtetit të saj për Kosovën

Posted on by Kult Plus

Presidentja e Republikës së Kosovës, Vjosa Osmani, është takuar me ministren e Jashtme të Finlandës, Elina Valtonen.

Osmani ka shkruar se Valtonen e ka falënderuar për mbështetjen e shtetit të saj për Kosovën në secilën etapë, përfshirë procesin e shtetformimit.

“Në takim me ministren e Jashtme të Finlandës, Elina Valtonen, e falënderova për mbështetjen e shtetit të saj për Kosovën në çdo etapë, përfshirë procesin e shtetformimit, shtetëndërtimit dhe anëtarësimit në organizata ndërkombëtare”, ka shkruar Osmani.

Tutje, ajo u shpreh se do të vazhdojnë për forcimin e raporteve ndërshtetërore./KultPlus.com

Presidentja Osmani: Nënë jonë Terezë mbetet një fanarë dhembshurie, përulësie dhe shërbimi vetëmohues ndaj njerëzimit

Posted on by Kult Plus

Presidentja e Republikës së Kosovës, Vjosa Osmani, ka përkujtuar Nënë Terezën në 27-vjetorin e vdekjes, duke u shprehur se në Ditën e Humanizmit, nderojnë jo vetëm jetën dhe trashëgiminë e një gruaje të jashtëzakonshme, por edhe vlerat që ajo mishëroi – dhembshurinë, dashurinë dhe shërbimin ndaj njerëzimit.

“Me gjak unë jam shqiptare. Me shtetësi jam indiane. Me besim unë jam një murgeshë katolike. Sipas profesionit tim, unë i përkas botës…” – Shën Tereza”, ka shkruar Osmani në fillim të postimit të saj.

Tutje, ajo është shprehur se Nënë Tereza mbetet një fanarë dhembshurie, përulësie dhe shërbimi vetëmohues ndaj njerëzimit.

“Përkushtimi i Nënë Terezës për më të varfrit, besimi i saj i palëkundur dhe dashuria për njerëzit, pavarësisht nga prejardhja e tyre, duhet të jenë udhërrëfyes për një botë më humane. Në 27 vjetorin e ikjes në amshim e kujtojmë me respekt dhe jemi krenar që botës i dhamë nënën më të madhe që njohu njerëzimi, Gonxhe Bojaxhiun, të Shenjtën Terezë”, ka shkruar tutje presidentja Osmani.

Osmani: Të zhdukurit me dhunë gjatë luftës, plaga më e thellë e Kosovës

Posted on by Kult Plus

Presidentja e Republikës së Kosovës, në Ditën Ndërkombëtare të të Zhdukurve me dhunë, është shprehur se mbi 1600 të zhdukur me dhunë gjatë luftës së fundit në Kosovë, shumë prej tyre fëmijë, ende mbesin plaga më e thellë e Kosovës.

Përmes rrjeteve sociale, presidentja Osmani tha se synim i regjimit gjenocidal të Serbisë ishte shfarosja dhe shkatërrimi i identitetit tonë, i të ardhmes sonë. Duke e mohuar të vërtetën, Serbia po e përsëritë vazhdimisht krimin

“Mbi 1600 të zhdukur me dhunë gjatë luftës së fundit në Kosovë, shumë prej tyre fëmijë, ende mbesin plaga më e thellë e Kosovës. Synim i regjimit gjenocidal të Serbisë ishte shfarosja dhe shkatërrimi i identitetit tonë, i të ardhmes sonë. Duke e mohuar të vërtetën, Serbia po e përsëritë vazhdimisht krimin. Duke mbajtur arkivat e mbyllura, pavarësisht dakordimit të Brukselit që e kërkon të kundërtën, Serbia po shkel edhe marrëveshjet e arritura”, është shprehur ajo.

Osmani tha se e vërteta nuk mund të fshihet prapa propagandës se kinse Serbia qenka pro paqes dhe pro integrimit në BE.

“E vërteta është një dhe e vetme: në vitin 2024, Serbia ende fle mbi varreza masive të civilëve të pafajshëm”, ka shkruar Osmani./KultPlus.com

Presidentja Osmani do të nderohet me çmimin e medias- M100 në Gjermani

Posted on by KultPlus

Presidentja e Kosovës, Vjosa Osmani do të nderohet me Çmimin e medias- M100, më 12.09.2024 në Pallatin “Portokalli”, në Parkun Sanssouci në Potsdam të Gjermanisë.

