Një artist i madh, një profesor i pashoq, një shëtitës në Teatrin Kombëtar të Kosovës dhe një maestro në duart e të cilit janë rritur ata që sot janë aktorë të njohur në Kosovë, Faruk Begolli ia vlen të kujtohet në forma të ndryshme.

Shumë njerëzve u kujtohet “Profesor jam talent se jo mahi”. Humori maksimal në teatër nga gjeneratat e reja erdhi i ndihmuar prej emrit të madh – Faruk Begolli.

https://www.youtube.com/watch?v=Yko57Yfhe9E

Në formën e komedisë, aktorët e sotëm nuk mund ta mohojnë sa shumë mësuan nga Faruk Begolli dhe ky format i cili dikur pati jehonë të madhe dhe interesim të madh në të gjithë Kosovën.

Avni Dalipi, Veton Osmani, Sunaj Raça, Shkumbin Istrefi, Ilire Vinca, Arbnesha Grabovci, Luan Jaha, Armond Morina e emra të tjerë erdhën në episodet e “Profesor jam talent se jo mahi”, shkruan KultPlus.

https://www.youtube.com/watch?v=HA_DKhSRgCY

Duheshin shumë nerva por edhe doza e pozitivitetit që një profesor si Faruku të përballej me gjenerata të ndryshme të aktorëve. Sukseset e tyre sot, dhe emrat lart janë emra të suksesshëm të skenës së teatrit e filmit në Kosovë, tregojnë për trashëgiminë që ka lënë Faruk Begolli.

Begolli nuk harrohet lehtë. Në vitet e 90-ta ai së bashku me Enver Petrovcin themeluan Teatrin “Dodona” në Prishtinë, ku angazhonte studentët e tij dhe aktorë të tjerë duke inskenuar shfaqje të ndryshme teatrale.

https://www.youtube.com/watch?v=cCBqvhPjgTQ&t=233s

Teatri “Dodona” u bë Teatri më i njohur në Kosovë gjatë këtyre viteve duke vazhduar deri më tani.
Begolli është një ndër kolosët e kinematografisë shqipe dhe një prej emrave që shënon historinë e teatrit dhe filmit shqiptar. / KultPlus.com