Eni Zymeri dhe Ed Haliti kanë zënë vendin e dytë në një garë të organizuar nga British Council në Beograd ndërsa  ata janë edhe  fitues të disa çmimeve të tjera me projektin e tyre në robotikë me MicroBita, shkruan KultPlus.

Gara ka qenë e organizuar nga British Council, ku kanë konkurruar pjesëmarrës nga shumë shtete, me rreth njëqind projekte, të cilat paraprakisht kanë fituar në vendet e tyre përkatëse.

Ekipi fitues është shpërblyer në mënyrë prestigjioze, ‘udhëtim në BETT show në Londër’ për të gjithë ekipin dhe një mësues. Shpërblime janë ndarë edhe për vendin e dytë e të tretë, poashtu edhe për projektin më inovativ dhe ekipin i cili demonstron punën ekipore më së miri.

Eni Zymeri dhe Ed Haliti janë nxënës të shkollës fillore “Faik Konica” në Prishtinë./ KultPlus.com