Pamje të mrekullueshme ka marrë fshati Bishtazhin i Gjakovës në prag të festave të fundvitit. Pjesa ku ndodhet Kisha e ”Zojes Rruzare” është dekoruar dhe ndriçuar tejet bukur duke bërë që ambienti të duket mjaft festiv.
Ky dekorim është realizuar nga banorët e fshtatit, të cilët kanë thënë se për këtë punë janë angazhuar rreth një muaj. Ndërsa për t’u arritur kjo pamje të rinjtë janë ndihmuar financiarisht nga bashkëfshatarët nga diaspora.
Kisha e “Zojes Rruzare” gjendet në fshatin Bishtazhin të Gjakovës dhe ka filluar të dekorohet që nga viti 2003. Kjo kishë hap dyert e saj për të gjithë vizitorët nga data 1 dhjetor deri me 1 janar, çdo ditë nga ora 17:00. / KultPlus.com
