Lojërat Olimpike Dimërore kanë filluar në Korenë Jugore, por njujorkezët kanë shijuar një pjesë të këtyre Lojërave kur Empire State Building shfaqi flamujt e shteteve pjesëmarrëse.

Ndërtesa më e lartë në New York është përkujdesur që të shfaqë edhe flamujt e Kosovës e Shqipërisë, si shtete pjesëmarrëse të Lojërave Olimpike Dimërore.

Kosova merr pjesë me vetëm një sportist. Skitari Albin Tahiri barti flamurin në parakalimin e shteteve në ceremoninë hapëse, derisa Shqipëria do të përfaqësohet nga Erjon Tol dhe Suela Mehilli.