Dikur aktor aktiv në skenën kulturore të Kosovës, politikani Lirak Çelaj është nominuar për Kryetar të Prishtinës.

Kryesia e PDK-së sonte ka marrë vendimin që kandidat i saj për kryetar të Prishtinës të jetë Lirak Çelaj. Çelaj është kryetar i degës së PDK-së në kryeqytet dhe asamblist i kësaj partie në Kuvendin Komunal.

Partia Demokratike sonte për orën 23:00 do të mbajë një konferencë për media, në të cilën pritet të bëhen publik emrat e kandidatëve për kryetar të të gjitha komunave të vendit.

Çelaj është i njohur sidomos për rolin e tij në komedinë “Tre Gjermanët e Trashë”, një shfaqje dhe emision televiziv i njohur për shumë gjenerata në Kosovë. / KultPlus.com