Ish-ambasadorja e Kosovës në SHBA, Vlora Çitaku ka reaguar pasi deputeti i PDK-së, Adrian Kastrati ka publikuar një pjesë të një përshkrimi satirik të veprimtarit të çështjes shqiptare, Faik Konicës, në kohën sa po votohej Vjosa Osmani për presidente në Kuvend.

Çitaku përmes një postimi në Facebook tha se Presidenten Osmani duhet ta gjykojmë dhe kritikojmë për veprimet politike, por jo për dukjen dhe peshën e saj.

“Presidenten Osmani duhet ta gjykojmë dhe kritikojmë për veprimet politike. Aty e para që do ta kritikoj do të jem unë vet. Ama, me u marrë me dukjen e Presidentes, me peshën, duhet të jetë tërësisht e papranueshme”, ka shkruar Çitaku.

Kastrati, nëpërmjet një postimi në ‘Facebook’, ndonëse nuk ka sqaruar nëse postimi i tij ka cak ndonjë figurë të caktuar publike, ka bullizuar me peshë nëpërmjet vargjeve të Konicës.

“Në një shkrim të botuar në ‘ Gazeta Dielli’ mes tjerash gjeta këtë përshkrim satirik të Konicës (për një ish zyrtare të lartë të Stambollit) që sonte më bëri të qesh me lot:

“…një fshatarake me një bark si kadë e me këmbë si magje, me një palë duar të trasha e të pjekura, e me një fytyrë të fryrë e të kuqe si piper t’Ohrit”.”, shkruhet në postim. / KultPlus.com

Vlora Çitaku e ka përfunduar zyrtarisht detyrën e Ambasadores së Kosovës në Shtetet e Bashkuara të Amerikës (ShBA), shkruan KultPlus.

Këtë gjë e ka konfirmuar Ministria e Punëve të Jashtme dhe Diasporës.

“Ambasadorja e Republikës së Kosovës në Washington DC, Vlora Çitaku, ka përfunduar me sukses mandatin e sajMinistria e Punëve të Jashtme dhe Diasporës e Republikës së Kosovës dëshiron t’i shpreh falenderimet më të sinqerta për përfaqësimin e jashtëzakonshëm të Kosovës në Shtetet e Bashkuara të Amerikës.Suksese dhe mbarësi në angazhimet e rradhës Ambasadore Çitaku”, thuhet në njoftimin e Ministrisë.

https://twitter.com/MFAKOSOVO/status/1367143088028856325?ref_src=twsrc%5Etfw%7Ctwcamp%5Etweetembed%7Ctwterm%5E1367143088028856325%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fvlora-citaku-perfundon-zyrtarisht-mandatin-si-ambasadore-kthehet-ne-kosove%2F

Pas përfundimit të detyrës është deklaruar edhe Vlora Çitaku. Përmes një postimi në rrjetin social “Facebook”, Çitaku ka thënë se shërbimi si ambasadore e Kosovës në ShBA ka qenë nder.

“Faleminderit nga zemra! Të shërbej si Ambasadore e Kosovës në SHBA ka qenë nderi i jetës sime”, ka shkruar ajo.

Vlora Çitaku është ambasadorja e tretë e Kosovës në SHBA që prej shpalljes së pavarësisë.

Ajo më parë ka qenë ministre e Integrimit Europian dhe ish-zëvendësministre e Jashtme.

Çitaku ka qenë deputete në dy legjislatura nga radhët e Partisë Demokratike të Kosovës. Ka qenë e angazhuar në komisionet parlamentare për punë të jashtme dhe integrim evropian./KultPlus.com

Pas shtatë muajsh pritjeje, presidenti i Kosovës, Hashim Thaçi, ka firmosur dekretin për tërheqjen nga detyra të ambasadores Vlora Çitaku nga misioni në SHBA.

Vendimi për kthim të ambasadores Çitaku dhe disa të tjerëve, ishte marrë më 3 mars nga ish-ministri i Punëve të Jashtme, Glauk Konjufca, por duhej edhe dekreti i presidentit dhe Thaçi e ka firmosur atë më 2 tetor.

