Fondi i Ministrisë së Kulturës në fushën e artit, kulturës dhe trashëgimisë kulturore do të mbështesë propozime që propozojnë ide dhe sjellin risi në : projekte të edukimit përmes artit, kulturës dhe trashëgimisë kulturore; projekte në funksion të turizmit kulturor bregdetar; projekte në kuadër të “Viti i Skënderbeut”; projekte në kuadër të Vitit të Trashëgimisë Kulturore Europiane; projekte kulturore digjitale; projekte të industrive kreative, shkruan KultPlus.

Ky fond shkon për projekte që zhvillohen ekskluzivisht ose kryesisht në Shqipëri. Propozim-projektet e paraqitura duhet të realizohen brenda vitit buxhetor, që do të thotë se aktivitetet e propozuara duhet të zhvillohen brenda periudhës 20 shkurt – 5 dhjetor të vitit 2018.

Thirrja për projekt-propozime e Ministrisë së Kulturës për vitin 2018, hapet ditën e hënë, datë 4 dhjetor 2017 dhe përfundon ditën e premte, datë 12 janar 2018, në orën 12:00. Përzgjedhja përfundimtare shpallet nga kolegjiumi në datën 15 shkurt 2018.

Për më shumë: http://www.kultura.gov.al/al/newsroom/lajme/hapet-thirrja-per-projekt-propozime-ne-art-kulture-trashegimi-per-vitin-2018./ KultPlus.com