Aktorët nga Komuna e Prishtinës, me 28 janar të vitit 2018 ishin takuar me iniciativë të disa aktorëve, në Teatrin e Qytetit të Prishtinës ‘Teatri DODONA’, për arsyen e vetme ligjore, formimin e trupës së aktorëve rezident të Teatrit të Kryeqytetit.

Pas shumë diskutimeve dhe ideve të arritjes finale të kësaj iniciative, iniciativa në fjalë nga të pranishmit aktor/e dhe profesor universitar u dakorduan të formojnë bordin e kësaj Iniciative ‘Dodona’, në krye me aktorët: Naser Rafuna, Xhejlane Tërbunja, Fidan Jupolli, Besart Zeneli, Dardan Gashi dhe Molikë Maxhuni

Me 2 shkurt, në Komunën e Prishtinës, u zhvillua takimi në mes të Kryetarit të Komunës së Prishtinës – Shpend Ahmeti dhe Bordit të Iniciativës ‘Dodona’. Në diskutim e sipër u parashtruan kërkesat dhe vonimi i përzgjedhjes së trupës rezidente në Teatrin e Kryeqytetit, si i vetmi Teatër krahas qyteteve tjera që nuk ka funksionalizim të trupës rezidente të aktorëve. Pas dakordimit në mes tyre dhe përkrahjes së idesë konkrete të Kryetarit të Prishtinës për Iniciativën në fjalë dhe pas takimeve të Bordit, ky Bord përpiloi edhe kërkesën legjitimore, pra bazuar në akte ligjore, me qasje konkrete për funksionalizimin e Teatrit, formimin e bordit të këtij Teatri, përzgjedhjen transparente të Drejtorit të Teatrit dhe Udhëheqësit/es artistik/e si dhe kërkesa kryesore, përzgjedhja e Trupës së Aktorëve Rezident të Teatrit të Qytetit të Prishtinës dhe funksionalizimin e tij.

Poashtu edhe formën më transparente të paraqitjeve publike dhe para komisionit për përzgjedhjen e trupës rezidente krahas kushteve të konkursit që i përcakton Komuna e Prishtinës.

Komuna e Prishtinës me datën 12.03.2018 bazuar në kërkesën e dt.05 shkurt me nr prot.29151/18 të Bordit të Iniciativës ‘Dodona’,kërkesë kjo e bazuar në Ligjin nr.04/L-106 për Teatrot ( shpallur në Gazetën Zyrtare me 24 maj 2011),Komuna me datë 12.03 2018 APROVON kërkesën e Iniciativës në tërësi dhe të nesërmen me datë 13.03.2018,Komuna e Prishtinës bën kërkesë te Ministria e Financave gjegjësisht te Ministri i Financave z.Bedri Hamza dhe z.Salvador Elmazi, Drejtor i Buxhetit në Ministrinë e Financave.

Në vazhdim pritet se si do të ecë procesi deri te Ministria e Financave, për të parë nëse do të jetë i suksesshëm në fund krijimi i një Trupe Rezidente. / KultPlus.com