Rindërtimi i Teatrit “Zihni Sako” në Gjirokastër, një hapësirë e re kulturore për komunitetin e për vizitorët e qytetit të gurtë, është drejt përfundimit.

Kryeministri Edi Rama ndau sot pamje nga ky kantier ndërtimi, një investim i mezipritur nga aktorët, por edhe nga publiku që i Gjirokastrës.

Kjo hapësirë tejet e rëndësishme për jetën kulturore e artistike në Gjirokastër po transformohet falë mbështetjes së qeverisë italiane përmes programit IADSA, me një fond rreth 43 milionë lekë, ndërsa një pjesë tjetër të buxhetit e ka vendosur vetë bashkia.

Teatri “Zihni Sako” u themelua në 27 nëntor 1968 nën udhëheqjen e regjisorit Bernard Kokalari, i cili vuri për herë të parë në skenën premierën dramatike “Shokët”. Plejada e aktorëve të teatrit “Zihni Sako”, kanë dhënë mbi 100 premiera dhe ka marrë pjesë në takimet kombëtare, ku ka merituar edhe çmime. / atsh / KultPlus.com