Ministri i Kulturës, Rinisë dhe Sportit, Kujtim Gashi mori dhe pjesë në ceremoninë zyrtare të hapjes së aktiviteteve për shënimin e Ditës Ndërkombëtare të Rinisë. Aktivitetet me rastin e kësaj dite i ka hapur shoqata kulturore “Molla e Kuqe” dhe organizata joqeveritare “Access”, të cilat me mbështetje të MKRS-së kanë organizuar instalacionin dhe performancën artistike ku është kompletuar Flamuri i BE-së me mesazhin që Kosova është gati për liberalizimin e vizave.

Ministri i Kulturës, Rinisë dhe Sportit, Kujtim Gashi, ka thënë se “Shteti i Kosovës, të rinjtë e Kosovës duhet t’i kenë dyert e hapura për në Bashkimin Evropian, dhe jam shumë i bindur që ky aktivitet sotëm koincidon edhe me kriteret dhe ato që shteti i Kosovës i ka plotësuar kushtet për t’i pasur dyert hapur në Bashkimin Evropian. Besoj që ky vit të jetë viti kur të rinjtë e Republikës së Kosovës që padrejtësisht kanë pas probleme me lëvizjen e lirë, të jenë të lirë, të barabartë me të gjithë të rinjtë e Evropës”.

Ndërsa Arianit Jashari nga organizata “Access”, tha “Organizata Access në bashkëpunim me Mollën e Kuqe kemi bërë instalacion në shesh që na simbolizojmë 6 yjet e Kosovës në njëfarë forme që Kosova është gati dhe BE të hapë dyert për liberalizim që të rinjtë të lëvizim lirshëm” ka thënë Jashari.

Në kuadër të aktiviteteve për shënimin e Ditës Ndërkombëtare të Rinisë, ministri Gashi mori pjesë në debat me shoqërinë civile për plotësim/ndryshimin e Ligjit për Fuqizimin dhe Pjesëmarrjen të Rinisë, përmes motos “Hapësira të Sigurta për Rini”. Kjo moto është rekomanduar për qeveritë në mbarë globin nga Asambleja e Përgjithshme e Kombeve të Bashkuara. Ky koncept ka promovimin e hapësirave të sigurta për të rinjtë si dhe synim i Departamentit të Rinisë është të ofrojmë mundësi të shumta, kreative dhe të sigurta për të gjithë të rinjtë pa dallime racore, gjinore, fetare ose prejardhja kulturore për të kontribuar lirshëm në komunitet.

Ministri Gashi tha se “Asnjëherë nuk kam qenë i kënaqur që të shënohet vetëm një ditë e Rinisë, Ne do ti kemi shënojmë 365 ditë të rinisë sepse Rinia, është pjesa më vitale e shoqërisë tonë. Arsyja e plotësim/ndryshimit të Ligjit për rini është se tani kemi zhvillime të hovshme rinore jo vetëm në Kosovë por gjithandej bashkimit Evropian, tash jemi 10 vite pas implementimit të këtij ligjit prandaj tani kanë ka ndryshuar shumë gjera dhe ne kemi vendosur që të bëjmë një ndryshim në këtë ligji” ka thënë ministri Gashi.

“Të jeni të sigurt se gjendja e sektorit të rinisë do të ndryshojë për të mirë. Jemi duke realizuar disa projekte që janë në të mirë të të rinjve, por asnjëherë nuk jemi të kënaqur. Ligji po bëhet për të rinjtë, kemi pasë viteve të fundit largim të të rinjve dhe duhet të brengosemi si shtet. Por duhet të ofrojmë alternativa, sepse ka kapacitet”.” ka thënë ministri Gashi.

Ndër të tjerash ministri Gashi tha se “Do të kemi një periudhë deri në fund vite që të kemi mundësi të diskutojmë më organizata të ndryshme për ligjin jo vetëm në Prishtinë por në të gjitha qytete e Kosovës ti kemi parasysh kërkesat të cilat ata qendrat rinore organizatat rinore edhe të rinjtë të cilat janë kërkesat e tyre për plotësim ndryshimin e këtij ligji” tha ministri Gashi.