Një fotografi ku Sylvester Stallone shihet duke e bërë me duar shqiponjën, simbolin e shqiptarëve, ka ngjallur debat mes grekëve e shqiptarëve në rrjetet sociale.

Jo për herë të parë, debatet e tilla lindin kur ndeshen kulturat dhe secila palë pretendon se gjesti me duar dhe me shqiponjën herë është shqiptar, e herë është një gjest që i takon një kulture e tradite tjetër.

Sylvester Stallone është aktor i njohur ndërsa gjesti në fjalë ka të bëjë me ekipin e “Eagles” në Amerikë, në Super Bowl.

Personi që e ka shpërndarë fotografinë është grek dhe si duket ka provokuar, derisa shqiptarët janë përkujdesur që atij t`ia përkujtojnë faktin se ky gjest tek shqiptarët ka rëndësi të madhe dhe ndodhë shpesh, shoqëruar me krenari.

Ekipi futbollistik i futbollit amerikan Philadelphia Eagles kanë si simbol shqiponjën.

Në fotografinë e postuar nga Kotsios Kotskas, komentet kanë vërshuar duke treguar historinë shqiptare dhe shqiponjën si simbol të para më shumë se 100 vitesh, më herët se kur Shqipëria u bë shtet.
Stallone ka kohë që e përkrahë këtë ekip në forma të ndryshme dhe kjo fotografi tregon mbështetjen e tij për “Eagles”. Videoja dhe kjo fotografi janë realizuar në janar të këtij viti. / KultPlus.com