Fjalimi kryesor politik gjatë ceremonisë do të mbahet nga kancelari gjerman, Olaf Scholz.

Siç bëhet e ditur me anë të një komunikate për shtyp, ceremonia e ndarjes së çmimeve do të drejtohet nga gazetarja dhe prezantuesja televizive Astrid Frohloff.

Kryebashkiaku i Postdamit- njëherësh kryetar i Bordit Këshillimor të M100, Mike Schubert, citohet të ketë se Osmani dhe Tusk janë zëra të domoshdoshëm në shoqërinë e lirë “në këto kohë sfiduese”.

Schubert ka theksuar se Osmani ka treguar vendosmëri dhe largpamësi në avokimin e demokracisë së re në një rajon të shënuar prej kohësh nga konflikte.

“Vjosa Osmani ka treguar vendosmëri dhe largpamësi në avokimin e demokracisë së re në një rajon të shënuar prej kohësh nga konflikte, duke treguar rëndësinë kritike të mbrojtjes së lirisë dhe drejtësisë. Donald Tusk përfaqëson një luftë të palëkundur kundër autokracisë dhe natyrës së panegociueshme të vlerave demokratike. Të dy – Vjosa Osmani-Sadriu dhe Donald Tusk – vendosin të drejtat e njeriut dhe parimet demokratike në themel të veprimeve të tyre. Zërat e tyre janë të paçmuar tani – jo vetëm për vendet e tyre, por për të gjithë kontinentin. Ata nuk janë vetëm evropianë të përkushtuar, por mbi të gjitha, të detyrueshëm. Puna e tyre vendos standarde dhe frymëzon”- ka deklaruar Schubert, gjithnjë sipas komunikatës.

Kolokiumi M100 Sanssouci, i mbajtur më herët me temën ” Demokracia nën Sulm. Fushatat dezinformuese, AI dhe Roli i Medias në Super 2024 Viti Zgjedhor “do të bashkojë rreth 80 kryeredaktorë ndërkombëtarë, akademikë dhe përfaqësues nga politika dhe shoqëria civile për të diskutuar ndikimin e dezinformimit, qëndrueshmërinë e Europës, partneritetin transatlantik, gjendjen e demokracisë, mundësitë dhe rreziqet e paraqitura nga inteligjenca artificiale , dhe roli dhe përgjegjësitë e gazetarëve në një botë gjithnjë e më komplekse.

Presidentja Osmani ia dorëzon flamurin para-atletit Grevist Bytyçi, Kosova për herë të parë në Lojërat Paraolimpike

Posted on by Kult Plus

Presidentja e Republikës së Kosovës, Vjosa Osmani, përmes rrjeteve sociale ka njoftuar se Kosova për herë të parë në histori, do të marrë pjesë në Lojërat Paraolimpike.

Osmani ka ndarë një video, duke i dorëzuar flamurin e Republikës së Kosovës para-atletit Grevist Bytyçi.

“Nder i veçantë që sot ia dorëzova flamurin e Republikës së Kosovës para-atletit Grevist Bytyçi, i cili do t’i bartë ngjyrat e Kosovës në mesin e 183 shteteve nga mbarë bota në Paris 2024”, ka shkruar Osmani./KultPlus

Osmani viziton Letnicën: Vendi ku Nëna jonë Terezë, nisi rrugëtimin e saj në shërbimin e përjetshëm

Posted on by Kult Plus

Presidentja e Kosovës, Vjosa Osmani, ka vizituar sot Letnicën, vendin prej nga, Nëna Terezë nisi rrugëtimin e saj në shërbimin e përjetshëm.

Nëpërmjet një postimi në profilin e saj në Facebook, presidentja Osmani tha se zemrat e hapura e fytyrat e buzëqeshura sot në Letnicë e shndërruan atë në vatër të mikpritjes e dashamirësisë në ditën që shënon festën e Zojës së Madhe.

