Një ankand i artit i përbërë prej artistëve kryesorë bashkëkohorë të Britanisë ngriti një fond prej 1.9 milion funtash, ose rreth 2.5 milionë dollarë, për të mbijetuarit e zjarrit të ndërteses Grenfell, shkruan New York Times, përcjell KultPlus.
Arti për ankandin Grenfell, nën organizimin e Sotheby’s, këtë të hënë, përfshiu veprat e dhuruara nga Tracey Emin, Antony Gormley dhe Wolfgang Tillmans. Të ardhurat nga shitja e veprave, dyfishuan shumën , e cila para ankandit ishte 700,000 deri 1 milion dollarë. Këto para do të ndahen në mënyrë të barabartë midis 158 familjeve që i mbijetuan zjarrit. Kjo ide u iniciua nga kuratori dhe konsulenti i artit, Katie Heller dhe nga producentja e filmit, Hamish McAlpine.
Kryetari i Sotheby-s në Mbretërinë e Bashkuar, Harry Dalmeny, i cili ishte drejtuesi i ankadit për shitje, kishte deklaura.
“Katastrofa e Grenfell ka pasur një ndikim të thellë mbi të gjithë ne. Jemi shumë të lumtur që mund të bëjmë diçka për të ndihmuar në sigurimin e ndihmës për viktimat”, ishte shprehur Dalmeny.
“Kur Grenfell ndodhi, si të gjithë, unë u tërbova tërësisht nga mërzia dhe doshiroja të bëja diçka”, tha Heller në një intervistë telefonike.
“Mënyra më e mirë që unë të mund të ndihmoja personalisht ishte të bëja një ankand bamirësie”, pohoi ajo.
Të gjitha veprat ishin shitur. Vepra që solli çmimin më të lartë ishte nga filmi i kërkuar i fotografit Wolfgang Tillmans, “Freischqëimmer”. Ai u dha për £ 392,750, më shumë se dyfishi i shumës prej 120,000£ deri në180,000 £. “Smarr Charge ” e Antony Gormley u shit për 344.750 funte dhe “Bad School Boy” i Yinka Shonibare për 200,00 funte.
Në një shikim privat përpara ankandit, familjet patën rastin të shohin veprat të cilat ishin në shitje. Heller tha se ishin konsultuar me këto familje para se të ndodhte projekti. “Ne ishim të shqetësuar se mund të perceptohej se ishte bota e artit elitist që po mblidhej dhe që po japin para në njerëz më fatkeq”, tha Heller.
“Ne u kërkuam familjeve të tregonin se për çfarë ata kishin me të vërtetë nevojë dhe ata kërkuan mbështetje financiare”, përfoundoi Heller.
Të paktën 80 persona vdiqën në zjarr në bllokun e strehimit social të Grenfell në qershor. Shumica e familjeve të mbijetuara ende jetojnë në hotele, duke pritur që të ri-strehohen./ KultPlus.com