Pas jehonës planetare që pati Himni i Nënë Terezës, ngjarje kjo kulmore e vitit të shkuar, vjen edhe një mirënjohje për producenten dhe ideatoren e kësaj ngjarje të madhe, Dijana Toska.

Juria e Çmimit Ndërkombëtar të Arteve të Filatelisë “San Gabriello” e ka përzgjedhur pullën postare dedikuar, Himnit të Nënës Terezë, si pullën më përmbajtësore me karakter fetar.

Autore e pullës postare është Dijana Toska, ndërsa është dizajnuar nga organizata Little People of Kosova, Hilmnijeta Apuk dhe e metuar nga Posta e Kosovës me datë 15 gusht 2016 me rastin e Shenjtërimit të Nënës Terezë.

Siç merret vesh ndarja e çmimit do të bëhet më 24 shtator në Legnano të Veronës në Itali. Si shpërblim Postës së Kosovës do ti akordohet një certifikatë dhe plaketa e lajmërimit “L’Annunciazione” e punuar nga mjeshtri Enrico Manfrini. / KultPlus.com