Është ndarë për këtë vit Çmimi Ndërkombëtar Nënë Tereza.

Tradicionalisht, çmimi jepet në fusha të ndryshme. Në fushën e muzikës, për shfrytëzimin e saj në shpërndarjen e paqes nëpër botë, kompozitori nga Banglladeshi – Kaushnik Hossain Taposh dhe personaliteti Farzana Munni kanë marrë çmimin për sivjet.

Çmimin dyshja e morri në Kalkutë, aty ku e kaloi një pjesë të mirë të jetës bamirësja Nënë Tereza.

Dita u bë edhe më e veçantë me rastin e ditëlindjes së 108-të të bamirëses të cilën e njeh bota mbarë.
Dyshja kanë qenë pjesë e Kampanjës “Wind of Change – Music for Peace” e cila bëri për vete 55 artistë nga 33 shtete drejt promovimit të paqes me anë të muzikës.

Në këtë Kampanjë morrën pjesë edhe emrat si Ruslana nga Ukraina, këngëtarja Senan nga Turqia dhe Mekaal Hasan nga Pakistani. / KultPlus.com