Juria e edicionit të dymbëdhjetë të FNT Skupifestivalit, e përbërë nga Almir Bashoviq, Kushtrim Bekteshi dhe Dimce Nikolovski kanë zgjedhur shfaqjen “Mielli në damarët tonë” si shfaqjen më të mirë për këtë edicion, shkruan KultPlus.

“Mielli në damarët tonë” nga Igor Shtiks dhe me regji të Boris Lijesheviq është në produksion të Teatrit të Luftës nga Sarajeva dhe teatri SARTR.

Juria gjithashtu ka shpërblyer edhe aktoren Ema Andrea nga shfaqja “Nëna dhe fëmija”, e autori Jon Fose me regji të Dino Mustafiq. Ajo është shpërblyer me çmimin special, për interpretimin e veçantë, energjik, elasticitet në interpretim, ku i gjithë arsenali interpretues ishte i përputhshëm ne kreativitetin e personazhit.

FNT Skupifestivalit përfundoi mbrëmë edicionin e tij të 12-të me shfaqjen e fundin ne program “Robëroje veten” nga Teatri i Pavarur “Dhoma e Pritjes”, Cluj-Napoca, Rumani./ KutlPlus.com