Etiketë: Warner Bros

Harry Potter vjen me një film të ri për 20 vjetorin, shpalosen detajet e rëndësishme

Posted on by Kult Plus

Yjet e filmave “Harry Potter” do të ribashkohen pas dy dekadave për të bërë një paraqitje speciale televizive për përvjetorin, që do të transmetohet në janar të vitit 2022, shkruan KultPlus.

“Harry Potter and the Sorcerer’s Stone” ishte filmi i parë i publikur nga Warner Bros dhe shikueshmëria e tij theu shumë rekorde.

Tani, kjo studio filmike ka bërë të ditur se Daniel Radcliffe, Emma Watson dhe Rupert Grint, të cilët luanin respektivisht treshen e miqëve Harry, Hermione, Ron, do të bashkohen përsëri.

Ata tani në të 30-tat e tyre do të shfaqin së bashku me anëtarët e kastit dhe krijuesit e filmave një shfaqje televizive speciale dhe shumë nostalgjike.

Autori britanik J.K. Rowling, i cila shkroi librat ku bazohen filmat dhe ka punuar ngushtë me producentët e filmit nuk do të jetë prezent këtu

Specialja e quajtur “Harry Potter 20th Anniversary: ​​Return to Hogwarts”, do të shfaqë intervista të thelluara të aktorëve dhe momente nga prapaskenat nga tetë filmat dhe shpreson të “nderojë magjinë pas krijimit të filmave”, tha Warner Bros.

Fillimi i transmetimit do të jetë pas mesnate, në ditën e parë të vitit 2022. Transmetimi do të bëhet në platformën HBO Max./KultPlus.com

Filmi “The Bodyguard” së shpejti i ripunuar për fansat e tij

Posted on by Kult Plus

Dramaturgu Matthew López, i cili u nominua për çmimin Toni për dramën “The Inheritance”, u angazhua të shkruaj edhe skenarin e filmit ikonik në të cilin me rol debutoi ikona e muzikës Whitney Houston, të pagëzuar “The Bodyguard”.

Këtë film do ta realizojë Warner Bros.

Filmi i ri “The Bodyguard” do të realizohet inspiruar nga drama e vitit 1992, në të cilën me role paraqiten Houston dhe Kevin Costner.

Filmi origjinal fitoi mbi 400 milionë dollarë amerikan në Box office-n botëror, si dhe u konsiderua filmi me muzikën më të mirë të të gjitha kohërave, ku disa këngë të Hjuston kryesuan toplistat aso kohe.

Lawrence Kasdan nga kompania Kasdan Pictures dhe Dan Lin, si dhe Jonathan Eirich nga Rideback janë prodhuesit e filimit të ri.

Kasdan ishte skenarist dhe producent edhe i filmit origjinal.

Deri më tani nuk është bërë i ditur ekipi e aktorëve që do të paraqiten me role në filmin e ri.

Filmi i skenaristit Lopez, “The Inheritance” u dha premierë në Londër në vitin 2018, ku u vlerësua drama më e rëndësishme amerikane e shekullit. Më pas u shfaq në West End, e në Broadway në vjeshtën e vitit 2019. /21Media / KultPlus.com

Johnny Depp do të marrë 10 milionë vetëm për një skenë të filmit

Posted on by Kult Plus

Johnny Depp do të marrë pagën e plotë pavarësisht se xhiroi vetëm një skenë të filmit.

Johnny Depp do të marrë në shtëpi të paktën 10 milion dollarë për filmimin e një skenë në ‘Fantastic Beasts 3’, pasi Warner Bros preu lidhjet me aktorin e zënë në betejë me Amber Heard, shkruan Daily Mail.

Warner Bros duhet të paguajë 57-vjeçarin me pagën së tij të plotë për filmin, për të cilin ai xhiroi një skenë që kur prodhimi filloi më 20 shtator në Londër.

Studio i tha ekuipazhit javën e kaluar se Depp nuk do të luante më ‘Gellert Grindelwald’ në filmat e J.K.Rowling.

Përveç kësaj, shfaqja e filmit është shtyrë deri në 15 korrik 2022 mes rrethanave të vazhdueshme që ndryshojnë në industrinë e teatrit mes pandemisë së Covid-19, njoftoi Deadline.

Më parë ishte parashikuar të mbërrinte në kinema më 12 nëntor 2021, ndërsa sipas botimit, Warner Bros kërkoi që Johnny Depp të largohej nga filmi./Lajmi.net/ KultPlus.com

Warner Bros. nis shfrytëzimin e inteligjencës artificiale për të parashikuar suksesin e filmave

Posted on by KultPlus

Warner Bros. do të fillojë ta përdorë inteligjencën artificiale (AI) për të parashikuar se sa të suksesshëm mund të jenë filmat e tyre në arkat kinematografike. Platforma do t’i mundësojë që t’i testojë rezultatet e profitabilitetit në varësi të faktorëve të ndryshëm, përfshirë distribuimin dhe datën e lansimit.

Warner Bros. Pictures International, kompani kjo e cila përfshihet në “big six” të Hollywoodit, ka nënshkruar kontratë me start-up kompaninë “Cinelytic” nga Los Angeles për përdorimin e sistemit të tyre të menaxhimit të projekteve, raporton “Hollywood Reporter”.

Kjo vegël parashikimi u prezantua vitin e kaluar dhe ofron një pasqyrë gjithëpërfshirëse në industrinë e filmit, shkruan KOHA Ditore. Ata pretendojnë se platforma është në gjendje të parashikojë me saktësi se sa para do t’i fitojnë nga shitjet e biletave duke përdorur të dhëna të ndryshme.

Një prej funksioneve ua mundëson producentëve të shohin se si përfshirja e aktorëve të caktuar do të ndikonte në profitabilitetin e filmit. Gjithashtu, rezulton se sistemi i rendit aktorët për nga ndikimi i tyre ekonomik në industrinë e filmit, përfshirë sipas llojit të mediave, zhanrit dhe “territoreve kyç”.

Për testimin e skenarëve mund të reprodukohen edhe skenarët e ndryshëm të distributorëve dhe publikimeve, raporton “Sky News”. / KultPlus.com