Më 4 tetor me fillim nga ora 20:00, në Pallatin e Kongreseve në Tiranë, do të shfaqet premiera botërore e baletit nga koreografi franko-shqiptar Angelin Preljocaj, shkruan KultPlus.

Bëhet fjalë për premierën ndërkombëtare të krijimtarisë së re të Preljocajt, e cila mbahet ende ‘sekret’, e shoqëruar nga rimarrja e duo-s mashkullore të vitit 1989 ‘Un trait d’Union’. Një kërcim trup me trup ‘poetik dhe pasionant’ i shkruar mbi muzikën koncertore të J.S.Bach dhe i interpretuar nga Glenn Gloud.

Kjo premierë vjen me mbështetjen e bankës Société Générale Albanie, Kabinetit Boga & Associates dhe Teatroskop-it në kuadër të FranceDanse Orient-Express. Teatroskop është një program i krijuar nga Instituti Francez, Ministria e Kulturës dhe Ministria e Europës dhe e Punëve të Jashtme. Biletat online që nga tani janë në dispozicion të audiencës ndërsa duke nis nga 27 shtator ato mund t’i gjeni edhe pranë Pallatit të Kongreseve./ KultPlus.com