Teatri Oda po vazhdon të sjellë shfaqje dhe diskutime të shumta, ku edhe së fundmi ka publikuar orarin për muajin tetor, shkruan KultPlus.

Shfaqja ‘Audienca e Vaclav Havelit’ nga Jeton Neziraj me regji të Agon Myftarit ka gjetur vendin tashmë më 7 tetor.

Ndërsa, shfaqja “Inspektor Limi” që po rikthehet fuqishëm çdo herë, do të vihet në skenë më 12 dhe 13 tetor. Shfaqja ka për autor Lirak Çelajn, dhe vjen nën regjinë e Florent Mehmetit.

Po ashtu, këtë muaj, vendin do ta zënë edhe diskutimet mbi teatrin. Është tema “Teatri i Izraelit” ajo që do diskutohet në Teatrin Oda më 21 tetor.

Ndërkaq, shfaqjet e fundit si: “Stiffler”, “Burrnesha”, “Pas’humbja”, “The Handke Project”, janë ato që vijnë në kuadër të “Kosovo Theatre Showcase” dhe do të mbahen në datat 26, 27, 28 dhe 29 tetor. / KultPlus.com