Në vijim KultPlus ua sjell postimin e plotë të presidentes Osmani:

Zemrat e hapura e fytyrat e buzëqeshura sot në Letnicë e shndërruan atë në vatër të mikpritjes e dashamirësisë. Vendi ku Nëna jonë Terezë, nisi rrugëtimin e saj në shërbimin e përjetshëm, në ditë si kjo sot e dëshmon më së miri kuptimin e plotë të bujarisë e çiltërsisë.

Në prezencë të qytetarëve të shumtë, kremtuam festën e Zojës së Madhe, e cila ndërthurë dashurinë, dhembshurinë dhe paqen, vlera këto për të cilat punoi, jetoi dhe u përjetësua Shën Tereza.

Faleminderit nga zemra!/KultPlus.com

Presidentja Osmani merr pjesë në Samitin e liderëve botërorë për sportin dhe zhvillimin e qëndrueshëm në Paris

Posted on by Kult Plus

Presidentja e Republikës së Kosovës, Vjosa Osmani, përmes rrjeteve sociale ka njoftuar se në prag të hapjes së lojërave olimpike “Paris2024”, janë ftuar nga Presidenti Macron në Samitin e liderëve botërorë për sportin dhe zhvillimin e qëndrueshëm.

Në njoftim ajo ka shkruar se Kosova beson në fuqinë transformuese të sportit dhe do të jetë përherë në mbështetje të atyre që promovojnë vlerat, të cilat i mishëron sporti.

“Kosova beson në fuqinë transformuese të sportit dhe do të jetë përherë në mbështetje të atyre që promovojnë vlerat, të cilat i mishëron sporti. Prandaj jemi të gjithë bashkë në përkrahje të ekipit të artë të sportistëve tanë me besimin e plotë në përfaqësimin e dinjitetshëm të shtetit tonë”, ka shkruar Osmani./KultPlus.com

Pëlqyeshmëria me punën e Presidentes Vjosa Osmani, më e larta në historinë e institucionit të Presidencës

Posted on by Kult Plus

Kënaqshmëria e qytetarëve të Kosovës me punën e Presidentes Osmani, sipas rezultateve të edicionit të 26-të të Përmbledhjes së Pulsit Publik UNDP-së ka arritur në 69%, përcjell KultPlus.

Njoftimin e ka dhëne këshilltari i presidentes Osmani, Bekim Kupina, i cili u shoreh se kjo statistikë është më e larta ndonjëherë në historinë e Institucionit të Presidencës.

Në vijim gjeni postimin e plotë:

Pëlqyeshmëria me punën e Presidentes Vjosa Osmani më e larta në historinë e institucionit të Presidencës

Kënaqshmëria e qytetarëve të Kosovës me punën e Presidentes Osmani, sipas rezultateve të edicionit të 26-të të Përmbledhjes së Pulsit Publik UNDP-së, është 69 %.
Kjo përqindje është më e larta ndonjëherë në historinë e institucionit të Presidencës.

Lidership, vizion, përkushtim, gardiane e interesit qytetar e shtetëror dhe e aleancave, përfaqësuese e denjë shtetërore!/KultPlus.com

Presidentja Osmani ia dorëzoi medaljen Presidenciale të Meritave rock grupit Oda

Posted on by KultPlus

Presidentja e Republikës së Kosovës, Vjosa Osmani, në një ceremoni të mbajtur dje në Presidencë ia ka dorëzuar Medaljen Presidenciale të Meritave Rock Grupit Oda për promovimin e vlerave muzikore si pjesë e gjeneratës së artë të rockut në Kosovë.

Në emër të grupit, Medaljen e ka pranuar Dukagjin Lipa, i cili e ka falënderuar Presidenten Osmani për dekoratën.

Presidentja Osmani ka theksuar se Oda, sikurse edhe grupe të tjera të viteve të 80-ta, ishin jo vetëm interpretues, por edhe katalizatorë të ndryshimeve shoqërore.

“Muzika e Odës është emblemë e identitetit kulturor dhe krenarisë për Kosovën. Krijimtaria muzikore e tyre vazhdon të jetë dëshmi e fuqisë transformuese të artit në kohë dhe periudha të ndryshme duke u shndërruar po ashtu në një mjet rezistence”, ka theksuar Presidentja Osmani.

Ndryshe, Medalja Presidenciale grupit Oda i është ndarë një vit më parë në një ceremoni në të cilën janë nderuar edhe rock grupe të tjera të asaj periudhe, sikurse edhe institucione e personalitete të tjera, të cilat kanë kontribuar ndër vite.

