Ndryshime do të ndodhin për llogaritë me mijëra ndjekës në platformën e rrjeteve sociale X, siç njoftoi të enjten, pronari i platformës, Elon Musk.
Siç shkroi ai në postimin e tij, ato llogari me më shumë se 2500 ndjekës të konfirmuar do të mund të kenë akses falas në paketën Premium që kushton 8 dollarë në muaj.
Kjo paketë i lejon përdoruesit të modifikojë dhe të shkruajë postime më të gjata, si dhe të kufizojë numrin e reklamave që shohin në burimin e tyre, duke shtuar gjithashtu një shenjë blu pranë emrit të tyre.
Musk njoftoi gjithashtu ndryshime për ata me 5000 ose më shumë ndjekës të certifikuar që do të marrin paketën Premium+ falas, me vlerë 16 dollarë në muaj, e cila i jep akses Grok, programi i inteligjencës artificiale që ka aftësinë, sipas krijuesve të tij, “për t’u përgjigjur në pothuajse gjithçka”.
Kjo lëvizje, siç theksohet nga Sky News, vjen pas mohimit të informacionit se numri i atyre të lidhur me X është ulur që kur Musk bleu platformën.
Sipas të dhënave të cituara nga kompania Sensor Tower, numri i përdoruesve ditorë të X ra me 174 milionë në shkurt, një rënie prej 15% krahasuar me muajin korrespondues në 2023./KultPlus.com
Komisioni i BE-së pas X tani po shënjestron edhe platformën TikTok të preferuar nga të rinjtë. A e shkelin kinezët ligjin e BE-së për shërbimet digjitale?
Që nga vera e vitit të kaluar sipërmarrja kineze TikTok dhe të tjera platforma të mëdha në internet duhet të respektojnë ligjin e BE-së për shërbimet digjitale (DSA). Qysh përpara dy muajsh Komisioni i BE-së si autoriteti përgjegjës për mbikqyrjen shprehu dyshime ndaj koncerneve të mëdha të internetit dhe se TikTok nuk i respekton këto norma mjaft rigoroze, krahasuar në nivel ndërkombëtar. Hetimet paraprake kanë nisur ndërkohë dhe TikTok-ut u pozicionua. Por sipas mendimit të Komisionit të BE-së, shpjegimet nga ana e TikTok-ut kanë qenë të pamjaftueshme.
Për këtë arsye komisari përgjegjës për politikën Industriale, Thierry Breton, komunikoi përmes platformës X, se ka nisur zyrtarisht një procedurë kundër TikTok-ut. Nëse autoriteti i BE-së konstaton shkelje, kërcënojnë gjoba të majme. Gjoba mund të arrijë deri në pesë përqind të xhiros ditore të TikTok-ut. Por se sa është aktualisht xhiroja e TikTok-ut nuk dihet, sepse kjo platformë nuk i bën publike shifrat e biznesit të vet.
Por nuk është vetëm TikTok nën lupën e Komisionit të BE-së, ndërkohë që nga dhjetori vazhdon një proces kundër platformës X lidhur me dyshimet për përhapje të informacioneve të rreme dhe përmbajtjeve me bazë urrejtjeje. Po ashtu po zhvillohen hetime paraprake edhe ndaj të tjera platformave në rrjet. Procesi kundër TikTok-ut mund të zgjasë me muaj. Platforma e videove, që sipas të dhënave numëron rreth 142 milionë përdorues në muaj në Europë, mund t’u kundërvihet me proces gjyqësor vendimeve të verifikuesve të BE-së. Në mbarë botën mbi një miliardë njerëz përdorin çdo muaj TikTok-un.Mangësi në mbrojtjen e të rinjve?
Komisari i BE-së, Thierry Breton, akuzon TikTok-un, se nuk respekton mjaftueshëm mbrojtjen e të rinjve. Të rinjtë nën 16 vjeç do të duhet që të mund ta përdorin vetëm me kufizime TikTok-un. Të rinjtë dhe fëmijet nën 13 vjeç duhet të lejohen të përdorin vetëm një version të kufizuar. Verifikimi i moshës është i pamjaftueshëm, sepse TikTok kur hap llogari në të, pyetjen për moshën e bazon tek vetëdeklarimi, pa kërkuar verifikimet përkatëse. Por nuk është vetëm ky një problem specifik i TiTok-ut edhe të tjera medie të koncernit Meta, X apo faqet e pornografisë veprojnë ngjashëm. TikTok-u e pranon në faqen e vet, se kjo është në varësinë e sinqeritetit të përdoruesve.
Tek klientët nën 16 vjeç shërbimi e kufizon kohëzgjatjen e përdorimit ditor në një orë. Por ky kufizim mund të shfuqizohet me vetëm fare pak klikime. Ligji i BE-së për shërbimet digjitale (DAS) ndalon reklamën e personalizuar për njerëzit nën 16 vjeç. Edhe kjo është e vështirë të respektohet kur mungon verifikimi i moshës, mendojnë verifikuesit e Komisionit të BE-së.
A kthehet në varësi TikTok-u?
