Ditë më parë në Prizren si pasojë e zjarrit ishte dëmtuar Ura e Gurit. Ndërsa pas intervenimit të Komunës kjo urë është pastruar, shkruan KultPlus.

Komuna e Prizrenit ka njoftuar se pas dëmit të papërgjegjshëm nga djegia që i kishte ndodhur ditë më parë njërit prej objekteve më ikonike të qytetit, Urës së Gurit, komuna ka vazhduar me hapa për ta përmirësuar gjendjen.

“Harku i urës që ishte djegur tani është pastruar tërësisht, janë larguar të gjitha mbeturinat që ishin në të, janë larguar kabllot elektrike dhe është bërë izolimi i vendit. Gjithashtu janë larguar edhe grilat e hekurta dhe do t’i shtohet edhe ndriçimi. Ura e Gurit shumë shpejt do t’i kthehet pamjes që e meriton ta ketë”, thuhet në njoftimin e komunës.

Kujtojmë se duke marrë në konsideratë vlerat e mirëfillta të trashëgimisë, Ura e Gurit që nga viti 1948 është vënë në mbrojtje të shtetit. / KultPlus.com