Bruno ishte gati të mos ia dilte, por dikush kaloi afër dhe e shpëtoi.

Derisa fëmijët në lagjen Ulpiana në kryeqytet donin ta mbysnin Brunon, qenush i zi e mjaft simpatik dhe energjik, Blerti – sot pronari i tij, e shpëtoi atë dhe sot shëtitë rrugëve të Prishtinës me të.

Në këtë kohë kur po shohim se si njerëz të pashpirt i fusin në përleshje mes vete qenushët e tyre, Blerti vjen si shembull i shpëtimit të një kafshe – një qenie tjetër në këtë botë.

Në faqen United for Animals është treguar rasti i Brunos, i cili sot e ka edhe faqen e tij në Instragram. Nuk keni parë një qenush më të bukur dhe energjik sesa Bruno.

“Adoptimi i Brunos ka qene njo prej vendimeve ma te mira qe i kom mar deri tash! Edhe pse Bruno ka qene i keqtrajtum prej fmive, sot ai i jep secilit fmi dashuri me krejte qenien e tij. Po shpresoj qe edhe njerez tjere si une kane me i jep vetes rast me perjetu dashurine e pakrahasueshme te nji qenit endacak” ka shkruar Blerti në postimin në Facebook, duke treguar rrugëtimin që i ndodhë çdo ditë me Brunon, rrugëtim ky i nevojshëm edhe për jetën e Blertit.

Brunon po provonin ta mbysnin duke e future në qese, duke e fundosur në ujë që t`ia merrnin jetën në një mënyrë mizore, fëmijët e paedukatë të Prishtinës. / KultPlus.com