Ministria e Kulturës, Rinisë dhe Sportit po mban trajnime për zhvillimin e aftësive për udhërrëfime turistike (ciceronëve) në Janjevë, në kuadër të programit “Trashëgimia Kulturore si Nxitëse për Ringjallje Ekonomike të Janjevës”, shkruan KultPlus.

Ky trajnim po u ofrohet 20 përfaqësuesve të komuniteteve lokale me prejardhje të ndryshme etnike me qëllim të përfitimit të njohurive elementare në fushën e turizmit.

‘Ky aktivitet synon që t’u ofrojë 20 përfaqësuesve të komuniteteve lokale me prejardhje të ndryshme etnike të Janjevës, mundësinë për të fituar njohuri elementare në fushën e turizmit.

Trajnimi do të kontribuojë në ngritjen e kapaciteteve profesionale për zhvillim të turizmit kulturor e rural në Janjevë. Kjo përmes zhvillimit të aftësive të banorëve, ofrimit të shërbimeve të guidave turistike, identifikimit dhe hartëzimit të potencialeve kulturore, natyrore dhe promovimin e tyre përmes një platforme online.’, thuhet në njoftimin MKRS në facebook.