Pas një periudhe të gjatë sfidash organizative, në Teatrin shqiptar të Kumanovës sot kanë filluar provat për shfaqjen e parë të këtij viti, me një tekst të jashtëzakonshëm të autorit shqiptar Jeton Neziraj dhe në regjinë e mjeshtrit Erson Zymberaj, përcjell KultPlus.

Ekipi i shfaqjes i përbërë nga aktorë të talentuar dhe profesionistë teknikë, me angazhim të madh po punon me pasion dhe përkushtim për të sjellë para jush një spektakël të jashtëzakonshëm.

“Ne jemi të bindur se çdo element i shfaqjes, nga interpretimi i magjepsëshëm i aktorëve deri në skenografinë e përsosur dhe kostumet e kujdesshme, do të krijohet me kujdes dhe precizion. Shfaqja jonë do të jetë një eksperiencë e pashmangshme për të gjithë ju që do të jeni të pranishëm në sallën tonë të teatrit”, shprehet Mirsad Abazi. / KultPlus.com