Ish-ambasadorja Vlora Çitaku ka njoftuar publikun për këtë vendim, teksa është shprehur se përfaqësimi i Kosovës në Shtete e Bashkuara ka qenë nderi i jetës së saj.

“Pas mbi pesë vjet në Uashington DC, ka ardhur koha që unë të kthehem në shtëpi. Përfaqësimi i Kosovës në Shtetet e Bashkuara ka qenë nderi i jetës time. Dua të falënderoj institucionet e Republikës së Kosovës për besimin që më kanë dhënë gjatë kësaj kohe. Isha me të vërtetë i privilegjuar që isha në gjendje të përsëris tregimet e pabesueshme të rinisë mahnitëse të Kosovës në WashingtonDC dhe në të gjithë SHBA”, ka shkruar Çitaku. / KultPlus.com

Ambasadorja e Kosovës në Amerikë, Vlora Çitaku i ka dorëzuar medaljen ‘Urdhri i Lirisë’, këshilltarit për Siguri Kombëtare të presidentit Donald Trump Rober O’Brien.

Pas kësaj, O’Brien tha se Shtetet e Bashkuara të Amerikës janë krenarë që kanë lehtësuar normalizimin e marrëdhënieve ekonomike në mes Kosovës dhe Serbisë.

“Thellë i nderuar për t’u prezantuar me medaljen e meritave të presidentit të Kosovës. SHBA-të, ishin krenare për të lehtësuar angazhimin historik të normalizimin ekonomik mes Serbisë dhe Kosovës. Ne do të vazhdojmë të ndërtojmë mbi këtë moment”, tha ai.

Ndërsa presidenti i vendit, Hashim Thaçi e pati dekoruar presidentin amerikan, Donald Trump me medaljen ‘Urdhri i Lirisë./Indeksonline/KultPlus.com

Ditëve të fundit u demantua lajmi se Xhamajka e ka njohur shtetin e Kosovës, informacion ky për të cilin presidenti i Kosovës Hashim Thaqi, deklaroi ta ketë marrë nga Ambasadorja e Kosovës në Amerikë, Vlora Çitaku, shkruan KultPlus.

Politikanë e qytetarë të thjeshtë reaguan ndaj këtij lajmi në mënyra të ndryshme, duke kërkuar ndëshkimin e personave përgjegjës për këtë lajm të rremë.

Çitaku ka thyer heshtjen përmes nja statusi në llogarinë e saj personale në Facebook, ku ka sqaruar më në detaje situatën.

Ndër të tjera, Çitaku ka potencuar se të gjitha do të sqarohen me kohë.

Më poshtë mund të lexoni statusin e plotë të Çitakut.

”Zëvendës Kryeministri i Kosovës, z.Haki Abazi qenka marrë pak me mua. Më paska quajtur mua dhe Ambasadën në SHBA instrumente në shërbim të Presidentit, e jo të Kosovës.

Nuk është hera e parë që z.Abazi merret me mua dhe shpif kundër meje. Nuk e kam kuptuar ende pse. Nuk i jam përgjigjur më herët sepse z.Abazi nuk ka mbajtur post publik dhe nuk ka pasur përgjegjësi publike.

Jam përmbajtur nga deklarimi publik lidhur me kaosin e shkaktuar rreth njohjes nga Xhamajka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje.

Çdo gjë do të sqarohet me kohë.
Zv Kryeministrit i them publikisht, meqë asnjëherë, si zv Kryeministër, nuk më ka kontaktuar që ta sqarojë situatën në fjalë, nëse nuk dëshiron të kontaktoi me mua, atëherë le ta kontaktojë Ministrinë e Punëve të Jashtme.

Për më tepër, është e ditur botërisht që unë jam emëruar Ambasadore përmes çelësit politik, njësoj si shumë Ambasadorë tjerë. Kjo nuk është shkelje apo diçka e jashtëzakonshme. Në fakt, është e rregulluar me ligj. Si Ambasadore, unë i kam shërbyer Kosovës. Kam punuar me nder tërë jetën time. E tillë do të vazhdoj të jem.

