Etiketë: Zendaya

Zendaya i bashkohet kastit të ‘Shrek 5’, zbulohet roli i aktores

Posted on by Kult Plus

Zendaya i bashkohet kastit të Shrek 5.

Shrek 5 është një nga filmat e animuar të shumëpritur. Ylli i Hollivudit Zendaya i është bashkuar kastit të Shrek 5 . Ajo i është bashkuar grupit të zërit të filmit të ardhshëm si Felicia, një nga trenjakët e Shrekut dhe Fionës.

Universal Pictures bëri njoftimin e aktorëve të Shrek 5 të enjten, teksa ndau teaser-in e parë.

Kanë kaluar 15 vjet që nga shfaqja e filmit të fundit të Shrek-ut në vitin 2010. Që atëherë, fansat kanë pritur me padurim pjesën e pestë.

Në pjesën e pestë të Shrek , Mike Myers, Cameron Diaz dhe Eddie Murphy do të ripërsërisin rolet e tyre përkatëse si Shrek, Gomari dhe Princesha Fiona.

Walt Dohrn, Conrad Vernon dhe Brad Ableson kanë drejtuar filmin, ndërsa Gina Shay dhe Chris Meledandri janë producentët.

Shrek 5 është gati të dalë në kinematë në Shtetet e Bashkuara rreth Krishtlindjeve, më 23 dhjetor 2026.

Zendaya dhuronj 100 mijë dollarë për teatrin “Shakespeare” në Kaliforni

Posted on by Kult Plus

Zendaya dha një donacion prej 100 mijë dollarësh për teatrin “Shakespeare” të Kalifornisë që ndodhet në qytetin e Oakland, ku ajo filloi karrierën e saj të aktrimit.

Aktorja e “Euphoria” dha kontributin bujar për kompaninë teatrore duke u partnerizuar me Rrjetin e Donatorëve të Grave (WDN).

Në një deklaratë që u publikua në faqen zyrtare të teatrit, u zbulua se ajo i dhuroi fondet për “North Star Fund”, i cili shkon drejt shfaqjeve të ardhshme, si dhe përmirësime të tjera, shkruan DailyMail.

“Ne i jemi thellësisht mirënjohës Zendayas dhe WDN-së për partneritetin e tyre dhe grantin e tyre bujar prej 100 mijë dollarësh për North Star Fund”, tha Clive Worsley, drejtori ekzekutiv i teatrit, i njohur gjithashtu si Cal Shakes.

“Kjo dhuratë ndihmon që Cal Shakes të vazhdojë të fortë ndërsa përgatitemi për sezonin tonë të 50-vjetorit” – përfundoi ai.

Presidentja dhe CEO e Rrjetit të Donatorëve të Grave, Leena Barakat, u shpreh gjithashtu: “Jemi shumë të kënaqur që jemi në gjendje të ofrojmë këtë grant të përgjithshëm mbështetjeje në partneritet me Zendaya.”

“Shpresojmë që financimi ynë të mbështesë punën tuaj dhe të ndihmojë më tej vizionin tuaj strategjik, kudo që fondet janë më të nevojshme.”

Në vitin 2014, Zendaya tha për “Rolling Out”, teksa reflektoi për zbulimin e parë të pasionit të saj për teatrin dhe aktrimin.

“Mamaja ime punonte në teatrin “Shakespeare” të Kalifornisë kur unë isha shumë e re”, shpjegoi Zendaya për median në atë kohë.

“Unë jam rritur rreth teatrit. Unë isha ajo 8-vjeçarja e çuditshme që ishte e dashuruar me Shekspirin dhe doja të ulesha dhe të shikoja provat për orë të tëra.” – tha më tutje ylli. /KultPlus.com

Zendaya ndër yjet e ftuara për t’u bërë pjesë e Akademisë së Arteve dhe Shkencave

Posted on by Kult Plus

Yjet e hollywoodit, Zendaya dhe Awkwafina, janë në mesin e 819 yjeve të ftuara për t’u bërë pjesë e Akademisë së Arteve dhe Shkencave.

Dy aktoret, së bashku me kolegët e tyre Ana DeArmas, Ryan Murphy, Cynthia Erivo, Matthew Cherry, Constance Wu, John David Washington, Florence Pugh dhe Olivia Wilde, janë ftuar për t’iu bashkuar organizatës e cila njihet për organizimin e ceremonisë prestigjioze “Oscar”, si pjesë e fushatës së vazhdueshme për diversitet në mesin e anëtarëve të akademisë.

Sipas “The Hollywood Reporter”, në mesin e personaliteteve të ftuar për t’u bërë anëtarë të akademisë, 36 për qind prej tyre janë nga komuniteti afrikano-amerikan, 45 për qind janë gra dhe 49 për qind jetojnë jashtë Shteteve të Bashkuara të Amerikës, transmeton Koha.

“Akademia e Arteve dhe Shkencave është e lumtur t’i mirëpres këta persona të jashtëzakonshëm në grupin tonë. Ne gjithmonë i kemi vlerësuar talentet e jashtëzakonshme që e reflektojnë diversitetin e komunitetit global të filmit, dhe tani më shumë se kurrë,” citohet të ketë thënë presidenti i akademisë, David Rubin, përmes një komunikate për media.

Në mesin e të famshmëve të tjerë të cilët pritet të bëhen pjesë e Akademisë këtë javë janë: Yalitza Aparicio, Zazie Beetz, Bobby Cannavale, Kaitlyn Dever, Beanie Feldstein, Tim McGraw, Natasha Lyonne, Eva Longoria, Niecy Nash dhe Thomasin McKenzie.

Edicioni i vitit 2021 i ceremonisë “Oscars” do të jetë i pari, me 10 filma të garantuar në garë për çmimin kryesorë të mbrëmjes, “Filmi më i mirë”.

Anëtarët e akademisë do të kenë mundësi t’i shikojnë filmat e lansuar gjatë vitit përmes uebfaqes së veçantë të akademisë, në mënyrë që të sigurohen që të gjithë filmat konkurrent të vlerësohen sipas meritave nga anëtarët votues. / KultPlus.com