Komisioni i BE-së gjithashtu shpreh shqetësim, se algoritmi i TikTok-ut u imponon përdoruesve një fluks të pafund videosh, duke ndjekur të gjitha preferencat personale të tyre. Kjo “joshje” në aplikacion mund të kthehet në një varësi të pakontrollueshme tek përduruesit e TikTok-ut. TikTok e hedh poshtë këtë, duke thënë, se algoritmi është konform normave të DSA dhe mund të deaktivizohet. Por opcioni i deaktivizimit në menynë e aplikacionit është i fshehur dhe mund të arrihet pas shumë klikimeve. Ky rregullator dhe opsionet që zbulohen me vështirësi janë një problem jo vetëm i TikTok-ut. Studiuesit e medias, që prej vitesh konstatojnë, se TikTok-u, që përdoret intensivisht nga të rinj nën 25 vjeç, ka një potencial të madh për t’u kthyer në ves tek përdoruesit. “Ka mjaft aspekte që japin shkas të besosh, se një dizajnim enkas i TikTok dhe të tjera platformave mund të nxisin varësinë ndaj aplikacionit”, tha në televizionin ZDF eksperti i internetit Julian Jarusch nga fondacioni “Përgjegjësia e re”. “Mbledhja e dëshmive, për të provuar që kjo është ose jo e vërtetë, nuk është detyrë e lehtë për Komisionin e BE-së.”TikTok gëzohet për qartësim
Një zëdhënës i TikTok-ut shpjegoi, se firma, që i përket koncernit kinez Bytedance, do të angazhohet edhe më tej për përmirësimin e mbrojtjes së të rinjve. “Ne do të punojmë edhe më tej me ekspertë dhe me industrinë, për ta konceptuar më të sigurtë TikTok-un. Ne gëzohemi që na jepet rasti tani, të mund t’ia shpjegojmë këtë në detaje Komisionit të BE-së.” Komisioni i BE-së do që krahas mbrojtjes së të rinjve të marrë një listë të të gjithë klientëve të reklamave. Gjithashtu duhet garantuar për studiuesit aksesi tek të dhënat e TikTok-ut, ashtu sikurse është përcaktuar në ligjin për shërbimet digjitale.
Drejtori ekzekutiv i TikTok-ut, Shou Zi Chew, ishte në janar në Bruksel tek komisionerët e BE-së, për t’u shmangur atyre rezervat ndaj platformës së videove të shkurtra. CEO i TikTok-ut që vjen nga Singapori iu përgjigj pyetjeve të detajuara gjatë një intervistimi në senatin e SHBA-së. Deputetët shprehën kryesisht shqetësimin, që TikTok të dhënat e përdoruesve ia pason koncernit amë ose që platforma mund të konsiderohet si një software spiunazhi. Në valën e intervistimeve të ngjashme në vitin 2023 shefi i TikTok-ut pranoi, se ai nuk do t’ua lejonte fëmijëve të tij (atëherë gjashtë dhe tetë vjeç) përdorimin e kësaj platforme. Në Singapor, ku jetojnë fëmijët e tij, nuk ka kufizim moshe për qasjen në platformën që po rritet vrullshëm./DW/KultPlus.com
Platforma X, dikur Twitter, është rrjeti social në të cilin shpërndahen më së shumti dezinformata dhe gënjeshtra për sa i përket numrit të postimeve, siç tregohet, ndër të tjera, nga hulumtimi i Komisionit Evropian i kryer me të anketuarit në disa vende anëtare të BE-së.
Praktikisht, siç shkruan shërbimi britanik BBC, hulumtimi është kryer në 6000 postime unike në rrjetet sociale Facebook, Instagram, Linkedin, TikTok, Ix dhe YouTube, dhe gjetjet e studimit tregojnë se rrjetet sociale globalisht transmetojnë përmbajtje të ndjeshme dhe të verifikuar në mënyrë të pamjaftueshme, pra manipuluese.
Studimi analizoi përmbajtjen në tre vende të konsideruara veçanërisht në rrezik të dezinformimit, Spanjë, Poloni dhe Sllovaki.
Ndërkohë, BE-ja lëshoi një paralajmërim për Elon Musk që të respektojë ligjet e reja për lajmet e rreme dhe propagandën ruse pasi u zbulua se X kishte më shumë dezinformata nga platformat e tjera kryesore të mediave sociale, raportoi Guardian.
Raporti analizoi shkallën e dezinformimit në një raport të ri, i cili zbuloi për herë të parë shkallën e lajmeve të rreme në mediat sociale në të gjithë BE-në, me miliona llogari të rreme të hequra nga TikTok dhe Linkedin. Është interesante se Facebook u emërua shkelësi i dytë më i keq kur bëhet fjalë për dezinformimin, sipas raportit, i cili gjithashtu thekson se nëse rrjetet sociale nuk përputhen me rregullat evropiane të shkëmbimit të të dhënave, Brukseli në të ardhmen e afërt mund t’i shpallë ato të paligjshme sipas Aktit të Shërbimeve Dixhitale, (DSA), e cila hyri në fuqi në gusht.