Vlenë të theksohet se kjo ceremoni u mbajt në prag të fillimit të Sunny Hill Festival. Në pamundësi për të qenë prezente për shkak të agjendës ndërkombëtare, Presidentja Osmani e përgëzoi z. Lipa, Dua Lipën dhe Sunny Hill Foundation për punën e shkëlqyer duke i uruar që ky edicion të jetë një tjetër sukseses i jashtëzakonshëm./ KultPlus.com

Osmani para hyrjes në Samitin e liderëve: Kosova storie suksesi, shembull për demokracinë

Posted on by Kult Plus

Presidentja e Kosovës, Vjosa Osmani, u prit sot nga Kryeministri i ri i Mbretërisë së Bashkuar, Keir Starmer, dhe u deklarua për media ndërkombëtare para hyrjes në samitin e katërt të liderëve të Komunitetit Politik Evropian.

“Jam shumë e lumtur të jem këtu dhe krenare ta përfaqësojë Republikën e Kosovës në Samitin e Bashkësisë Politike Evropiane. Kënaqësi edhe më e madhe të jem në Mbretërinë e Bashkuar, me të cilët festojmë 25 vjet të marrëdhënieve të mira, qëkur Britania hyri në Kosovë për ta çliruar atë nga regjimi gjenocidal (serb)”, u shpreh Osmani.

Ky samit, tha Osmani, ka qenë gjithmonë e përkryer sepse u ka dhënë të gjithëve të drejta të barabarta.

“Të gjithë këtu janë anëtar të këtij komuniteti, prandaj edhe pse ne nuk jemi anëtar, jemi të barabartë të japim jo vetëm shqetësimet, por edhe idetë tona sidomos ato në të cilat po kalon kontinenti ynë”, u shpreh Osmani.

Presidentja Osmani, mbi të gjitha, tha se “Kosova ka edhe storie suksesi”.

“Është e rëndësishme të jemi të bashkuar dhe të mbrojmë demokracinë, në këtë rast, nga Rusia”, u shpreh Osmani.

Presidentja Osmani tha se sot, “Kosova nuk është vetëm e lirë, e pavarur dhe sovrane, por është edhe shembull për demokracinë”.

“Besoj se pavarësisht pesimizmit që po shfaqet kohëve të fundit, sot këtu do të ketë storie shume optimiste”, tha tutje Osmani./KultPlus.com

Presidentja Vjosa Osmani takohet me presidentin Macron: Diskutuam për të ardhmen euroatlantike të Kosovës.

Posted on by Kult Plus

Presidentja e Republikës së Kosovës, Vjosa Osmani, përmes rrjeteve sociale ka njoftuar se është takuar me presidentin e Francës, Emmaunel Macron, në Samitin e NATO-s në Washington D.C.

Ajo ka shkruar se me presidentin francez kanë pasur diskutim përmbajtësor lidhur me të ardhmen euroatlantike të Kosovës.

“Diskutim përmbajtësor me Presidentin Macron në Samitin e NATO-s në Washington D.C lidhur me të ardhmen euroatlantike të Kosovës, reformat në fushën e sundimit të ligjit dhe forcimin e marrëdhënieve bilaterale ndërmjet Kosovës dhe Francës”, ka shkruar Osmani./KultPlus.com

Presidentja Osmani uron SHBA-në për Pavarësinë: Aleancë që vazhdon t’i mbijetojë kohës dhe sfidave

Posted on by Kult Plus

Presidentja e Republikës së Kosovës, Vjosa Osmani, përmes rrjeteve sociale i ka uruar Shtetet e Bashkuara të Amerikës për në Ditën e Pavarësisë.

Ajo ka shkruar se populli i Kosovës sot feston krahas popullit amerikan, dhe se sot kujtojmë vlerat mbi të cilat janë ndërtuar Shtetet e Bashkuara dhe aleanca jonë e fuqishme.

“Aleancë që vazhdon t’i mbijetojë kohës dhe sfidave! Sot, populli i Kosovës feston krahas popullit amerikan. Sot, kujtojmë vlerat e idealet mbi të cilat janë ndërtuar Shtetet e Bashkuara dhe aleanca jonë e fuqishme! Aleatëve tanë amerikanë: Gëzuar 4 Korriku! Happy Fourth of July!”, ka shkruar Osmani.

