Vloggeri i njohur Dany ka udhëtuar së fundmi drejt Shqipërisë ndërsa eksperiencën e tij më vendin tonë e ka ndarë në kanalin e tij në Youtube.
Pas mbërritjes në Rinas cifti i vloggerëve kanë marrë një makinë me qera dhe pas një ndalese në Durrës destinacioni i Dany dhe bashkëshoqerueses së tij, ka qenë qyteti i Përmetit, ku janë ndalur tek Banjat e Bënjës.
![](https://i0.wp.com/diasporashqiptare.al/wp-content/uploads/2021/01/permet-.2.png?resize=696%2C360&ssl=1)
“Erdha në Përmet për të parë këtë vend dhe qenka shumë më bukur se sa mendoja. Pamja është e mbrekullueshme. Uji nuk është shumë i nxehtë, sepse jemi në janar, por sërish mund të lahesh dhe të shijosh këtë pamje të mrekullueshme”, shprehet ndër të tjera ai, ndërsa shijojnë ujin kurativ të llixhave.
Nuk është hera e parë që vloggeri i njohur viziton dhe promovon Shqipërinë, sepse ai ka udhëtuar edhe më parë në Shqipëri. Në videot e postuara e promovon Shqipërinë si një destinacion i bukur ku mund të kalohen pushime të bukura me pak shpenzime. / KultPlus.com
![](https://www.kultplus.com/wp-content/uploads/2021/01/vlog-1024x496.png)