Ndërkohë, Facebook dhe gjigantë të tjerë të teknologjisë, duke përfshirë Google, TikTok dhe Microsoft, janë nënshkruar në një kod praktike të hartuar nga BE për të siguruar që ata mund të përgatiten në kohë për të vepruar sipas ligjeve të reja. Twitter ka braktisur kodin e praktikës, por sipas ligjit të ri kërkohet të ndjekë rregullat ose të përballet me një ndalim në mbarë BE-në./KultPlus.com
X, i njohur më parë si Twitter, do të mbledhë të dhëna biometrike për përdoruesit e tij, si një fotografi të fytyrës së tyre, në një përditësim të politikës së privatësisë, sipas BBC.
Personat e regjistruar në shërbimin e tij të abonimit, X Premium, mund të zgjedhin të ofrojnë një selfie dhe ID me foto për verifikim.
Gjithashtu, X mund të mbledhë të dhëna rreth punësimit dhe arsimimit.
Kjo do të shërbente për të rekomanduar alternativa punësimi, për t’i ndarë me punëdhënësit e mundshëm ndërsa aplikohet për një punë.
Ka pasur spekulime se X mund të kërkojë të ofrojë shërbime rekrutimi.
Në maj, “X Corp” bleu një shërbim rekrutimi teknologjik të quajtur “Laskie”, sipas raporteve.
Politika e re e privatësisë do të hyjë në fuqi më 29 shtator.
“Ne mund të mbledhim dhe përdorim të dhënat tuaja personale, të tilla si të dhëna rreth punësimit dhe arsimit, preferencat e punësimit, aftësitë, aktiviteti dhe kërkesat për punë, etj.), për të rekomanduar punë të mundshme për ju, për të ndarë me punëdhënësit e mundshëm kur aplikoni për një punë, për t’u mundësuar punëdhënësve të gjejnë kandidatë të mundshëm dhe për t’ju treguar oferta më të përshtatshme”, tha Musk.
“Të dhënat biometrike mund të nxirren si nga ID-ja ashtu edhe nga imazhi selfie për qëllime të ngjashme. Kjo do të na ndihmojë gjithashtu, për ata që zgjedhin, një llogari me një person real duke përpunuar ID-në e tyre të lëshuar nga qeveria. Kjo do të ndihmojë gjithashtu X të luftojë përpjekjet për imitim duke e bëre platformën më të sigurt”, tha ai./KultPlus.com
Aplikacioni në pronësi kineze thotë se funksioni i ri u jep përdoruesve “një mënyrë tjetër për të shprehur veten”.
Aplikacioni i transmetimit të videove TikTok do të ofrojë postime vetëm me tekst pasi bëhet gjigandi më i fundit i teknologjisë për të sfiduar X, platformën Twitter të riemërtuar të Elon Musk. Aplikacioni në pronësi kineze thotë se funksioni i ri u jep përdoruesve “një mënyrë tjetër për të shprehur veten”.
Në fillim të këtij muaji, TikTok lançoi një shërbim të ri transmetimi muzikor për platformat rivale si Spotify dhe Apple Music. Njoftimi vjen pasi Twitter hoqi logon e famshme të zogjve blu dhe kaloi në një X bardh e zi.
Përdoruesve të TikTok tani do t’u ofrohen tre opsione në aplikacion – nëse do të postojnë foto, video ose tekst. Ata gjithashtu do të jenë në gjendje të personalizojnë postimet duke shtuar zë, vendndodhje ose Duet, të cilat janë reagime video ndaj postimeve të përdoruesve të tjerë të TikTok.
“Këto veçori e bëjnë atë që postimet tuaja me tekst të jenë po aq dinamike dhe interaktive sa çdo postim video ose foto,” tha TikTok në një deklaratë.
Ajo erdhi vetëm disa javë pasi TikTok, i cili është në pronësi të ByteDance të Kinës, lançoi një shërbim të ri transmetimi muzikor, TikTok Music, në Brazil dhe Indonezi. Javën e kaluar, kompania lëshoi gjithashtu një version beta të shërbimit në Singapor, Meksikë dhe Australi.
Një zëdhënës tha se do t’i lejojë përdoruesit të “dëgjojnë, ndajnë dhe shkarkojnë muzikën që kanë zbuluar në TikTok, si dhe të ndajnë këngët dhe artistët e tyre të preferuar me komunitetin e tyre TikTok”.
Aplikacioni po teston veçori të tjera , duke përfshirë një modalitet të ri peizazhi me përdorues të zgjedhur në mbarë botën. Platformat e njohura të mediave sociale si Facebook, Instagram dhe Threads e Metës, si dhe X e zotit Musk, tashmë mbështesin postimet me tekst.
Në fillim të këtij muaji, shefi i Meta, Mark Zuckerberg tha se platforma Threads e kompanisë së tij kishte regjistruar më shumë se 100 milionë përdorues në më pak se pesë ditë.
Më 5 korrik, Threads doli drejtpërdrejt në dyqanet e aplikacioneve Apple dhe Android në 100 vende, përfshirë MB. Gjithashtu këtë javë, zogu blu në rrjetin social Twitter u zëvendësua nga një logo me një X të bardhë në një sfond të zi. / KultPlus.com
