Institucionet partnere të projektit 3D-IMP-ACT dhe programi IPA CBC Itali – Shqipëri – Mal i Zi, filluan sot punën në Parkun Arkeologjik Apolloni për dokumentimin dixhital 3D të monumenteve në këtë park.

Dixhitalizimi i disa monumenteve në Shqipëri, Mal të Zi dhe Itali do të jetë një nga rezultatet e këtij projekti, i cili drejtohet nga Universiteti Politeknik i Barit.

Apollonia gjendet rreth 15 minuta me makinë nga Fieri, një qytet i industrializuar, një orë larg nga qyteti i njohur i Vlorës.

Udhëtimi që bëhet për të arritur aty paralajmëron veçantinë e parkut: Fieri është një qytet me shumë trafik (është një prej rrugëve kryesore në Shqipëri) dhe kaotik, por vetëm pak km nga qendra, duke kaluar në një rrugicë të qetë, të rrethuar vetëm nga natyra dhe të frekuentuara nga barinjtë dhe delet që kullotin, ju mund të arrini direkt në hyrje të parkut arkeologjik.

Gjëja e parë që godet është paqja që mbretëron në këtë cep të Shqipërisë: duket sikur është në një lloj universi paralel. Ndjehet menjëherë unikja e vendit: parku është një kombinim i përsosur i kulturës dhe natyrës dhe karakterizohet nga një atmosferë e qetë. Parku arkeologjik është i ruajtur mirë dhe më i bukuri i zonës, pa dyshim, Tempulli i Apollonisë, edhe Odeoni dhe cisterna.

Pak njerëz e dinë se Apollonia dikur ishte një nga qendrat më të rëndësishme ekonomike dhe tregtare të Mesdheut, këtu studioi edhe perandori i ardhshëm romak Ottaviano Augusto./A.T.SH/ KultPlus.com