Turizmi në Shqipëri këtë vit është promovuar nga media të njohura në botë. Së fundi, janë mediat franceze ato që kanë përshkruar për mrekulli vendet turistike në Shqipëri, duke filluar nga Tirana, Berati, Gjirokastra, Korça, Saranda e Dhërmiu, shkruan KultPlus.

I lumtur për këtë fakt po ndihet padyshim edhe kryeministri i Shqipërisë Edi Rama, i cili ditën e fillon me këtë lajm të mrekullueshëm për Shqipërinë.

“Mirmengjes, dhe ju uroj një ditë të mbarë me këtë artikull të radhës për Shqipërinë turistike, botuar në mediat franceze”, shkruan Rama.

Këtë verë të gjithë në Shqipëri! Shqipëri, destinacioni i ruajtur jashtë rrugëve të rrahura … dhe nga turistët!, kështu e nisë shkrimin kjo media franceze, për të vazhduar tutje me përshkrimin e mrekullueshëm të vendeve më të bukura shqiptare.

Pjesë nga artikulli:

Ajo rimon me Kroaci, por ky destinacion është ende më pak turistik (për momentin) prandaj shkoni për një udhëtim në Shqipëri! Rrethuar nga Mali i Zi, Kosova, Maqedonia dhe Greqia, Shqipëria i ka shpëtuar turizmit masiv. Vendi gëzon një pasuri dhe diversiteti peizazhesh të jashtëzakonshme për të dashuruarit e natyrës, relaksit në plazh, dhe të fshatrave të vegjël. Pak e njohur mes turistëve, nxitoni për të shijuar qoshet e vogla të parajsës sa nuk është tepër vonë.

Tirana
Me rrugët e gjera dhe ndërtesat imponuese të periudhës komuniste, kryeqyteti Tirana, shumë larg së kthyeri në të kaluarën, shpërthen në ngjyra dhe shpalos më të mirat e saj me rënien e natës, kur vjen ora për të festuar.

Berati
I njohur ndryshe dhe si qyteti i 1001 dritareve, Berati është një nga qytetet më të vjetra në trashëgiminë e UNESCO-s.
Gjirokastra
Shtëpi prej guri të një stili të shkëlqyer osman në këtë tjetër qytet të klasifikuar nga UNESCO.

Korça
I quajtur ‘Parisi i Vogël’ për praninë e trupave franceze gjatë Luftës së Parë Botërore dhe dyqanet e vogla të stilit francez, ky qytet është gjithashtu i njohur në të gjithë vendin për birrarinë e Korçës, e cila organizon një festival birre çdo vit në muajin gusht.

Saranda
Ky stacion turistik bregdetar, veçanërisht i çmuar nga turistët shqiptarë, është ndalesa e përkryer për një pushim të merituar plazhi.

Dhërmiu
Fshati i qetë në një shpat mali me ujera të mrekullueshëm turkuaz dhe që ofron gjithashtu mundësinë për të kombinuar, në të njëjtin vend, malin dhe detin. / KultPlus.com

Linku: https://www.opnminded.com/2017/07/31/cet-ete-albanie-voyage.html