Arkeologët në Danimarkë kanë zbuluar një kamë të vogël të gdhendur me simbole runike gati 2000-vjeçare duke e përshkruar atë si një zbulim të rëndësishëm për të kuptuar historinë njerëzore të rajonit.

”Mbishkrimi është plotësisht unik dhe mund të datohet rreth vitit 150”, deklaroi  muzeu ”Odense”.

Mbishkrimet runike nga kjo periudhë janë zbuluar vetëm një herë, në 1865 në Vimosen, në perëndim të qytetit danez të Odenses.

“Runat në thikë janë shkruar me alfabetin më të vjetër runik të njohur dhe për këtë arsye gjetja e re është një pjesë shumë e rëndësishme e të kuptuarit dhe interpretimit të përdorimit më të vjetër të shkrimit në Danimarkë dhe rajonin nordik”, tha muzeu në një shënim.

Shkrimi runik u përdor nga fiset gjermane dhe është forma më e vjetër e shkrimit e njohur në Skandinavi.

U përdor gjerësisht që nga fillimi përmes epokës së vikingëve deri në Mesjetën e vonë.

Thika u gjet nën mbetjet e një urne në një vend të vogël varrimi në lindje të Odenses.

Fjala “hirila” ishte gdhendur në teh, që do të thotë “shpatë e vogël” në norvegjisht.

”Është e pamundur të thuhet nëse ky ishte emri i vetë thikës apo pronari i saj. Me një gjetje të tillë në duart tona, ne si qenie njerëzore përjetojmë ballë për ballë me të kaluarën. Një mbishkrim runik është si të gjesh një mesazh nga një popull i lashtë”, deklaroi muzeu. / KultPlus.com