Cilat janë faqet kryesore arkeologjike të Kosovës? Si jetuan gratë dhe burrat në civilizimin e mëparshëm? Pse duhet të mbrojmë trashëgiminë tonë kulturore?Janë disa nga pyetjet të cilat do të gjejnë përgjigje më 8 maj, shkruan KultPlus.

Ky diskutim do të bëhet në kuadër të organizimeve për të shënuar Ditën e Evropës dhe për të shënuar poashtu Vitin Evropian të Trashëgimisë Kulturore.

“Me rastin e Ditës së Evropës dhe Vitit Evropian të Trashëgimisë Kulturore, Aleanca Franceze e Prishtinës dhe Ambasada e Francës në Kosovë, në bashkëpunim me Ministrinë e Kulturës, Rinisë dhe Sporteve, organizojnë një konferencë mbi temën e mbrojtjes së trashëgimisë kulturore në Kosovë”, thuhet në njoftimin paralajmërues të kësaj ngjarje që do të mbahet më 8 maj në orën 17:00 në Aleancën Franceze të Prishtinës.

Milot Berisha, arkeolog dhe kryetar i faqes arkeologjike të Ulpianës, do të diskutojë mbi temën e lartcekur me Drejtorin e Institutit Arkeologjik të Kosovës, Enver Rexha dhe Drejtorin e Kulturës së Komunës së Prishtinës, Yll Rugova. Konferenca do të zhvillohet në dy gjuhë, në shqip dhe frëngjisht.
Ndërsa më 9 Maji Ambasada e Francës dhe Aleanca Franceze e Prishtinës, në bashkëpunim me Ministrinë e Kulturës, Rinisë dhe Sportit organizojnë: transport falas me autobusë vajtje-ardhje për në « Parkun Arkeologjik të Ulpianës.
Orari I nisjeve është si më poshtë:
Nisja nga stacioni (vend-ndalimi për autobusë) të Neëborni!
1. Nisja e parë ora 9:00
2. Nisja e dytë ora 11:00
3. Nisja e tretë ora 13:00
Në dispozicion të vizitorëve do të ketë guide nga Milot Berisha, arkeolog dhe përgjegjës për Parkun Arkeologjik “Ulpiana”. Po ashtu edhe këtu transporti dhe guida ofrohen falas. /KultPlus.com