Një vit pas përfundimit të ndërtimit të shtëpisë së mallrave “Gërmia”, gazetarët dhe fotoreporterët e revistës së atëhershme “Zëri i Rinisë”, shkruan një artikull për këtë ndërtesë.

Ndërtesa ishte projektuar nga arkitektja Liljana Rashevski dhe kishte dashur dy vite për ta ndërtuar, hapësirën prej 8.500 metrash në total, duke përfshirë pjesën administrative ku sot është Ministria e Infrastrukturës.

Teksi I 3 shkurtit të vitit 1973, thotë se “Gërmia” u hap më 28 dhjetor, prag të festave të fund vitit. Për ndërtimin e saj thuhej se “sipas llogarisë jodefinitive janë shpenzua afro 5 miliardë (dinarë). Nga këto 30% të mjeteve janë tonat e 70% janë kredi nga Banka e Kosovës”, thuhej në tekst, ku fliste drejtori i atëhershëm Rushit Selimi.

EDHE NJË OBJEKT I RI

Shtëpia e re e mallrave “Gërmia” u hap në një moment mjaft të volitshëm për konsumatorët – 28 dhjetor, në prag të Vitit të ri.
-Sipas llogarisë jodefinitive janë shpenzua afro 5 miliard. Nga këto 30% të mjeteve janë tonat e 70% janë kredi nga Banka e Kosovës. Në 30% një pjesë e bukur e madhe janë investimet e firmave të jashtme me renome të cilat kanë ndihmua varësisht prej interesimit dhe kapacitetit.

I tërë objekti dhe orenditë janë reprezentative jo vetëm në Kosovë por edhe në vend (Jugosllavi).
Jemi munduar që me shpenzimet e bëra të dalim për ballë konsumuesve. Asortimenti është i madh dhe mjaft kualitativ. Jemi furnizuar edhe me mallra të shtrenjta, por që janë shitur.

Fillimi, si zakonisht, ka qenë mjaft i vështirë. Në këtë organizatë të madhe punuese janë inkuadruar shumë të rinj fillestarë dhe të papërvojë. Kemi angazhuar punëtorë me kualifikime të ndryshme (normalistë, ekonomistë, gjimnazistë, etj.) dhe jemi munduar që çdo vendi t’ia përshtatim punëtorët adekuatë.

Interesimi në fillim ka qenë shumë i madh. Gjatë ditës së parë dhe të dytë i tërë objekti ka qenë plot me konsumues dhe me kureshtarë që dëshironin të shikojnë mallin e ekspozuar por edhe me asish që në llogarinë rrjedhëse kanë derdhur më se 130 milionë (dinarë).
INKUADRIMI: Struktura nacionale është 35% me 65%. Nga këta 90% janë të rinj që janë inkuadruar për herë të parë. Të gjithë janë kualifikuar me kualifikime përkatëse. Kemi gjithsejt 272 punëtorë.
Qëllimi është në fak (fakt) plotësimi i kërkesave të konsumatorëve. Furnizimi u përgjigjet mjaft kërkesave të konsumatorëve, por do të kemi edhe gjëra të reja, mall të importuar nga jashtë.
Çdo mall ka çmimin e caktuar dhe të njëjtë me çmimet e mallit në shitoret tjera, na tha drejtori i shtëpisë së mallrave “Gërmia”, Rushit Selimi./ Ndertimi.info/ KultPlus.com