Presidentja Vjosa Osmani për Kadarenë: Lamtumirë titani i letërsisë, liria e Kosovës për të ishte triumfi i kombit shqiptar

Posted on by Kult Plus

Presidentja e Republikës së Kosovës, Vjosa Osmani, ka qenë sot e pranishme në ceremoninë shtetërore të homazheve dhe varrimit të Ismail Kadaresë.

Përmes një statusi në rrjete sociale, Osmani ka ndarë fotografi nga pjesëmarrja teksa shkruan se veprat e Kadaresë ndriçuan cepat më të errët të historisë dhe shpirtit njerëzor.

Më tej Osmani shprehet se aftësia e tij për të ndërthurur mitet dhe realitetin e bëri një nga më të veçantët dhe të fuqishmit në letërsinë bashkëhore.

“Aftësia e tij për të gërshetuar historinë, mitet dhe realitetin, e bëri zërin e tij një nga më të veçantët dhe më të fuqishmit në letërsinë bashkëkohore. Prandaj, jemi përgjithmonë mirënjohës për veprat që na la. Liria e Kosovës për të ishte triumfi i kombit shqiptar. Ndërkaq, për kombin shqiptar, vetë ekzistenca dhe vepra e Ismail Kadaresë është triumf i kulturës mbi injorancën dhe i lirisë mbi diktaturën. Lamtumirë, titani i letërsisë, Ismail Kadare!’’, shkruan Osmani./KultPlus

Vjosa Osmani: Ismail Kadare ishte gjeniu shqiptar

Posted on by Kult Plus

Presidentja e Republikës së Kosovës, Vjosa Osmani, ka reaguar pas vdekjes së shkrimtarit të njohur shqiptar, Ismail Kadare.

Ajo është shprehur se Kadare ishte gjeniu shqiptar, njeriu e shkrimtari i cili tërë jetën dhe veprën e vet ia kushtoi dashurisë ndaj tokës, gjakut e vendit të shqiptarëve, duke krijuar një trashëgimi të pakundshoqe adhurimi e lavdie ndaj vendit e kombit të vet.

“Me këtë dashuri, të cilën ai e ka shprehur gjithandej veprave të tij, ai i ka paraqitur vlerat e popullit të tij nëpër botë, duke e lartuar gjithandej gjuhën, kulturën e letërsinë shqipe dhe vetë popullin shqiptar, ndërsa të drejtën e popullit shqiptar të Kosovës për të jetuar i lirë e i mosvarmë e mbrojti gjithandej botës, në qarqe intelektuale e kulturore, në ambiente politike e në letërkëmbimin e tij me personalitete të shquara botërore”, ka shkruar Osmani.

Tutje, ajo u shpreh se populli i Kosovës, sot është në zi, sepse ka humbur kolosin e dijetarin më të njohur shqiptar, mbështetësin e pandalshëm të së drejtës së popullit shqiptar në Kosovë për të jetuar i lirë e i mosvarmë e promovuesin e pandalshëm të kësaj të drejte gjithandej botës.

“Humbi shkrimtarin e papërsëritshëm, të cilit si Presidente kisha nderin t’ia dorëzoja shtetësinë e Kosovës kohë më parë, sikurse edhe Urdhrin “Hasan Prishtina”. Për dhjetëvjetësha të tërë, ai e kultivoi artistikisht e intelektualisht ndjenjën e lirisë, duke na bërë edhe ne, shqiptarëve të Kosovës, ta kuptonim më mirë përmasën e lirisë e ta gjakonim atë përjetësisht”, ka shtuar tutje Osmani.

Në fund ajo tha se vdekja e tij shënon ndarjen fizike me ne, por ai do të mbetet përjetësisht në zemrat e në shpirtrat e miliona lexuesve e adhuruesve të veprës së tij, në zemrat e shpirtin e çdo shqiptari, kombit të cilit i shërbeu deri në frymën e fundit./KultPlus.com

Vjosa Osmani në “Global Women Leaders Summit” bashkë me Hillary Clinton dhe Melanne Verveer: Dy ditë me diskutime përmbajtësore

Posted on by Kult Plus

Presidentja e Republikës së Kosovës, Vjosa Osmani,në rrjete sociale është shprehur se ka kaluar dy ditë të mbushura me diskutime në Itali në “Global Women Leaders Summit”, bashkë me ish-sekretaren e Shtetit të SHBA-ve, Hillary Clinton dhe ambasadoren Melanne Verveer.

