Ylli i Broadway Ann Reinking e cila ka luajtur rolin e Roxie Hart në muzikalin “Chicago” ka vdekur në moshën 71 vjeçare, ka bërë të ditur menaxheri Lee Gross.

Ajo ka vdekur në gjumë në një hotel në Seattle të dielën, ka thënë kunata e saj, Dahrla King për New York Times. Shkaqet e vdekjes ende nuk janë bërë të ditura.

Në një deklaratë familja vajtoi humbjen e “shpirtit saj të bukur”, transmeton KultPlus.

“Bota dhe familja jonë ka humbur një talent të mrekullueshëm dhe një shpirt të bukur. Ann ishte zemra e familjes dhe jeta e festave. Ajo ishte për vizitë te vëllai i saj në Washington dhe shkoi për të fjetur, e nuk u zgjua kurrë. Do të na mungojë më shumë sesa që mund të thuhet”, thuhet në deklaratën e familjes. / KultPlus.com