Nuk do të lejojë që puna dhe mundi i kolegëve të mi të njolloset e të përbaltet. Është e frikshme kur institucionet baltosen për inate politike e personale.

Jam shumë krenare me punën e kolegëve të mi dhe asnjëherë nuk do të dorëzohem para shantazhit publik.

E kam thënë edhe më herët, të jem Ambasadore e Kosovës në Washington DC është nderi i jetës sime.” / KultPlus.com

Vlora Çitaku, ambasadorja e Kosovës në SHBA shumë herë ka prezantuar veshjet shqiptare edhe në misionin diplomatik, shkruan KultPlus.

Edhe kësaj radhe, Çitaku ka përzgjedhur një veshje të tillë, dhe pikërisht për vizitën e saj në Shtëpinë e Bardhë, ku është organizuar pritja vjetore për korin diplomatik.

Për këtë veshje ka njoftuar vetë Çitaku, e cila e ka postuar edhe një fotografi.

“Në pritjen vjetore të organizuar nga Shtëpia e Bardhë për korin diplomatik, me kostumin kombëtar të qëndisur nga Tolinda Gojani Hasani”, ka shkruar Çitaku./KultPlus.com  

Vlora Çitaku, ambasadorja e Kosovës në Shtetet e Bashkuara, ka reaguar ndaj pritjes që ju është bërë lojtarëve anglezë në aeroport, duke e konsideruar një veprim të turpshëm, shkruan KultPlus.

Pritja u ishte bërë nga disa vajza që i prisnin me lule në dorë, veprim ky që u kritikua shumë edhe nga të tjerët.

Çitaku reagoi përmes një statusi në llogarinë e saj personale në Facebook.

Postimi i plotë:

” S’kam qare pa e thanë, ajo pritja në aeroport…e turpshme. Më ngushëllon fakti që Federata e Futbollit të Kosovës dhe ne Dardanët nuk e kemi prodhu atë skenë” / KultPlus.com

Ambasadorja e Kosovës në OKB, Vlora Citaku, ka publikuar një fotografi familjare ku nëna e saj shihet me veshje kombëtare. Ajo ka rrëfyer edhe për historinë e asaj veshjeje, shkruan KultPlus.com

“Thesari më i çmuar i familjes tim. Veshja kombëtare, nga rrethi i Drenicës.
Kur nana u martua, gjyshja dhe gratë e fshatit i bënë dhuratë veshjen tradicionale të rrethit.
E tëra e punuar në dorë nga gjyshja dhe gratë e Radishevës.
Nana e ka ruajtur me fanatizëm dhe e ka veshur vetëm në raste shumë të veçanta si ky mëposhtë.
Xhyzepina, Tomasina dhe Luigji, arbëresh nga Sicilia, vinin çdo verë në Seminarin për Gjuhën dhe Kulturën Shqipe. Nana gjithmonë i ftonte në banesën tonë modeste, dhe e gjithë familja ishim në funksion të argëtimit të tyre.
Bazuar nga mosha e Jeta Çitaku Cana në dorë të babit, kjo fotografi duhet të jetë shkrepur para 33 vitesh.
P.S roli im ka qenë me recitu poezi. Eremira Citaku me i ra qiftelisë, Diella defit. Ylli ka shpëtu ma lehtë më duket”, ka shkruar Citaku në Facebook.

Emocione të mëdha u përjetuan në ndeshjen e sotme, që u zhvillua në mes të Malit të Zi dhe Kosovës.

Sonte, të gjithë u bënë bashkë për të përkrahur Kosovën, kush nga afër e kush nga larg, shkruan KultPlus.

Ambasadorja Vlora Çitaku, nuk e fshehu entuziasmin e saj kur Muriqi, shënoi golin e dytë, duke deklaruar se me të do të shkonte edhe në luftë.

Statusi i plotë:

”Ky ekip është fantastik!
Muriqin e du fort. Për ju që e keni kqyrë Game of Thrones, a po bre si Dorthraki?! Fearless. E kam thanë edhe ma herët, në luftë kisha shku me të.” / KultPlus.com