“Dy ditë të mbushura me diskutime përmbajtësore në Itali në “Global Women Leaders Summit”, bashkë me ish-sekretaren e Shtetit të SHBA-ve, Hillary Clinton, ambasadoren Melanne Verveer, si dhe gra të tjera të jashtëzakonshme nga mbarë bota të cilat janë shembulli më i mirë i lidershipit transformues”, ka shkruar Osmani.

Tutje, ajo është shprehur se Republika e Kosovës do të qëndrojë gjithnjë në krah të aleatëve të saj për të siguruar një të ardhme më të qëndrueshme e më të sigurt për të gjithë./KultPlus.com

Presidentja Vjosa Osmani ka pritur në takim lamtumirës ambasadoren e Mbretërisë së Holandës në Kosovë, Carin Lobbezoo

Posted on by Kult Plus

Presidentja e Republikës së Kosovës, Vjosa Osmani, ka pritur sot në takim lamtumirës ambasadoren e Mbretërisë së Holandës në Kosovë, Carin Lobbezoo.

Në takim, Presidentja Osmani falënderoi ambasadoren Lobbezoo për angazhimin e saj të vazhdueshëm për forcimin e bashkëpunimit në mes të Kosovës dhe Holandës përmes projekteve dhe iniciativave të ndryshme. Presidentja theksoi se Holanda mbetet aleate e rëndësishme e Republikës së Kosovës.

Presidentja Osmani theksoi rëndësinë e përkrahjes së Holandës për të ardhmen euroatlantike të vendit tonë, duke u fokusuar në nevojën anëtarësimit të Republikës së Kosovës në organizatat ndërkombëtare, gjë që është në dobi të garantimit dhe respektimit të të drejtave të gjithë qytetarëve./KultPlus.com

Presidentja Vjosa Osmani shpreh ngushëllime për ndarjen nga jeta të at Antonio Belushit

Posted on by KultPlus

Ka vdekur Antonio Belushi, prifti arbëresh i cili me jetën e veprën e tij është identifikuar më së shumti me qenien e arbëreshëve të Italisë në gjysmë shekullin e kaluar.

Me këtë rast ka shpreh ngushëllime edhe presidentja e Kosovës, Vjosa Osmani e cila veprimtarinë dhe kontributin e Belushit për shqiptarët e vlerësoi lart.

KultPlus ju sjell yë plitë reagimin e presidentes Osmani.

Me dhimbje të thellë mora lajmin për kalimin në amshim të at Antonio Belushit, veprimtarit të paepur të çështjes shqiptare, i cili përveç se kultivoi me pasion gjuhën arbëreshe, nga vitet ‘90, bashkë me Presidentin Rugova e veprimtarë të tjerë, e mbrojti të drejtën e shqiptarëve për liri.

Ndarja e tij nga jeta është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut.

Kam pasur nderin ta takoja në bibliotekën e pasur të tij, të cilën e krijoi dhe e mbajti me aq përkushtim deri në vdekje.

Si Presidente e vendit, kur ia akordova shtetësinë e Kosovës, ishte i stërlumtur, sepse e iu plotësua dëshira e tij jetësore.

I përhershëm qoftë kujtimi për at Antonio Belushin!/ KultPlus.com

Vjosa Osmani takohet me presidentin e Finlandës: Do të punojmë ngushtë për të avancuar partneritetin mes dy shteteve

Posted on by Kult Plus

Presidentja e Republikës së Kosovës, Vjosa Osmani, ka njoftuar se gjatë dy ditëve të samitit, është takuar me Presidentin e Finlandës, Alexander Stubb.

Osmani ka shkruar se ai është një mik dhe përkrahës i jashtëzakonshëm i Republikës së Kosovës.

“Një mik dhe përkrahës i jashtëzakonshëm i Republikës së Kosovës, me të cilin do të punojmë ngushtë për ta avancuar tutje partneritetin tonë me Finlandën si dhe rrugëtimin tonë euro-atlantik”, ka shkruar Osmani.

