1 Maj, 2018 - 8:41 pm
Këngëtarja me origjinë nga Kosova dhe yll botëror i muzikës, Dua Lipa është bërë pjesë e një murali në Malajzi.
Pak ditë para se të mbajë koncertin e saj në Malajzi, një grup artistësh kanë vendosur të bëjnë mural fituesen e “Brit Awards” për sivjet.
Dua është duke mbajtur turnetë e saj muzikor dhe aktualisht po përgatitet për koncertin në Malajzi. Babai i saj Dukagjin Lipa ka postuar një video në Instagram,në të cilën shihet fytyra e Duas në një mural.
“Dua në Malajzi”, ka shkruar ai në postimin në të cilin e ka lidhur edhe një grup të titulluar @katun_ të cilët si duket e kanë bërë pikturën e Duas pasi që në faqen e tyre kanë postuar fotografi të artit të tyre, ku shihet fytyra e yllit botëror nga Kosova, Dua Lipa. / KultPlus.com
