India është bërë gati që të zbulojë statujën më të lartë në botë. Zbulimi i statujës që është dy herë më e lartë sesa “Statuja e Lirisë” do të bëhet javën e ardhshme.

Statuja paraqet figurën e Sardar Vallabhbhai Patel, një politikani dhe lideri i cili ishte pjesë e luftës që rezultoi me lirinë e Indisë nga sundimi britanik në vitin 1947.

Monumenti i quajtur “Statuja e Unitetit” është 182 metra e lartë, pothuajse dy herë më e lartë sesa “Statuja e Lirisë” dhe pothuajse 50 metra më e lartë sesa statuja që mban rekordin aktual të statujës më të lartë në botë, “Tempulli i Budizmit” në Kinë.

E vendosur në ishullin Sadhu në pjesën perëndimore të Indisë, “Statuja e Unitetit” ka kushtuar 450 milionë funte. Për ndërtimin e saj është kërkuar ndihmë edhe nga fermerët të cilët kanë dhuruar çelikë./ KultPlus.com