Osmani mirëpritet nga presidentja e Zivrës në prag të Samitit të Paqes për Ukrainën

Posted on by Kult Plus

Presidentja e Kosovës, Vjosa Osmani, është pritur në takim nga presidetja e Zvicrës Viola Amherd në prag të Samitit të Paqes për Ukrainën, përcjell KultPlus.

Nëpërmjet një postimi në Facebook, presidentja Osmani u shpreh falënderuese për pritjen e përzemërt nga presidentja Amherd dhe mbështetjen e Zvicrës në çdo etapë.

Në vijim, KultPlus ua sjell postimin e presidentes Osmani:

Faleminderit për një pritje të përzemërt, Presidente Amherd, si dhe për ftesën për t’iu bashkuar Samitit të Paqes për Ukrainën.

Kosova është përherë mirënjohëse për mbështetjen e fortë të Zvicrës përgjatë çdo etape.

Në prag të Samitit, ishte kënaqësi të diskutojmë për mundësitë e pafundta të thellimit të bashkëpunimit, me ç’rast roli i mërgatës sonë në forcimin e partneritetit në mes të dy vendeve tona është i pazëvendësueshëm./KultPlus.com

“Zgjidhja më e mirë për Kosovën, është një Kosovë e pavarur”, presidentja Vjosa Osmani shënon 25-vjetorin e Çlirimit të Kosovës me një video

Posted on by Kult Plus

Presidentja e Republikës së Kosovës, Vjosa Osmani, përmes një video të shpërndarë në rrjete sociale, ka shënuar 25-vjetorin e Çlirimit të Kosovës.

“Përjetësisht mirënjohës për të gjithë vizionarët, dëshmorët, martirët dhe aleatët e lirisë sonë!”, ka shkruar presidentja Osmani.

Në një video të gjatë 1 minutë e 30 sekonda, janë përmbledhur copëza të momenteve më të rëndësishme që kanë sjellë çlirimin e Kosovës.

“Zgjidhja më e mirë për Kosovën, është një Kosovë e pavarur”, dëgjohet duke thënë ish-presidenti historik Ibrahim Rugova.

Ndërsa, pjesë e videos është edhe momenti kur njëri nga pjesëtarët e NATO-s, iu drejtohet serbëve se nga ai moment, kanë mbetur vetëm 30 minuta që të largohen nga vendi ynë./KultPlus.com

Presidentja Osmani i dhuron gur kristali ish-kryeministrit të Britanisë së Madhe, Tony Blair

Posted on by Kult Plus

Presidentja e Republikës së Kosovës, Vjosa Osmani ka pritur në takim ish-kryeministrin e Britanisë së Madhe, Tony Blair.

Gjatë takimit, presidentja Osmani i ka dhuruar një gur kristali, duke vazhduar traditën e presidentit Ibrahim Rugova.

“Një gur kristali për mikun e madh të Kosovës Tony Blair, për të vazhduar traditën e Presidentit Historik Dr. Ibrahim Rugova”, ka shkruar Osmani.

Poashtu, ajo ka falënderuar familjen Rugova për përzgjedhjen e dhurimit të gurit./KultPlus.com

Presidentja Osmani për vdekjen e artistit Rexhep Ferri: Mjeshtëria e tij krijuese ka gërshetuar mrekullisht pikturën me letërsinë

Posted on by Kult Plus

Presidentja e Kosovës Vjosa Osmani, ka ngushëlluar familjen, miqtë, Akademinë e Shkencave dhe Arteve të Kosovës, si dhe komunitetin kulturor për vdekjen e akademik Rexhep Ferrit.

Ajo është shprehur se Kosova ka humbur akademikun, piktorin, poetin, prozatorin e eseistin Rexhep Ferri.

“Mjeshtëria e tij krijuese ka gërshetuar mrekullisht pikturën me letërsinë, të cilave nuk iu nda gjatë gjithë jetës. Akademik Ferri i takon brezit të artë të piktorëve të Kosovës, ndaj emri i tij do të mbetet i skalitur përherë në kujtesën tonë nëpërmjet krijimeve të tij artistike të larmishme, të cilat do të mbeten testament për ne dhe brezat pas nesh”, janë shprehur nga presidenca.