Hulumtuesja shkencore Meliza Krasniqi e cila po qëndron këto ditë në një konferencë shkencore në Shkodër, ka takuar një person shumë të rëndësishëm sa i përket kulturës shqiptare, shkruan KultPlus.

Ajo është takuar me autorin e tekstit të këngës “Xhamadani vija – vija”, Alfred Capalikun, këngë kjo që është kënduar në vitet e 90-ta nga këngëtarja Shkurte Fejza, këngë e cila për një kohë të gjatë ishte shndërruar pothuajse në një himn kombëtar.

““Xhamadani vija vija”
A e dini kush e shkroi këngën më të kënduar shqiptare ndonjëherë, të njohur si “Xhamadani vija vija”?
Kjo këngë, e cila pothuajse e ka humbur autorësinë dhe po kalon në folk, është shkruar nga profesori, poeti në foto Z. Alfred Çapaliku me kompozitor Zef Çoba. Kjo këngë është shkruar brenda natës në periudhën 1992/3 për Shkurte Fejzën dhe titulli origjinal i saj ishte: “Kam një lot, m’pikon si ar.”
#mbanimend #xhamadani”, ka shkruar Meliza Krasniqi./KultPlus.com