Ambasada e Republikës së Kosovës në Tokyo ditë më parë ka organizuar një pritje solemne me rastin e 10 vjetorittë Pavarësisë së Kosovës, shkruan KultPlus.

Po ashtu ky aktivitet është organizuar edhe dhe me rastin e vizitës së Zëvendës kryeministrit dhe Ministrit të Punëve të Jashtme, Behgjet Pacolli.

Në pritje morën pjesë përfaqësues të lartë të institucioneve japoneze, si dhe një numër i madh i përfaqësuesve diplomatikë në Tokyo. Në mesin e 170 pjesëmarrësve, kishte më shumë se 10 ambasadorë. Në ceremoninë hapëse fjalën e mori ministri Pacolli dhe ambasadori Malazogu, zëvendësministri i Jashtëm i Japonisë, Horii Manabu, si dhe Presidenti i Grupit të Miqësisë Parlamentare Kosovë-Japoni, Ryu Shionoya.

Gjatë pritjes u ekspozuan 15 fotografi nga Kosova dhe disa video promovuese të vendit. Pjesëmarrësit u shërbyen me verë të Kosovës që ishte një dhuratë nga prodhuesit e verës në Kosovë dhe Ministria e Punëve të Jashtme. Vepra të Kosovës u interpretua nga një duo kosovaro-japoneze.

Vullnetarët japonezë, disa që kanë jetuar në Kosovë si dhe Organizata Japoneze për Marrëdhënie Ndërkombëtare (JIRO) ndihmuan në organizimin e ngjarjes./ KultPlus.com