***

“Në sytë e tij pashë trupat e vdekur të fëmijëve”

Sabit Kadriu, një profesor i gjuhës shqipe dhe ish-aktivist për të drejta të njeriut në Vushtrri, punoi në mbledhjen e dëshmive për krimet e kryera ndaj civilëve shqiptarë në rajonin e tij, por ndihet skeptik në atë se sa ka arritur puna e rrezikshme që ka bërë ta çoi më tej luftën për drejtësi.

Kadriu dëshmoi kundër Milosheviqit rreth masakrës në fshatin Likoshan ku 24 civilë shqiptarë u vranë në fund të shkurtit të vitit 1998 si dhe vrasjen e mbi 50 anëtarëve të familjes Jashari në Prekaz.

Kadriu thotë se ende i vjen në vesh zëri i Milosheviqit në sallën e gjykatës duke i thënë “Ndalu”, shkruan Balkan Insight.

“E shikova dhe në sytë e tij pashë trupat e vrarë të fëmijëve”, thotë ai. “Mu duk sikur u ndala, por në fakt isha duke folur”.

“Në atë moment doja ta përpija të gjallë”, tha Kadriu për BIRN duke kujtuar se u ndie i thyer kur Milosheviqi vdiq.

“Bashkë me të ndiq edhe çdo pritje për drejtësi”. Tribunali, tha ai, “dështoi të sjellë drejtësi”.

( Burimi: Balkan Insight )