Kabinat e kuqe telefonike, të cilat janë simbol i Londrës, për herë të parë u prezantuan në vitet e njëzeta të shekullit të kaluar, në mënyrë që të kenë qasje të gjithë njerëzit në telefon.

Sot këto kabina pothuajse nuk janë më të nevojshme për shkak të rritjes së teknologjisë celulare, por edhe gjendjes së keqe në të vilën ndodhen. Grupi i qytetarëve në Londër, për fat të mirë, ka vendosur t’i riparojë ato.

“Meqë kabinat janë shenja jonë mbrojtëse, ato nuk duhet të jenë të ndyra dhe të ndotura me grafit. Pyesja veten pse nuk duhet t’i pastrojmë. Sapo pashë një në gjendje shumë të keqe, dhe u ndjeva sikur pashë një të afërm të moshuar që vuan nga dhimbja”, tha Emily, një nga qytetarët që pastruan një pjesë të kabinave.

Për fat të keq, ky aksion i qytetarëve londinezë nuk do të jetë i mjaftueshëm për t’i shpëtuar. Disa nga kabinat e preferuara janë duke u shitur dhe disa janë shndërruar në biblioteka ose janë dhënë me qira për shitësit lokalë.

Përveç asaj se të gjithë kanë telefona mobilë, në Londër janë prezantuar telefona në rrugë me qasje në internet dhe më e rëndësishmja është se ata janë falas.